Esciro
Esciro ou Esciros (Skyros ou Scyrus, Σκύρος) é unha illa grega do mar Exeo, unha das Espóradas, ao leste de Eubea na ruta cara ao Ponto. Está formada por dúas partes (norte e sur) dividida por un istmo.
| Esciro | |
|---|---|
| Σκῦρος | |
 Vista de Esciro | |
 Localización da illa | |
| Situación | |
| País | Grecia |
| Arquipélago | Espóradas |
| Mar | Mar Mediterráneo |
| Coordenadas | 38°54′N 24°33′L / 38.900, -24.550Coordenadas: 38°54′N 24°33′L / 38.900, -24.550 |
| Xeografía | |
| Superficie | 223 km² |
| Punto máis alto | 792 m.Monte Olympus |
| Demografía | |
| Capital | Esciro |
| Poboación | 2.994 hab. (2011) |
| Densidade | 13 hab./km² |
| Lingua propia | Grego |
Antigamente tiña unha cidade co mesmo nome e un río chamado Cefiso. A capital aínda leva o nome de Skyros ou Chora e está ao nordés (antes chamábase San Xurxo). A súa superficie é de 215 km² e a poboación de 3.000 habitantes. A altura máxima está no monte Kokhilas, na parte sur con 793 metros. Nas proximidades hai 32 illas e illotes. O porto de Linaria está no suroeste. Na parte norte está o monte Olimpo con 399 metros.
Historia editar
Tucídides menciona que a illa estaba habitada polos dólopes e foi conquistada por Cimón logo das Guerras Médicas, en (-469), xa que un oráculo ordenara en -476 levar os ósos de Teseo desde a illa a Atenas. Efectivamente, os supostos ósos foron levados a Atenas e gardados no Teseion. Cimón expulsou os dólopes e estabeleceu colonos atenienses e desde entón foi vista como parte de Atenas e ata na paz de Antálcidas recoñecida como parte inseparable de Atenas xunto con Lemnos e Imbros.
Os macedonios apoderáronse dela en -240, pero os romanos obrigaron a Filipo V de Macedonia a retornar a illa a Atenas no tratado de paz de -196.
Permaneceu en mans romanas e bizantinas ata 1205 cando foi ocupada polos venecianos e gobernada polos Ghisi e os Tiépolo ata que cara a 1390 foi ocupada polos otománs, pero os bizantinos recuperárona pouco despois e conservárona ata 1453. Neste ano púxose baixo protección de Venecia. Os turcos ocupárona en 1538. Volveu a mans de Grecia en 1830.
Clima editar
Skyros ten un clima mediterráneo con invernos suaves e veráns agradables.
| Datos climáticos para Skyros airport | |||||||||||||
|---|---|---|---|---|---|---|---|---|---|---|---|---|---|
| Mes | Xan | Feb | Mar | Abr | Mai | Xuñ | Xul | Ago | Set | Out | Nov | Dec | Anual |
| Media máxima en °C | 12,3 | 12,7 | 14,1 | 17,7 | 22 | 26,3 | 27,9 | 27,6 | 24,7 | 20,8 | 17,2 | 13,9 | 19,77 |
| Media mínima en °C | 7,4 | 7,4 | 8,7 | 11,4 | 15 | 19,3 | 21,7 | 21,7 | 18,8 | 15,5 | 12 | 9,1 | 14 |
| Precipitación media mm | 70,6 | 55,3 | 49,9 | 24,3 | 15,4 | 6,5 | 5,9 | 8,4 | 19,4 | 36,7 | 54,6 | 81,1 | 428,1 |
| [Cómpre referencia] | |||||||||||||
Notas editar
Véxase tamén editar
| Wikimedia Commons ten máis contidos multimedia na categoría: Esciro |