Couto de Lampai

O Couto de Lampai foi un terreo doado en 1156 polo rei Afonso VII ao plebeo Sancho Eanes. A doazón está confirmada nun documento conservado no Arquivo-Biblioteca da Catedral de Santiago de Compostela (tombo B, folio 222), redactado o 29 de outubro dese mesmo ano.

Marco I do Couto de Lampai.

LocalizaciónEditar

Está situado na parroquia de Cruces (Padrón), preto de Iria Flavia e da parroquia de Lampai (Teo). O terreo ten 22 hectáreas, e abrangue varias entidades de poboación. Está atravesado pola vía portuguesa do camiño de Santiago e pola autoestrada AP-9.

Limitaría ao norte cos montes das Penises e Figueira Labrada, ao sur cos montes de Pastoriza, ao leste co lugar de Lampai, e ao oeste cos lugares de Queiruga e Pazos.

MarcosEditar

O couto está definido con catro marcos como lindes do terreo^a.

O marco I^[1] está a carón do rego de Tarrío (entre O Pedroso do Norte e Lampai), no actual límite entre os concellos de Padrón e Teo. Inclúe o texto era mcmxciv et quotum i kalendas septemberis cum auctoritatem imperatoris et omnibus intervinientibus patronim statuit ("ano 1156 no primeiro día das calendas de setembro coa autoridade do Emperador e de tódolos asistentes poño este padrón").

O marco II^[2], pegado a unha canteira^[3] (entre O Pedroso do Norte e Queiruga) ten un texto na cara norte (co texto patronim statuit), seis coviñas na cara leste, e unha cruz na cara oeste.

O marco III (entre O Pedroso do Vendaval e Pazos -¿Reis?- en Padrón) ten unha inscrición no lado oeste, que remata coa fórmula patronim statuit.

O cuarto marco descubriuse en 2002^[4].

Galería de imaxesEditar

Véxase tamén: Imaxes do Couto de Lampai.

Marco I^a
Marco II.
Marco III.

NotasEditar

↑ Marco do couto de Lampai – Marco 1 na páxina web colaborativa Patrimonio Galego.
↑ Marco II do Couto de Lampai de Sancho Eanes na páxina web colaborativa Patrimonio Galego.
↑ Padrón: chafalladas e manifestacións, en manuelgago.org
↑ Os marcos do emperador, en culturagalega.gal^a

^a Téñase en conta que orde de presentación dos marcos en de culturagalega.org non coincide coa numeración na publicación orixinal de Guitián e nas fotos.