bell hooks
Gloria Jean Watkins, nada o 25 de setembro de 1952 en Hopkinsville, Kentucky, nos Estados Unidos e finada en Berea, Kentucky o 15 de decembro de 2021, coñecida como bell hooks (escrito en minúsculas), foi unha escritora, feminista e activista social. O nome "bell hooks" deriva do da súa bisavoa materna, Bell Blair Hooks.[1][2]
Traxectoria
editarhooks naceu na pequena aldea de Hopkinsville, segregada de Kentucky no seo dunha familia da clase traballadora.[3] A súa nai, Rosa Bell Watkins era ama de casa e o seu pai Veodis Watkins conserxe. Tivo cinco irmás e un irmán. Foi unha ávida lectora que se educou nas escolas públicas con segregación racial e escribiu sobre as grandes dificultades que lle supuxo o paso a unha escola integrada, onde o profesorado e alumnado era de maioría branca. Graduouse na Hopkinsville High School de Hopkinsville, Kentucky. Obtivo unha licenciatura en inglés na Universidade Standford en 1973 e unha mestría en inglés na Universidade de Wisconsin-Madison en 1976.[4]
No ano 1983, despois dalgúns anos de ensino e escritura, rematou un doutoramento en literatura na Universidade de California, Santa Cruz, cunha tese sobre a autora Toni Morrison.[5]
Carreira profesional
editarA carreira docente de hooks comezou en 1976 como profesora de inglés e profesora titular de estudos étcnicos na Universidade do Sur de California.[6] Durante os tres anos que pasou alí, a editorial Golemics publicou en 1978 a súa primeira obra de poemas There We Wept asinada co pseudónimo bell hooks. Admiraba moito a súa bisavoa materna, por iso adoptou o seu nome como pseudónimo, pero con letras minúsculas, "porque o importante non son eu, é o traballo", dixo.[7]
Foi docente en varias institucións entre principios dos anos oitenta e noventa, incluídas a Universidades de California, Santa Cruz, a Universidade Estatal de San Francisco, Yale, o Oberlin College e o City College de Nova York.
South End Press publicou a súa primeira obra relevante, Ain't I a Woman?: Black Women and Feminism en 1981, aínda que a escribira anos antes, cando era unha estudante. Nas décadas transcorridas dende a súa publicación, este libro gañou un recoñecemento xeral como unha contribución influente no pensamento feminista.[8]
Ain't I a Woman? examina varios temas recorrentes na súa obra posterior: o impacto histórico do sexismo e o racismo nas mulleres negras, a desvalorización das mulleres negras, os roles e o retrato nos medios, o sistema educativo, a idea dun patriarcado capitalista supremacista branco, a marxinación do negro e das mulleres así como o desprezo polos problemas de raza e clase dentro do feminismo. Dende a publicación do libro, converteuse nunha pensadora política e crítica cultural de esquerdas e posmoderna. Algunhas feministas cítana con frecuencia como unha autora que pode dar a mellor solución para a dificultade de definir algo tan diverso como o feminismo, abordando o problema de se poder significar todo o non significar nada.[9][10] Ante a pregunta "que é o feminismo?", hook responde que é un movemento para rematar co sexismo, a explotación sexista e a opresión.[11]
O enfoque da escritura de hooks foi a interseccionalidade entre raza, capitalismo e xénero, e o que ela describe como a súa capacidade para producir e perpetuar sistemas de opresión e dominación de clase. Publicou máis de 40 libros e numerosos artigos académicos, apareceu en documentais e participou en conferencias públicas. Ocupouse da raza, a clase e o xénero na educación, a arte, a historia, a sexualidade, os medios de comunicación e o feminismo.[3]
En 2014 fundou o Instituto bell hooks en Berea College, Berea, Kentucky.[12]
Notas
editar- ↑ Hooks, Bell, Talking Back: Thinking Feminist, Thinking Black (south End Press, 1989) ISBN 9780896083527
- ↑ hooks, bell, "Inspired Eccentricity: Sarah and Gus Oldham". En Sharon Sloan Fiffer and Steve Fiffer (eds). Family: American Writers Remember Their Own, New York: Vintage Books, 1996, p. 152. hooks, bell, Talking Back, Routledge, 2014 [1989], p. 161.
- ↑ 3,0 3,1 "Bell Hooks Biography - life, childhood, children, name, school, mother, young, book, information, born".
- ↑ Scanlon, Jennifer (1999). Significant contemporary American feminists : a biographical sourcebook. Westport, Conn. : Greenwood Press. ISBN 978-0-313-30125-4.
- ↑ "El triunfo de entrar en los libros de historia". www.elperiodico.com (en castelán). 2017-07-13. Consultado o 2024-06-30.
- ↑ Anderson, Gary L.; Anderson, Kathryn G (2007). Encyclopedia of Activism and Social Justice 2. SAGE Publications. pp. 704–706. ISBN 9781412918121.
- ↑ "The Sandspur Vol 112 Issue 17 by The Sandspur - Issuu". issuu.com (en inglés). 2013-03-26. Consultado o 2024-06-30.
- ↑ "Ain't I a woman: Black women and feminism". scholar.google.com. Consultado o 2024-06-30.
- ↑ Lauren (2012-02-07). "Underneath a Book: Book Review: Feminism is for Everybody by bell hooks". Underneath a Book. Consultado o 2024-06-30.
- ↑ Bilger, Audrey (2010-09-07). "10 Years of 'Feminism is for Everybody'". Ms. Magazine (en inglés). Consultado o 2024-06-30.
- ↑ "Feminism is for Everybody: Further Discussion". A Year of Feminist Classics (en inglés). 2012-02-08. ISBN 9788494719615. Consultado o 2024-06-30.
- ↑ "About". Arquivado dende o orixinal o 25 de abril de 2016. Consultado o 05 de xuño de 2018.
Véxase tamén
editarWikimedia Commons ten máis contidos multimedia na categoría: Bell hooks  |