Condado de Montfort-l'Amaury

O condado de Montfort era unha xurisdición feudal de Francia centrada en Montfort-l'Amaury. Había outro señorío de Montfort (que máis tarde se converteu nun condado) en Bretaña, outro en Normandía (Montfort-sur-Risle) e un condado de Montfort en Suabia.

Historia

O condado de Montfort que aquí interesa xurdiu como señorío ao redor do ano 1000 cando un vasalo de Roberto II de Francia (996-1031), chamado Guillerme de Hainaut, construíu o castelo de Montfort e o de Epernon, para garantir a defensa do dominio real, e foi coñecido como Guillerme de Montfort. Simón IV de Montfort desempeñou un papel esencial na cruzada albixense e obtivo territorios en Languedoc que lle permitiu ao seu fillo elevar o señorío a condado a cambio de transferir estes territorios á coroa francesa. O condado pasou por matrimonio no século XIV á casa de Bretaña e finalmente desta á coroa francesa.

Señorío de Montfort

Casa de Montfort

• sobre 1000: Guillerme de Hainaut, primeiro señor.
• ???? - 1053: Amalrico I (m. 1053), fillo, casado con Bertrada de Gometz.
• 1053 - 1087: Simón I (m. 1087), fillo. Casado en primeiras nupcias con Isabel de Broyes e en segundas con Inés de Évreux.
• 1087 - 1089: Amalrico II (m. 1089), fillo (coa primeira muller).
• 1089 - 1092: Ricardo (m. 1092), fillo de Simón I e Inés de Évreux.
• 1092 - 1101: Simón II (m. 1101), fillo de Simón I e Inés de Évreux.
• 1101 - 1137: Amalrico III (1063 - 1137), conde de Évreux en 1118, fillo de Simón I e Inés de Évreux. Casado en primeiras nupcias con Riquilda de Hainaut e en segundas con Inés de Garlande.

Escudo dos señores de Montfort

• 1137 - 1181: Simón III o Calvo (m. 1181), conde de Évreux en 1140, fillo de Amalrico III e Inés de Garlande. Casado con Matilde.
• 1181 - 1188: Simón (m. 1188), segundo fillo do anterior (antes confundido co seu pai, a súa existencia supón un problema de numeración, xa que se se chama Simón IV de Montfort isto altera a numeración tradicional). Casado con Amicia de Leicester.
• 1181 - 1218: Simón IV (m. 1218), vizconde de Beziers e Carcasona (1209-1218), conde de Tolosa (1215-1217), fillo. Sería realmente Simón V de Montfort. Casado con Alix de Montmorency.

Condado de Montfort

Casa de Montfort

• 1218 - 1241: Amalrico IV (1192 - 1241), fillo, en 1224 cedeu os vizcondados de Beziers e Carcasona a Francia, a cambio da elevación de Montfort a condado. Casado con Beatriz de Borgoña, filla de Guigón VI de Viennois, delfín do vienés.
• 1241 - 1249: Xoán I (1228 - 1249), fillo. Casado con Xoana de Châteaudun.

Casa de Dreux

• 1249 - 1311: Beatriz de Montfort (m. 1311), filla. Casada con Roberto IV (1241 - 1282), conde de Dreux.

Casa da Bretaña

• 1311 - 1330: Iolanda de Montfort (1263 - 1330), filla. Casada en primeiras nupcias en 1285 con Alexandre III (m. 1286), rei de Escocia e en segundas en 1292 con Artur II (1261 - 1312), duque da Bretaña.
• 1330 - 1345: Xoán II (1294 - 1345), fillo. Casado con Xoana de Flandres (1295 - 1374).
• 1345 - 1399: Xoán III (1339 - 1399), fillo, duque da Bretaña en 1364 como Xoán IV o Vencedor; no futuro todos os condes de Montfrot tamén serían duques da Bretaña.
• 1399 - 1442: Xoán IV (1399-1442) (Xoán V, duque da Bretaña).
• 1442 - 1450: Francisco I (1414-1450).
• 1450 - 1457: Pedro I (Pedro II, duque da Bretaña).
• 1457 - 1458 Artur III o Xusticeiro ou o Condestábel de Richemont (1393-1457),
• 1458 - 1488: Francisco II (1435-1488).
• 1488 - 1514: Ana da Bretaña (1477-1514), emperatriz e arquiduquesa de Austria por matrimonio con Maximiliano de Habsburgo, logo raíña de Francia, Sicilia e Xerusalén polo seu casamento con Carlos VIII e posteriormente raíña de Francia e duquesa de Milán polo seu matrimonio. con Lois XII.