El Bólido (Moraña)
El Bólido foi un semanario editado en Moraña entre 1916 e 1923.
El Bólido | |
---|---|
![]() ![]() | |
Fundación | 1916 |
Lingua | lingua castelá |
[ editar datos en Wikidata ] |
Historia e características
editarSubtitulado inicialmente Periódico independiente, apareceu o 27 de agosto de 1916. De tendencia agrario-rexionalista, o seu director era Antonio Bello Varela. Entre os seus colaboradores estaban José Vázquez Grela, Luciano Folgar, José Bugallo Fernández, Constante Diz Monteagudo e José Portas. En 1917 cambiou o subtítulo por Periódico Agrario. En 1917 mantivo polémicas con Acción Agraria. O 14 de abril de 1918 pasou a subtitularse Órgano de las Sociedades Agrarias de Moraña e Cuntis, para pasar despois a Semanario Agrario Regionalista. Órgano de las Sociedades Agrarias de Moraña, Cuntis, Barro y Valga, converténdose no voceiro do agrarismo dos concellos de Moraña, Cuntis, Barro e Valga, ao non sentirse os labregos destes distritos apoiados pola federación agraria de Caldas á que pertencían. O paso de José Vázquez Grela ao bando caciquil e a alianza de varias sociedades agrarias co deputado Bernardo Mateo Sagasta fixo que o periódico entrara en crise e deixou de publicarse durante un tempo.
Tivo unha segunda época entre 1921 e 1923 co subtítulo Órgano de la Sociedad Agraria de Moraña con Constante Diz como administrador, Luciano Folgar, xefe de redacción, e Manuel Pereira García, José Bugallo e Salvador Novo Caldas como redactores.
Véxase tamén
editarBibliografía
editar- "Bólido, El". Enciclopedia Galega Universal. Ir Indo. 1999-2002. ISBN 84-7680-288-9.
- Cabo Villaverde, Miguel (2003). Prensa agraria en Galicia. Ourense: Duen de Bux. ISBN 84-932078-3-7.
- Casal Porto, Xosé (1999). "El Bólido, xornal agrario". A Taboada (Asociación Cultural A Cabana, Asociación Cultural O Meigallo) (0): 6–14.
- Durán, José Antonio (2005). "Bólido, El". Gran Enciclopedia Galega Silverio Cañada (DVD). El Progreso. ISBN 84-87804-88-8.
Outros artigos
editarLigazóns externas
editar- Salgado, Fernando (14/12/2016). "El Bólido, o xornal de Moraña e Cuntis" Diario de Pontevedra.
- Exemplares en Scribd. ACVagalumes.