Almirante Fontán, Baíña, Baiona

Almirante Fontán é un lugar da parroquia de Baíña, no concello pontevedrés de Baiona, na comarca de Vigo. Segundo o IGE, en 2015 tiña 253 habitantes (121 homes e 132 mulleres).

Almirante Fontán
Parroquia	Baíña
Concello	Baiona
Poboación	253 hab. (2015)
[ editar datos en Wikidata ]

Historia

É un barrio de vivendas de protección oficial construídas polo Instituto Social da Mariña a comezos da década de 1970 para acoller familias mariñeiras, debido á proximidade ó núcleo de Baiona e ó mar. É un caso semellante ó barrio da Anunciada.

Antes da construción do barrio, o terreo era coñecido como Monte de Santo Estevo, debido á capela na honra deste santo preto do Burgo. Ademais dáballe nome á praia agora chamada de Santa Marta (capela que se atopa tamén preto desta).

O lugar debe o seu nome a Jesús Fontán Lobe, mariño que participou na difusión do Opus Dei en Galicia, responsable da Casa Militar de Francisco Franco e xefe dos servizos secretos españois durante a segunda guerra mundial. Porén, o barrio é coñecido con máis frecuencia como O Chaparral.

Lugares e parroquias