Carlos González Reigosa

Para outras páxinas con títulos homónimos véxase: Reigosa.

Carlos González Reigosa, nado en Lagoa (A Pastoriza) o 2 de setembro de 1948, é un escritor e xornalista galego.

Carlos González Reigosa

(2014)
Biografía
Nacemento	2 de setembro de 1948 (76 anos) Lagoa, España
Formación profesional	Ciencias da información e ciencias políticas
Actividade
Ocupación	xornalista, escritor
Xénero artístico	Narrativa, poesía e ensaio
Obra
Obras destacables (1984) Crime en Compostela (1988) O misterio do barco perdido (1996) A guerra do tabaco (2001) Narcos
Premios
(2012)  Premio de xornalismo Francisco Fernández del Riego (1996)  Premio Rodolfo Walsh (1984)  Premio Xerais, premiado polo traballo Crime en Compostela

Traxectoria profesional

É licenciado en Ciencias da información e Ciencias políticas. Comezou a súa carreira xornalística en La Voz de Galicia. Redactor da axencia EFE desde 1974, foi o seu director de información (1990-1997) e director de publicacións (1997-2004).

É autor de multitude de artigos de crítica literaria e teatral e de política internacional, publicados en xornais e revistas tanto españois como americanos.

Publicou as novelas Oxford, amén (1982), Crime en Compostela (1984) (gañadora do primeiro Premio Xerais e a iniciadora da novela negra na literatura galega, ademais dun dos libros máis vendidos en lingua galega), O misterio do barco perdido (1988), A guerra do tabaco (1996), Narcos (2001) e Intramundi (2002).

Publicou así mesmo libros de relatos curtos (Homes de Tras da Corda, As pucharcas da lembranza, Irmán Rei Artur e Os outros disparos de Billy) e de investigación e ensaio xornalístico, destacando entre eles La agonía del león (Premio Internacional Rodolfo Walsh de Literatura Testimonial en 1996).

Dirixiu varios cursos de verán sobre xornalismo e literatura nas universidades Complutense, Menéndez Pelayo (UIMP), Rey Juan Carlos e Santiago de Compostela, ademais de en diversas institucións americanas (En Miami e Os Ánxeles). Algúns destes cursos foron recollidos en libros: La información internacional en el mundo hispanohablante (1995), Información y Sociedad (1996) ou Hemingway desde España (2001).

É profesor no mestrado de Relacións Internacionais da Universidade Complutense de Madrid e no mestrado de Xornalismo de Axencias da Universidade Rey Juan Carlos e a Axencia EFE.

Obra en galego

Narrativa

• Homes de Tras da Corda (1982, Xerais).
• Crime en Compostela (1984, Xerais).
• As pucharcas da lembranza (1986, Xerais).
• O misterio do barco perdido (1988, Xerais).
• A guerra do tabaco (1996, Xerais).
• Narcos (2001, Xerais).
• Intramundi (2002, Xerais).
• Pepa A Loba (2006, Xerais).
• A vida do outro (2009, Xerais).
• Xentiario (2009, Galaxia).
• A lei das ánimas (2010, Galaxia)
• Tras da Corda (2012, Xerais)
• A vitoria do perdedor (2013, Xerais).
• A vinganza do defunto (2014, Xerais).
• Segredos de Bretaña (2016, Xerais).

Literatura infanto-xuvenil

• Irmán Rei Artur (1987, Xerais).
• Dous máis dous (1998, Sotelo Blanco).
• A soidade do asasino (2018, Xerais) (Teatro)

Ensaio

• Fuxidos de sona (1989, Xerais).
• O doutor Livingstone, supoño (1998, Xerais).
• Eidos do xornalismo (2007, Galaxia).
• Laxeiro por si mesmo (2008, Xerais).
• A Galicia máxica de García Márquez (2013, Xerais).
• A morte de Valle-Inclán. O último esperpento (2016, Xerais, con Javier del Valle-Inclán e José Monleón).

Poesía

• Kid Salvaxe (2014, Xerais).

Conversas

• Conversas de Gonzalo Torrente Ballester con Carlos G. Reigosa (1983, SEPT).
• Colmeiro por si mesmo (2015, Xerais).

Obras colectivas

• A Gran Novela e outras narracións. Traballos premiados no 7º Concurso de Narracións Curtas Modesto R. Figueiredo do Pedrón de Ouro (1982, Ediciós do Castro).
• Premios Pedrón de Ouro. X Certame Nacional Galego de Narracións Curtas "Modesto R. Figueiredo" (1985, Ediciós do Castro).
• Contos eróticos. Eles (1990, Xerais).
• O relato breve. Escolma dunha década (1980-1990) (1990, Galaxia).
• Unha liña no ceo (58 narradores galegos 1979-1996) (1996, Xerais).
• Poetas e narradores nas súas voces. I (2001, Consello da Cultura Galega).
• Palabra por palabra. Contos da Policía (2003, Ir Indo).
• Os aforismos do riso futurista (2016, Xerais).

Premios

• Premio Xerais no 1984, por Crime en Compostela.
• Accésit no Premio Modesto R. Figueiredo no 1981, por O tesouro de Petro Xesto.
• Accésit no Premio Modesto R. Figueiredo no 1984, por Cantar sen xesta de Lanzarote do Lago.
• Premio Torrente Ballester no 2008, por A vida do outro .
• Premio de xornalismo Francisco Fernández del Riego no 2012, por Paraíso case baleiro.

Obras en castelán

Narrativa

• Oxford, amén (1982). Publicado en galego no 2006, por Xerais.
• Los otros disparos de Billy (1986). Publicado en galego no 1991, por Xerais, como Os outros disparos de Billy.
• El regreso de los maquis (1992). Publicado en galego no 2004, por Xerais, como O regreso dos maquis.
• La agonía del león (1995). Publicado en galego no 2011, por Xerais, como A agonía do león.

Véxase tamén

Ligazóns externas

• Ficha do autor na Biblioteca Virtual Galega
• Ficha de autor na biblioteca virtual Miguel de Cervantes^{[Ligazón morta]} (en castelán).
• Entrevista de Literatura Galega do S.XX do alumnado do IES Manuel García Barros Arquivado 26 de febreiro de 2014 en Wayback Machine.