Conde de Torrecedeira
Conde de Torrecedeira é un título nobiliario concedido pola raíña rexente María Cristina de Habsburgo-Lorena en Real Despacho de 3 de xaneiro de 1891[1] a Manuel Bárcena Franco, que foi alcalde de Vigo e fundador da Caja de Ahorros-Monte de Piedad de Vigo.
| Conde de Torrecedeira | |
|---|---|
 | |
| Primeiro titular | Manuel Bárcena y Franco |
| Concesión | Afonso XIII 3 de xaneiro de 1891 |
| Actual titular | Felipe Bárcena y Varela de Limia |
.jpg)
Descendencia editar
O primeiro conde, casado con Dolores de Andrés-García López, tivo tres fillos, pasando o título de conde ao seu primoxénito, Manuel Bárcena Andrés, cónsul de Inglaterra en Vigo e primeiro presidente do Real Club Celta, que casou con Obdulia de Castro Montenegro.
Cando morreu, o título pasou o seu primoxénito Manuel Bárcena Castro, casado con Mercedes Iñíguez Galíndez, faleceu en 1962 sen descendencia.
Obtivo carta de sucesión o seu irmán, Felipe Bárcena Castro, casado con María del Pilar Varela de Limia y Pais. Ao pasamento pasou a ser o quinto conde o primeiro fillo, Felipe Bárcena Varela de Limia, naturalista nado en Madrid en 1946 e primeiro presidente da Asociación de Amigos de los Pazos.[2]
Condes de Torrecedeira editar
- Manuel Bárcena Franco (1834-1908), I conde de Torrecedeira.
- Casou con Dolores de Andrés López. Sucedeuno, en 1908, o seu fillo:
- Manuel Bárcena Andrés (1877-1927), II conde de Torrecedeira.
- Casou con Obdulia de Castro Montenegro. Sucedeuno, en 1930, o seu fillo:
- Manuel Bárcena Castro (1905-1962), III conde de Torrecedeira.
- Casou con Mercedes Iñíguez Galíndez. Sucedeuno, en 1966, o seu irmán:
- Felipe Bárcena Castro (1906-1984), IV conde de Torrecedeira.
- Casou con María del Pilar Varela de Limia País. Sucedeuno, en 1985, o seu fillo:
- Felipe Bárcena Varela de Limia (n. en 1946), V conde de Torrecedeira.
- Casou con Rosa María de Labra Morán.
Escudo editar
O escudo de armas é o dos Bárcena. En campo de goles, seis basantes de prata dispostos dous, dous e dous. Timbrado con coroa condal.
Notas editar
- ↑ López-Chaves Meléndez, Juan Manuel y Amor Moreno, Grato Ernesto, Inventario de pazos y torres de la provincia de Pontevedra, 1998, ISBN 84-86845-09-02.
- ↑ Enciclopedia Galega Universal, Ir Indo.