Rally Sur do Condado de 2019
O Rally Sur do Condado de 2019 foi a 16ª edición de dito rally e a quinta proba da tempada 2019 do Campionato de Galicia de Rally. Celebrouse do 12 ao 14 de xullo de 2019 e o vencedor foi Víctor Senra.
| Tipo | edición de rally  |
|---|---|
| Parte de | Rally Sur do Condado e Tempada 2019 do Campionato de Galicia de Rally |
| Distancia do evento | 82,48 km |
| Número de participantes | 130 |
| Localización e Datas | |
| País | España |
| Intervalo de tempo | 12 de xullo de 2019 – 4 de xullo de 2019 |
| Número de edición | 16 (2019) |
| Competición | |
| Primeiro posto | Víctor Senra |
Itinerario
editarConstou de nove treitos: Covelo-Mondariz, Ponteareas, Salvaterra de Miño e Salceda de Caselas, con dúas pasadas por cada un deles, así como un treito máis curto por Arbo.[1][2] Este último xunto co de Salvaterra disputáronse en formato de bucle, dando dúas voltas ao "circuíto".[3]
Inscritos
editarInscribíronse 130 equipos, destacando as presenzas do líder do campionato, Víctor Senra, e dos seus máximos rivais polo título, Iago Caamaño e Alberto Meira, sendo este último o vencedor das catro últimas edicións do rally, así como o piloto máis laureado da proba, con seis vitorias.[3][4]
Resumo
editarAlberto Meira comezou liderando, ao marcar os mellores tempos nos dous primeiros treitos, por diante de Iago Caamaño.[5] O máis rápido no terceiro tramo foi Víctor Senra, pero mantendo Meira o liderado, até que un trompo no cuarto tramo, en Ponteareas, deixou ao piloto de Gondomar case sen opcións.[6] Con todo, gañou o quinto treito, mentres que o sexto foi para Iago Caamaño. Pola súa banda, Manuel Fernández Estévez, o máis regular do rally, gañou o sétimo treito e colocouse líder da proba a falta dos dous últimos tramos, aproveitando unha picada de roda de Senra e o abandono de Iago Caamaño tras perder unha roda.[7][5] Meira foi o máis veloz no penúltimo treito, con Fernández segundo, quen deste xeito aumentou a súa vantaxe sobre Senra. Pero o piloto de Dumbría conseguiu vencer no último tramo, con 11 segundos de vantaxe sobre Meira e 18 sobre Fernández[8], logrando así a súa terceira vitoria da tempada e a primeira neste rally. Manuel Fernández e Alberto Meira acompañárono no podio.[9]
Clasificación
editar
Notas
editar- ↑ "16º Rally Sur do Condado 2019". gzrally. Consultado o 24 de febreiro de 2020.
- ↑ "Rally Sur do CONDADO 2019-INFORMACIÓN". Consultado o 24 de febreiro de 2020.
- ↑ 3,0 3,1 "Alberto Meira busca una nueva victoria en el Sur do Condado" (en castelán). 11 de xullo de 2019. Consultado o 24 de febreiro de 2020.
- ↑ "Lista de inscritos Rally Sur do Condado de 2019" (PDF). TemposFGA. Consultado o 24 de febreiro de 2020.
- ↑ 5,0 5,1 "Víctor Senra gana el rali Sur do Condado en un final épico". La Voz de Galicia (en castelán). 13 de xullo de 2019. Consultado o 24 de febreiro de 2020.
- ↑ "Senra se proclama conde" (en castelán). 14 de xullo de 2019. Consultado o 24 de febreiro de 2020.
- ↑ "Clasificación 3ª sección" (PDF). TemposFGA. Arquivado dende o orixinal (PDF) o 24 de febreiro de 2020. Consultado o 24 de febreiro de 2020.
- ↑ "Clasificación 9º treito" (PDF). TemposFGA. Arquivado dende o orixinal (PDF) o 24 de febreiro de 2020. Consultado o 24 de febreiro de 2020.
- ↑ "Clasificación final Sur do Condado 2019" (PDF). TemposFGA. Arquivado dende o orixinal (PDF) o 17 de febreiro de 2020. Consultado o 24 de febreiro de 2020.
Véxase tamén
editarLigazóns externas
editar- Clasificación completa do rally Arquivado 17 de febreiro de 2020 en Wayback Machine.
- Revista oficial Arquivado 03 de xuño de 2020 en Wayback Machine.
- Rally Sur do Condado 2019 en ewrc.com (en inglés).
| Predecesor: Rally Cidade de Narón |
Campionato de Galicia de Rally Tempada 2019 |
Sucesor: Rally Botafumeiro |