Praia de Carnota

areal en Carnota

Coordenadas: 42°49′44″N 9°06′21″O / 42.82889722, -9.10594944

A praia de Carnota é un areal localizado no litoral do concello coruñés de Carnota. Cos seus máis de sete quilómetros de lonxitude, está considerada como a máis grande de Galicia. Con baixamar o areal supera os 500 metros de longo nalgúns tramos.

Praia de Carnota
Praia de Carnota

A súa lagoa interior e zona de marismas e dunas dálle acubillo a unha gran variedade de aves migratorias, o que fai especialmente perigoso a deterioración ecolóxica á que vén sendo sometida nos últimos anos -foi unha das afectadas pola marea negra do Prestige-.

A praia de Carnota forma un espazo natural xunto co Monte Pindo o espazo natural Carnota - Monte Pindo catalogado como zona especial de conservación (ZEC) da Rede Natura 2000. O espazo ten unha superficie de 4.629 ha. e abrangue aos concellos de Carnota, Mazaricos, Cee e Dumbría, entre as rías de Corcubión e a de Muros e Noia.

Pola súa riqueza e variedade de ecosistemas, así como pola súa inestimable beleza, a praia de Carnota foi considerada pola revista xermana Traum Sträde unha das cen mellores do mundo. Así mesmo algunha sondaxes sitúana entre as tres mellores de Galicia.[1]

Galería de imaxes editar

Notas editar

  1. "Carnota, a praia galega máis recomendada no mundo". Arquivado dende o orixinal o 13 de setembro de 2019. Consultado o 28 de setembro de 2008.