Castro de Mallou
Coordenadas: 42°48′27″N 9°06′04″O / 42.8075, -9.1011111111111
O Castro de Mallou é un poboado castrexo situado no concello de Carnota, nun outeiro preto da praia de Carnota.
| Castro de Mallou | |
|---|---|
| Parroquia | Santa Comba de Carnota |
| Concello | Carnota |
| Provincia | A Coruña |
| Comunidade autónoma | Galiza |
| Id. catálogo | GA15020016 |
| Cronoloxía | |
| Datas de ocupación | Idade de ferro |
| Períodos de escavación | 2006 e 2007, escavado actualmente |
| Estado actual | escavación e estudo |
| Extensión estimada | 1,4 ha. |
| Véxase tamén | |
| Castros de Galiza | |
Descrición editar
O castro está situado nun outeiro duns 120 metros de altitude. O lugar está ligado co aproveitamento do agro e do mar. O cumio do outeiro foi feito chan para o mellor aproveitamento quedando unha planta rectangular. O castro ten unha soa croa percorrida por un só foxo e unha segunda muralla. Hai outra muralla no acceso a xeito de parapeto. Mide de norte a sur uns 110 metros por uns 60 de leste a oeste[1].
No acceso á croa hai dúas torres defensivas. Dentro da croa hai vivendas e/ou construcións auxiliares de dous tipos morfolóxicos:
- Construcións circulares comúns cunha superficie media de 15 m², eixos de 5 m. de media.
- Construcións alongadas, un 40% das existentes, superficie media de 23,8 m², e eixos de 7,2 m, todas elas preto da muralla.
Este castro foi escavado nos anos 2006 e 2007 nos campos de traballo organizados pola Dirección Xeral de Xuventude da Xunta de Galicia. Posteriormente no ano 2013 limpouse o castro e fixéronse máis escavacións nunha acción de arqueoloxía pública dirixida por Antón Malde e Manuel Gago Mariño.[2]
Notas editar
- ↑ Castro de Mallou na páxina web colaborativa Patrimonio Galego.
- ↑ "Web do sitio arqueolóxico do Castro de Mallou". Arquivado dende o orixinal o 16 de xullo de 2013. Consultado o 26 de agosto de 2013.