Avelino Ramos
Avelino Ángel Ramos López, nado en Parada (Silleda) o 21 de xuño de 1940 e finado en Lalín o 2 de decembro de 2023,[1][2] foi un empresario e filántropo galego.[3]
| Biografía | |
|---|---|
| Nacemento | 21 de xuño de 1940  Parada, España |
| Morte | 2 de decembro de 2023 (83 anos) Lalín, España |
| Datos persoais | |
| País de nacionalidade | España |
| Actividade | |
| Ocupación | empresario |
Traxectoria
editarNegocios na emigración
editarMarchou moi novo a Latinoamérica e Estados Unidos. Pola década de 1970, ergueu unha fábrica de produtos de limpeza que operaba coa marca "Mistolín", en Caracas. Dende alí, ampliou as operacións á República Dominicana, Panamá, Porto Rico e Florida, nos Estados Unidos[1] e ampliou os negocios a outras áreas como a comida rápida.
Retorno a Galiza
editarCoa fortuna conseguida, retornou a España, radicouse na comarca de Deza e, no 1988, fundou Productos Disiclín SA en Siador da que, no 2010, se separou e cedeu a xestión a un neto do seu irmán, Antonio.[1] Tamén enfrontou outros negocios como a creación dun hotel que, ao non podelo realizar en Lalín, acabou por construír en Silleda no 2002, e ao que lle puxo o nome da súa filla, Katiuska.[4] O montante do investimento supuxo máis de 900 millóns de pesetas da época.[5] Na inauguración, o 12 de xuño de 2003, estivo Manuel Fraga, daquela presidente da Xunta de Galicia.[1] En xullo de 2021, foi alugado a Hotusa que o explota baixo a marca Exe.[1]
Filantropía
editarO seu mellor mellor exemplo de filantropía, foi a doazón de 200 000 euros para a construción dunha residencia da terceira idade en Silleda.[1][4][6][7]
Enfermidade
editarA comezos de 2022, sofreu tres ictus nun período de catro meses.[6]estando na República Dominicana.[4] Conseguiu recuperarse pero tamén contraeu a enfermidade de Alzhéimer e morreu a finais de 2023 por mor dunha pneumonía.[1]
Vida persoal
editarCasou con María Sofía Gómez Lorenzo, orixinaria de Santiago de Lebozán en Lalín, e tiveron unha única filla, Katiuska Ramos Gómez.
Notas
editar- ↑ 1,0 1,1 1,2 1,3 1,4 1,5 1,6 Salgueiro, Xan (4 de decembro de 2024). "El emigrante filántropo que nunca se olvidó de su tierra". farodevigo.es (en castelán). Consultado o 17 de xaneiro de 2024.
- ↑ "AVELINO ANGEL RAMOS LÓPEZ". esquelas.de-galicia.com (en castelán). Consultado o 17 de xaneiro de 2024.
- ↑ Redacción (5 de decembro de 2023). "Pesar en Silleda por el fallecimiento de Avelino Ramos". lavozdegalicia.es (en castelán). Consultado o 17 de xaneiro de 2024.
- ↑ 4,0 4,1 4,2 Salgueiro, Xan (3 de decembro de 2023). "Silleda despide al empresario Avelino Ramos". farodevigo.es (en castelán). Consultado o 17 de xaneiro de 2024.
- ↑ Redacción (24 de abril de 2001). "Ramos continuará adelante con el proyecto del hotel Katiuska". lavozdegalicia.es (en castelán). Consultado o 17 de xaneiro de 2024.
- ↑ 6,0 6,1 Soutelo, Salomé (11 de xullo de 2023). "Avelino Ramos da otra lección de vida". farodevigo.es (en castelán). Consultado o 17 de xaneiro de 2024.
- ↑ V., P. (8 de setembro de 2012). "Un silledense dona 200.000 euros para construir la residencia". lavozdegalicia.es (en castelán). Consultado o 17 de xaneiro de 2024.