Alento (1934)

Para outras páxinas con títulos homónimos véxase: Alento.

Alento foi unha revista de contido totalmente redactado en lingua galega, editada en Santiago de Compostela de 1934 a 1935.

Alento
País	España
Sede central	Santiago de Compostela
Lingua	lingua galega
Fundación	1934
[ editar datos en Wikidata ]

Historia e características

Subtitulada Boletín de Estudos Polítecos, apareceu en setembro de 1934 cos seus dous primeiros números correspondentes a xullo e agosto editados nun só caderno. Dirixida por Álvaro das Casas, foi defensora das ideas nacionalistas. Entre os seus colaboradores figuraron Vicente Risco, Xohán Brañas, Paulino Pedret, Francisco Fernández del Riego, Luís Seoane, Ramón Villar Ponte, Aquilino Iglesia Alvariño, Augusto María Casas e Luís Manteiga. Publicou artigos sobre arte galega, teoría literaria, ensaio e sobre o concepto do nacionalismo. Cesou a súa publicación en xuño de 1935, ao recoller nun só número os boletíns 10, 11 e 12.

Véxase tamén

Bibliografía

• Lorenzana, Salvador (2005). "Alento". Gran Enciclopedia Galega Silverio Cañada (DVD). El Progreso. ISBN 84-87804-88-8. 
• Molina, César Antonio (1989). Prensa literaria en Galicia (1920-1960). Vigo: Edicións Xerais de Galicia. ISBN 84-7507-430-8. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Galaxia. p. 37-38. ISBN 84-8288-137-X. 

Ligazóns externas

• "Alento". Hemeroteca virtual. Real Academia Galega.