Freimut Börngen

astrónomo alemán

Freimut Börngen, nado o 17 de outubro de 1930, é un astrónomo alemán.

Freimut Börngen
Nacemento17 de outubro de 1930
 Halle (Saale)
NacionalidadeAlemaña
Ocupaciónastrónomo
Coñecido pordescobridor de asteroides
PremiosCross of the Order of Merit of the Federal Republic of Germany
editar datos en Wikidata ]

TraxectoriaEditar

Börngen estudou as galaxias cun telescopio Schmidt do Observatorio Karl Schwarzschild en Tautenburg, Turinxia, Alemaña. Retirouse en 1995, aínda que continúa o seu traballo de astrónomo como afeccionado.

Froito do seu traballo descubriu un gran número de asteroides (519 ata xullo de 2006). A procura dos asteroides realizouna fóra do seu tempo de traballo, xa que na antiga República Democrática de Alemaña (RDA) non se consideraba un asunto de prestixio suficiente. Durante o tempo en que existiu o estado da RDA, os nomes que deu aos asteroides foron neutros, como lugares de Turinxia, pero tras a reunificación de Alemaña empregou outros referidos a feitos históricos ou relixiosos.

Froito do seu traballo, a Unión Astronómica Internacional puxo o seu nome a un asteroide: (3859) Börngen, descuberto por Edward Bowell. En 2006 foi homenaxeado no seu país ao outorgárselle a Bundesverdienstkreuz am Bande (Cruz ao Mérito) polo Presidente alemán Horst Köhler.