Ēmmanowel Dabaġyan
Ēmmanowel Dabaġyan,[1] I.C.P.B. (en armenio: Էմմանուել Դաբաղյան), nado o 26 de decembro de 1933 en Alepo (República Siria) e finado o 13 de setembro de 2018 en Beirut (Líbano) foi un relixioso siro-armenio, arcebispo católico armenio de Bagdad entre 2007 e 2017.
| Nome orixinal | (hy) Էմմանուէլ Արք. Տապպաղեան  |
|---|---|
| Biografía | |
| Nacemento | 26 de decembro de 1933 Alepo (República de Siria) |
| Morte | 13 de setembro de 2018 (84 anos) Bsumar, Líbano |
| 4º Arcebispo católico | |
| 4 de agosto de 2007 – 9 de outubro de 2017 ← Paul Coussa (en)  – Nerses Zabbara (en) → | |
| Datos persoais | |
| País de nacionalidade | República de Siria República Árabe Unida República Siria Siria |
| Relixión | Igrexa católica e Igrexa Católica Armenia |
| Educación | Pontificia Universidade Gregoriana |
| Actividade | |
| Ocupación | bispo católico (2007–), sacerdote católico (1967–) |
| Lingua | Lingua armenia e árabe |
| Consagración | Narsés Pedro XIX Tarmouni |
Traxectoria editar
Naceu o 26 de decembro de 1933 en Alepo (República Siria).[2] Entrou no Instituto do Clero Patriarcal de Bsumar, completou os estudos de Filosofía e Teoloxía na Pontificia Universidade Gregoriana, e o 25 de decembro de 1967 foi ordenado sacerdote.[2] Posteriormente exerceu diversos encargos como director dun orfanato, reitor dos seminarios menores de Bsumar e Alepo, párroco en Beirut, e párroco en Skhvilisi (Xeorxia).[2] En 2003 foi nomeado párroco de Tbilisi, responsable do seminario, e synkellos para Xeorxia do ordinariato católico armenio de Europa oriental.[2]
O 13 de setembro de 2006 foi elixido arcebispo de Bagdad polo Sínodo da Igrexa católica armenia, sendo confirmado no cargo o 26 de xaneiro de 2007 polo papa Bieito XVI.[2] Recibiu a ordenación episcopal de mans do patriarca Narsés Pedro XIX Tarmouni o 4 de agosto do mesmo ano.
Permaneceu no cargo até que se retirou o 9 de outubro de 2017. Volveu entón ao convento do seu instituto en Beirut, no Líbano, onde finou o 13 de setembro de 2018.