Eduardo Chillida

Eduardo Chillida
Eduardo Chillida
Nome completo	Eduardo Chillida Juantegui
Nacemento	10 de xaneiro de 1924
	Donostia
Falecemento	19 de agosto de 2002
	Donostia
Área	Escultura
Educación	Círculo de Bellas Artes de Madrid
Obras	Peine del Viento
Nacionalidade	España
Fillos	Eduardo Txillida Beltzuntze
Páxina web	museochillidaleku.com
	[ editar datos en Wikidata ]

Eduardo Chillida Juantegui, nado en Donostia o 10 de xaneiro de 1924 e finado na mesma cidade o 19 de agosto de 2002, foi un escultor vasco.

Traxectoria editar

Primeiro foi futbolista na Real Sociedad de Fútbol de Donostia, pero tivo que deixalo por unha lesión. Estudou arquitectura en San Sebastián e Madrid, e abandonou a carreira comezando a estudar debuxo no Círculo de Belas Artes de Madrid. Trasládase a París e casa ó ano seguinte con Pilar Belzunce, comezando o mesmo ano a súa longa carreira na que destacaría o Peite do Vento, escultura en aceiro que se instalou en Donostia en 1971. No ano 1975 deseñou o logotipo da Universidade do País Vasco^[1]. Recibiu diversos premios, entre eles o Princesa de Asturias das Artes en 1987.

Na última parte da súa vida, Chillida constituíu o museo Chillida-Leku, inaugurado en 2000 no casarío de Zabalaga (no concello de Hernani, xunto a San Sebastián) unha fermosa construción tradicional vasca remodelada polo escultor e rodeada dun grande espazo de xardíns coa maior colección da obra do artista.

Un dos seus proxectos máis afamados e polémicos, aínda que inconcluso, foi o baleirado da montaña Tindaya, na illa canaria de Fuerteventura, co obxectivo de crear no seu interior un inmenso cubo no que se simbolizaba a lúa e o sol.