Xoán V Paleólogo

Xoán V Paleólogo, nado en 1332 e finado o 16 de febreiro de 1391, foi o fillo de Andrónico III, a quen sucedeu como emperador bizantino en 1341, con nove anos de idade. Xoán VI Cantacuzeno, amigo do seu pai, actuou como o seu rexente e co-emperador (1347-1354). Xoán V viuse obrigado a loitar contra Xoán Cantacuzeno, pois este usurpou o trono durante a súa minoría, e non se fixo co poder ata 1354.

Xoán V Paleólogo
Nacemento	18 de xuño de 1332
Lugar de nacemento	Didymoteicho
Falecemento	16 de febreiro de 1391
Lugar de falecemento	Constantinopla
Causa	doenza
Nacionalidade	Imperio Bizantino
Ocupación	gobernante
Pai	Andrónico III Paleólogo
Nai	Ana de Saboia
Cónxuxe	Helena Cantacuzena
Fillos	Manuel II Paleólogo, Teodoro I Paleólogo, Miguel Paleólogo, Irene Palaiologina e Andrónico IV Paleólogo
Irmáns	Miguel Paleólogo, Maria-Irene Palaiologina, Irene Paleóloga de Trebisonda e Maria Palaiologos
Na rede
[ editar datos en Wikidata ]

Moeda de Xoán V Paleólogo

Traxectoria

O seu reinado estivo marcado pola paulatina disolución do poder imperial, mentres os turcos otománs tomaban Adrianópolis e Filipolis (véxase Suleimán Pachá), conquistaban Serbia e obrigaban ao emperador a pagarlles tributo. Trala conquista de Galípolis polos turcos, a propia Constantinopla viuse ameazada, e Xoán V pediu auxilio a Occidente, propoñendo o final do cisma entre as igrexas bizantina e latina, ao recoñecer a supremacía desta última. Empobrecido pola guerra, foi detido polas súas débedas en Venecia (1369). En 1371 recoñeceu a soberanía do sultán otomán Murad I, que máis tarde o axudaría a recuperar o trono (1379), tras ser deposto polo seu fillo Andrónico IV en 1376. En 1390 o seu neto Xoán VII tamén usurpou o trono durante algún tempo. A Xoán V sucedeuno o seu fillo Manuel II Paleólogo. O seu segundo fillo Teodoro I Paleólogo herdou o Despotado de Morea en 1383.

Cara ao final do seu reinado, en 1390, Xoán mandou reforzar a Porta de Ouro de Constantinopla, e para iso usouse mármore das igrexas abandonadas na cidade. Ao terminar estas obras, Baiaceto I, con ameazas de guerra, esixiu que Xoán desmontase os devanditos reforzos: Xoán V viuse obrigado a obedecer as ordes do seu soberano, pero se di que morreu por mor dos sufrimentos derivados desta humillación.

Imperio Bizantino
Segue a: Andrónico III Paleólogo	Xoán V Paleólogo (1341 / 1379-1376 / 1391)	Precede a: Manuel II Paleólogo
	Dinastía Paleólogo