Abrir o menú principal

Pneumonía eosinofílica crónica

Aviso médico
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.
Eosinófilo, célula sanguínea característica nos infiltrados das eosinofilias pulmonares.

A pneumonía eosinofílica crónica (PEC ou NEC) é unha doenza do aparello respiratorio que forma parte do grupo de doenzas denominado eosinofilias pulmonares, caracterizadas pola infiltración de eosinófilos nas vías respiratorias, alvéolos e intersticio pulmonar. Os primeiros en identificaren a un doente de pneumonía eosinofílica foron Christoforidis e Molnar no ano 1960, mentres que Carrington e o seu equipo foi quen de establecer a primeira serie de pacientes en 1969[1][2]. A PEC é unha doenza rara e de etioloxía descoñecida. Porén, estableceuse a asma como factor asociado, xa que case o 50% ou ben acompaña ou ben precede á eosinofilia. O tratamento baséase no uso de corticoides.

ClínicaEditar

Os síntomas máis comúns neste tipo de eosinofilia son, de maior a menor frecuencia, a tose (93% dos doentes), dispnea (92%) e febre (77%). Tamén poden acontecer outros síntomas inespecíficos, aínda que con menor frecuencia, como son a hemoptise (tose sanguinolenta), malestar xeral, sibilancias pulmonares, suores nocturnas, perda de peso, dor torácica, artralxias e estertores na auscultación respiratoria[3]. Na maioría dos casos a doenza concorre cun curso insidioso, isto é, acontece unha evolución gradual, cunha media de 7 meses de evolución antes de establecer o diagnóstico e instaurar un tratamento axeitado. A remisión da doenza sen tratamento é rara, sendo de arredor do 10%[4].

NotasEditar

  1. Christoforidis AJ, Molnar W. Eosinophilic pneumonia. JAMA 1960; 173:157-61
  2. Carrington CB, Addington WW, Goff AM et al. Chronic eosinophilic pneumonia. N Engl J Med 1969, 280:787-798
  3. Marchand E.be, Cordier JF. Idiopathic chronic eosinophilic pneumonia. Orphanet Journal of Rare Diseases 2006, 1:11
  4. Jederlinic PJ, Sicilian L, Gaensler EA: Chronic eosinophilic pneumonia. A report of 19 cases and a review of the literature. Medicine (Baltimore) 1988, 67:154-162

Véxase taménEditar

Outros artigosEditar

Ligazóns externasEditar