James Baldwin

James Baldwin, nado en Harlem (Nova York) o 2 de agosto de 1924 e finado en St. Paul de Vence (Francia) o 1 de decembro de 1987, foi un novelista afroamericano, coñecido pola súa novela Go Tell it on the Mountain (Vaino contar na montaña).

James Baldwin
Nome completo	James Arthur Baldwin
Nacemento	2 de agosto de 1924
Lugar de nacemento	Harlem
Falecemento	1 de decembro de 1987
Lugar de falecemento	Saint-Paul-de-Vence
Causa	cancro de estómago
Soterrado	Ferncliff Cemetery
Nacionalidade	Estados Unidos de América
Etnia	Afroamericano
Relixión	ateísmo
Alma máter	The New School, Universidade de Bowling Green State e DeWitt Clinton High School
Ocupación	poeta, novelista, dramaturgo, activista polos dereitos civís, ensaísta, social critic, guionista, profesor universitario e escritor
Irmáns	David Baldwin e Gloria Karefa-Smart
Coñecido por	Go Tell It on the Mountain, Giovanni's Room e Notes of a Native Son
Premios	Bolsa de estudos Guggenheim, George Polk Award, Langston Hughes Medal, comendador da Lexión de Honor e VH1 Trailblazer Honors
Na rede
[ editar datos en Wikidata ]

Para outras páxinas con títulos homónimos véxase: Baldwin.

Traxectoria

A maior parte da obra de Baldwin refírese ao racismo e ao sexo nas mediadas do século XX nos Estados Unidos, as súas novelas reflicten as complexas presións, sociais e psicolóxicas, de ser negro e homosexual antes de que a sociedade puidera asumir a igualdade deses grupos.

James Baldwin.

Fillo dun predicador, a Baldwin gustáballe ler e escribir dende moi novo, seguindo os pasos de seu pai predica nunha pequena igrexa de Harlem durante tres anos, desexoso de arredarse da casa atopa un traballo en Nova Jersey, ademais realiza recensións para as editoriais.

En 1948 trasládase a vivir a París, seguindo os pasos de Ernest Hemingway, Gertrude Stein, F. Scott Fitzgerald, Richard Wright e moitos outros. Durante unha estadía en Suíza escribe a súa primeira novela, Go Tell it on the Mountain (1953), obra autobiográfica sobre a súa mocidade en Harlem; aínda que na súa época non obtivo recoñecemento, hoxe está considerada un clásico da literatura norteamericana.