Edvac

Benvido(a) á Galipedia, Edvac! Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc.
Primeiros pasos Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Onde atopar axuda Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.		Recomendacións Na túa páxina de usuario podes pór caixas informativas coas linguas que coñeces, segundo se explica na páxina Babel, para que outros saiban en que linguas se poden comunicar contigo ou coas que podes axudar. Para responder a unha mensaxe dun usuario tes que facelo na súa páxina de conversa, senón, non lle sairá o aviso de que ten mensaxes novas e é moi posíbel que non se decate da túa resposta. Por favor, engade sempre a túa sinatura nas páxinas de conversa escribindo ~~~~.   Se o desexas, podes axudarte do revisor ortográfico, activándoo en: Preferencias → Trebellos → Navegación → Ortografía: Activar o revisor ortográfico. Cometiches un erro? Queres avisar dun erro que cometiches e que non sabes como solucionar? Deixa unha mensaxe na páxina de conversa dese artigo, comunícao na Taberna ou coméntallo a outro usuario. Todos cometemos erros, é normal, e sempre estamos dispostos a axudar a quen comeza.

Boa estadía e bo traballo. --Atobar ^{(conversa comigo)} 23:25, 23 de xuño de 2010 (UTC)

Actualidade

Boas, nunha wiki pequena se cadra é máis eficaz que agardes un día ou dous até que acabe o evento e a partir de aí editas de corrido, porque caso contrario é probábel que a info quede a medias. Dígocho, obviamente, por Mahut - Isner (2010). Un saúdo, benvido e para calquera dúbida pregunta sen medo. --Atobar ^{(conversa comigo)} 23:25, 23 de xuño de 2010 (UTC)

Grazas polo consello. En realidade, tendo en conta que previsiblemente este evento remate mañán, xa estou comprometido a rematalo e non deixalo orfo. Teño por principio non deixar os traballos a medias. Grazas de novo.—o anterior comentario sen asinar foi feito por Edvac (conversa • contribucións)

• Perfecto. Outra cousiña: que non che esqueza asinares. Faise premendo no cuarto botón comezando pola dereita, enriba do cadro da escrita, o que ten a traza dun garabato. E para responder, telo que facer na páxina de conversa do usuario co cal queres falar; outramente, non chega aviso e corres o risco de que non cho lean. Saúdos. --Atobar ^{(conversa comigo)} 23:42, 23 de xuño de 2010 (UTC)

Recoñecemento cando se traduce doutra Wikipedia

Ola Edvac.

Por favor, ten en conta que os textos da Wikipedia, en tódalas linguas, publícanse baixo CC BY-SA, e entre os requirimentos desta licenza está o recoñecemento. Isto quere dicir que cando se traen, traducíndoos, contidos doutras wikipedias, cómpre recoñecer a súa orixe/autoría.

Na Wikipedia en galego adoitamos facelo dunha das seguintes dúas maneiras:

• A maneira máis doada, e empregada, é deixar constancia no cadro Resumo. Exemplos:

→

→ Esta achega é unha tradución do artigo da Wikipedia en castelán: [[:es:Cristóbal Colón]]

→ Este artigo contén material procedente dos artigos das Wikipedias en inglés e portugués: [[:en:Europa]] e [[:pt:Europa]]

→ A primeira edición deste artigo procede da tradución e adaptación do artigo homónimo da Wikipedia en lingua_que_sexa

→ Tradución da versión http://pt.wikipedia.org/w/index.php?title=Albert_Einstein&oldid=11330571 do artigo da Wikipedia en portugués

• Alternativamente, tamén se pode facer constar na páxina de conversa do artigo, por exemplo empregando o modelo {{Traducido de}}.

Moitas grazas, un saúdo e a seguir! --Estevo(aei)^{pa o que queiras...} 13 de febreiro de 2018 ás 01:12 (UTC)

Moitas grazas! A verdade é que non sabía o de que hai que poñer atribución cando se traduce doutras wikipedias. Fareino no sucesivo. Para este artigo (e outro máis que escribín de André Sainte-Laguë), poñereino na páxina de conversa de cada artigo. --Edvac (conversa) 13 de febreiro de 2018 ás 01:21 (UTC)

títulos de artigos

Ola, Edvac! Movín o artigo que creaches a Emperador, Valencia, pois adoita evitarse o uso de parénteses nos artigos de lugares. Un saúdo! --Estevo(aei)^{pa o que queiras...} 14 de febreiro de 2018 ás 14:29 (UTC)