Antonio Saura
Antonio Saura, nado en Huesca o 22 de setembro de 1930 e finado en Cuenca o 22 de xullo de 1998, foi un artista español, irmán do director de cine Carlos Saura e tío do produtor cinematográfico Antonio Saura.
| Biografía | |
|---|---|
| Nacemento | 22 de setembro de 1930  Huesca, España |
| Morte | 22 de xullo de 1998 (67 anos) Cuenca, España |
| Datos persoais | |
| País de nacionalidade | España |
| Actividade | |
| Ocupación | pintor , ilustrador , escritor , debuxante |
| Membro de | |
| Movemento | Informalismo (pt)  |
| Lingua | Lingua castelá |
| Participou en | |
| 28 de xuño de 1964 | Documenta III (en) |
| 11 de xullo de 1959 | Documenta II (en) |
| Obra | |
Obras destacables
| |
| Familia | |
| Irmáns | Carlos Saura |
Premios | |
  | |
Traxectoria editar
Antonio Saura creceu durante a guerra civil española en Madrid, Valencia e Barcelona. Debido a unha enfermidade pulmonar a partir de 1943 tivo que pasar cinco anos en cama.
Sen educación académica, comeza a súa carreira artística como autodidacta, ten unha primeira exposición en Zaragoza en 1950 e expón finalmente en Madrid en 1952 cadros surrealistas. Tras o seu traslado a París a metade dos anos 50, súmase aos surrealistas.
Tras a súa volta a España, funda xunto con outros artistas o grupo El Paso. A súa primeira exposición en París tívoa en 1957. O ano seguinte, 1958, participa xunto con Antoni Tàpies e Eduardo Chillida na Bienal de Venecia e en 1959 é invitado á segunda edición de Documenta en Kassel (Alemaña). Durante esta época pinta cadros abstractos moi expresivos que con todo aínda conteñen a miúdo símbolos, por exemplo no seu Cristo Crucificado de 1959 ou o ciclo Brigitte Bardot.
A finais de anos 1950 comeza a cooperar co seu compatriota Antonio Tápies, co que realiza unha exposición conxunta na Documenta de 1959 en Múnic. Ambos son os principais expoñentes da arte informal española.
Antonio Saura é Doutor Honoris Causa pola Universidade de Castela-A Mancha, a cal deu o seu nome ao edificio que alberga a facultade de Belas Artes, unha das máis modernas e funcionais de España.
Exposicións (selección) editar
- 1963 Palais des Beaux-Arts, Bruxelas (Bélxica)
- 1964 Documenta III Kassel, Stedelijk Museum, Ámsterdan (Países Baixos)
- 1966 Institute for Contemporary Art, Londres (Gran Bretaña)
- 1974 M-11, Sevilla (España)
- 1977 Documenta IV, Kassel (Alemaña)
- 1979 Stedelijk Museum Amsterdam (Países Baixos)
- 1981 Caja de la Inmaculada, Zaragoza (España)
- 1986 Neue Galerie (actualmente Ludwig Forum für Internationale Kunst), Aachen (Alemaña)
- 1989 Musée d'art et d'histoire, Xenebra (Suíza)
- 1994 Museum für Moderne Kunst, Lugano (Suíza)
- 2002 Musée d'Art Moderne et Contemporain, Estrasburgo (Francia)
- 2003 National Museum, Cracovia (Polonia)
- 1996 Museo de Debuxo "Julio Gavín" Castelo de Larrés (Huesca)
Premios (selección) editar
- 1960 Premio Guggenheim, Nova York (Estados Unidos)
- 1979 Premio da primeira bienal gráfica europea (Ersten Europäischen Grafikbiennale), Heidelberg (Alemaña)
- 1982 Medalla de ouro de Belas Artes de España
- 1995 Gran premio da cidade de París (Francia)
Véxase tamén editar
Ligazóns externas editar
- Saura. Análise Crítico (en español)
- As multitudes de Antonio Saura, por Santiago Amón (en español)