Adrian Dantley

Adrian Delano Dantley, nado o 28 de febreiro de 1956 en Washington, D.C., é un ex xogador de baloncesto estadounidense que destacou profesionalmente na década dos 80. Xogaba de escolta, e destacou polo seu poderío anotador nas súas 15 tempadas na NBA. Seis veces All-Star, foi incluído no Basketball Hall of Fame en 2008.

Adrian Dantley

Biografía
Nacemento	28 de febreiro de 1955 (69 anos) Washington, D.C., Estados Unidos de América
Educación	Universidade de Notre Dame (pt) DeMatha Catholic High School (en)
Altura	196 cm
Peso	95 kg
Actividade
Ocupación	baloncestista, adestrador de baloncesto, mestre
Período de actividade	1976 - 1991
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala e Escolta
Convocado por	Buffalo Braves (en)
Traxectoria   Equipo – Milwaukee Bucks – Indiana Pacers – Utah Jazz – Dallas Mavericks – Los Angeles Lakers – Detroit Pistons 1973–1976 Notre Dame Fighting Irish
Participou en
1976	Xogos Olímpicos de 1976
Premios
Rookie do Ano da NBA

Traxectoria deportiva

Universidade

Pertenceu durante 3 anos á prestixiosa Universidade de Notre Dame, onde se puxo de manifesto a súa faceta anotadora, chegando a liderar ao seu equipo con porcentaxes de 30,4 e 28,6 puntos nos seus dúas últimas tempadas. Tampouco descoidou a súa faceta reboteadora, conseguindo case 10 rebotes por partido en toda a súa etapa universitaria. Foi nomeado Xogador do Ano en 1976 e elixido para acudir coa selección de baloncesto de Estados Unidos aos Xogos Olímpicos de Montreal 76, onde gañaron o ouro. En 1975 e 1976 foi incluído no primeiro equipo All-American.

Profesional

Foi elixido no draft de 1976 por Buffalo Braves, na sexta elección da primeira rolda. Nesa a súa primeira tempada entre os grandes, tivo unha media de 20,3 puntos e 7,6 rebotes, o que lle valeu ser nomeado Rookie do Ano. a pesar desas cifras, foi traspasado a Indiana Pacers a seguinte tempada, onde apenas estivo media tempada, recalando en Los Angeles Lakers. Ao ano seguinte, por fin conseguiu algo de estabilidade ao asinar polos Utah Jazz, onde permaneceu por espazo de sete tempadas, facendo en catro delas consecutivas máis de 30 puntos por partido, sendo o máximo anotador da liga en 1981 e 1984. De alí pasou a Detroit Pistons, e posteriormente a Dallas Mavericks, para acabar a súa carreira en Milwaukee Bucks, aos 35 anos, e tras 15 tempadas entre os grandes.

Finalmente o 7 de abril de 2008 foi elixido para o prestixioso Basketball Hall of Fame, recoñecemento que se lle resistiu quizais por non conseguir nunca un anel de campión e pola súa traxectoria profesional, sen chegar a asentarse en ningún equipo (a pesar de que en Salt Lake City permaneceu sete anos). Ao longo da súa carreira tivo unha media de 24,3 puntos e 5,7 rebotes por partido.

Equipos

• Buffalo Braves (1976-1977)
• Indiana Pacers (1977)
• Los Angeles Lakers (1978-1979)
• Utah Jazz (1979-1986)
• Detroit Pistons (1986-1989)
• Dallas Mavericks (1989-1990)
• Milwaukee Bucks (1990-1991)

Logros persoais

• Rookie do Ano en 1976.
• Máximo anotador da NBA en dúas ocasións.
• Seis veces All Star.
• Elixido en dúas ocasións no segundo mellor quinteto da liga.
• O seu dorsal 4 foi retirado por Utah Jazz.
• Membro do Basketball Hall of Fame dende 2008.

Véxase tamén

Ligazóns externas

• Perfil histórico en nba.com
• Estatísticas da súa carreira como xogador Arquivado 01 de maio de 2012 en Wayback Machine.