Arthur Compton
Arthur Holly Compton, nado en Wooster (Ohio) o 10 de setembro de 1892 e finado en Berkeley (California) o 15 de marzo de 1962, foi un físico estadounidense galardoado co Premio Nobel de Física en 1927.
Arthur Holly Compton ![]() | |
---|---|
![]() Arthur Compton en 1927 | |
Datos persoais | |
Nome completo | Arthur Holly Compton |
Nacemento | 10 de setembro de 1892 |
Lugar | ![]() |
Falecemento | 15 de marzo de 1962 (69 anos) |
Lugar | ![]() |
Causa | hemorraxia cerebral |
Soterrado | Wooster Cemetery |
Nacionalidade | ![]() |
Cónxuxe | Betty Charity McCloskey |
Actividade | |
Campo | Física |
Alma máter | Universidade de Princeton Wooster College |
Director de tese | Owen Willans Richardson e Hereward Lester Cooke |
Contribucións e premios | |
Coñecido por | Efecto Compton |
Premios | Premio Nobel de Física en 1927 |
![]() | |
[ editar datos en Wikidata ] | |

Traxectoria Editar
Compton naceu en Wooster (Ohio) e estudou no Wooster College e na Universidade de Princeton. En 1923 foi profesor de física na Universidade de Chicago. Durante a súa estancia nesta universidade, Compton dirixiu o laboratorio no que se produciu a primeira reacción nuclear en cadea, o que provocou que tivese un papel relevante no Proxecto Manhattan, a investigación que desenvolveu a primeira bomba atómica.
Desde 1945 ata 1953 Compton foi reitor da Universidade de Washington e logo de 1954 foi catedrático de Filosofía Natural.
Investigacións científicas Editar
Os seus estudos dos raios X leváronlle a descubrir en 1922 o denominado efecto Compton. O efecto Compton é o cambio de lonxitude de onda da radiación electromagnética de alta enerxía ao ser difundida polos electróns. O descubrimento deste efecto confirmou que a radiación electromagnética ten propiedades tanto de onda como de partículas, un principio central da teoría cuántica.
Polo seu descubrimento do efecto Compton e pola súa investigación dos raios cósmicos e da reflexión, a polarización e os espectros dos raios X compartiu o Premio Nobel de Física de 1927 co físico británico Charles Wilson.
Recoñecementos Editar
Na súa honra, así como no do seu irmán Karl Taylor Compton, bautizouse ao cráter "Compton" da Lúa así como o asteroide "(52337) Compton", descuberto o 2 de setembro de 1992 por Freimut Börngen e Lutz D. Schmadel.