Wikipedia

Xesús Ferreiro

boxeador español

Xesús Xan Ferreiro García ou simplemente Xesús Ferreiro, alcumado "Cachorro", nado na Coruña o 24 de febreiro de 1985 é un boxeador profesional galego. Na súa carreira profesional ten disputado un total de 20 combates, gañando 15 (5 por KO), perdendo 4 (2 por KO) e empatando un.[1] Cachorro é, xunto con Moncho Casal o único boxeador coruñés que conseguiu un campionato estatal en dúas categorías distintas, semipesado e supermedio.[nota 1][2]

Infotaula de personaXesús Ferreiro "Cachorro"
Nome orixinalXesús Xan Ferreiro García
Biografía
Nacemento24 de febreiro de 1985 (39 anos)
A Coruña, Galiza Galiza
Datos persoais
Outros nomesCachorro
País de nacionalidadeGaliza Galiza
Altura1,78 m
Actividade
Ocupaciónboxeador Editar o valor em Wikidata
LinguaLingua castelá Editar o valor em Wikidata
DeporteBoxeo (peso Supermedio)

Traxectoria editar

Xesús Ferreiro naceu na Coruña o 24 de febreiro de 1985. Iniciouse na práctica do boxeo con 12 anos, facendo o seu debut o 7 de xuño de 2008 en Ferrol fronte ao boxeador portugués Fernando Fernandes, ao que derrotou no cuarto asalto por KO técnico.

O primeiro título profesional de "Cachorro" chegou o 2 de febreiro de 2013, cando derrotou no Palacio de Deportes de Madrid ao púxil tinerfeño Adasat Rodríguez aos puntos por decisión unánime tras dez asaltos, porén cinco meses despois, o 12 de xullo de 2013, perdeu o título fronte ao mesmo adversario no Frontón de Riazor da cidade herculina co mesmo resultado.[1]

O 2 de maio de 2014 fíxose co cinto de campión de España do peso supermedio logo de derrotar ao boxeador cántabro Iván Salcines por decisión unánime no Frontón de Riazor. Na primeira defensa do título derrotou por decisión unánime ao asturiano Jose Manuel Iglesias "Punky" no Pavillón do Barrio das Flores coruñés.[3] Porén, o 1 de maio de 2015, na segunda defensa do título caeu no segundo de dez asaltos por KO técnico no Frontón de Riazor fronte ao boxeador nado en Suíza Blas "Colorín" Martínez, nunha noite na que se homenaxeara ao ex-campión de España en peso superwélter Iván Sánchez "Dinky".[1][2]

Vida persoal editar

O 2 de maio de 2014, logo de proclamarse campión de España do peso supermedio, pediulle matrimonio á gaiteira Susana Seivane,[4] coa que ten dous fillos, Fiz[5] e Antón.

Palmarés editar

Xesús Ferreiro ten conseguido numerosos títulos a nivel estatal tanto en categoría afeccionado como profesional:[6]

  • Subcampíon de España júnior de boxeo afeccionado en peso medio.
  • Campión de España júnior de boxeo afeccionado en peso semipesado.
  • Medalla de prata no Boxam de Lanzarote en peso semipesado.
  • Campión de España sénior de full contact en peso semipesado.
  • Medalla de bronce no Bozam de Vigo en peso semipesado.
  • Campión de España profesional full contact en peso semipesado.
  • Campión de España profesional boxeo en peso semipesado
  • Bicampión de España de boxeo profesional en peso supermedio

Rexistro editar

15 Ganadas (5 KO), 4 Derrotas (2 KO), 1 Empate
Res. Récord Opoñente Tipo Rd., Tempo Datos Localidade Notas
D 15-4-1   Blas Miguel Martínez TKO 2 (10) 01-05-2015   Frontón de Riazor, A Coruña Perdeu o título de Campión de España na categoría supermedio.
V 15–3–1   Fatah Baghban PTS 6 06-03-2015   Frontón de Riazor, A Coruña
V 14-3-1   Nuno Lagarto PTS 8 12-12-2014   Teixeiro
V 13-3-1   José Manuel Iglesias UD 10 08-08-2014   Pavillón do Barrio das Flores, A Coruña Retivo o Campionato de España supermedio.
V 12-3-1   Iván Salcines UD 10 02-05-2014   Frontón de Riazor, A Coruña Retivo o campionato de España supermedio.
V 12–2–1   Ricardo Fernandes PTS 6 14-02-2014   Frontón de Riazor, A Coruña
D 11–2–1   Adasat Rodríguez UD 10 12-07-2013   Frontón de Riazor, A Coruña Perdeu o título de Campión de España en peso semipesado.
V 11–1–1   Adasat Rodríguez UD 12 02-02-2013   Palacio de Deportes, Madrid Gañou o Campionato de España en peso semipesado.
V 10-1-1   Julio Alberto Barsena TKO 3 (10) 30-11-2012   A Coruña
V 9-1–1   Iban Estévez TKO 5 (6) 07-10-2011   Pazo dos Deportes de Riazor, A Coruña
V 8-2–1   Miguel Sanromán PTS 6 15-04-2011   Frontón de Riazor, A Coruña
D 7-1-1   Roberto Lorenzo Alonso KO 6 04-03-2011   Salceda de Caselas
V 6-1-1   Miguel Sanromán PTS 4 03-12-2010   Frontón de Riazor, A Coruña
V 5-1-1   Nelson Amudabi UD 4 11-10-2010   Cedeira
V 4-1-1   Nelson Amudabi PTS 4 06-08-2010   A Coruña
V 3-1-1   Ihor Balavat TKO 4 (6) 02-10-2009   Frontón de Riazor, A Coruña
D 2-1-1   Alberto Fernández TKO 4 (6) 16-01-2009   Complexo Deportivo das Travesas, Vigo
V 2-0-1   Anghel Florin TKO 2 (6) 03-10-2008   Pavillón Municipal de Deportes, Lugo
E 1-0-1   Rui Manuel Pavanito PTS 4 19-09-2008   Frontón de Riazor, A Coruña
V 1-0-0   Fernando Fernándes TKO 4 07-06-2008   Ferrol Debut.

Notas editar

  1. ↑ Moncho Casal conseguira anteriormente os títulos estatais en galo e pluma.
Referencias
  1. ↑ 1,0 1,1 1,2 boxrec.com (ed.). "Xesus Ferreiro" (en inglés). Arquivado dende o orixinal o 16 de marzo de 2015. Consultado o 17 de maio de 2015. 
  2. ↑ 2,0 2,1 La Voz de Galicia, ed. (2 de maio de 2015). "Cachorro pierde el cinturón nacional en el segundo asalto" (en castelán). Consultado o 2 de xuño de 2015. 
  3. ↑ Marca, ed. (9 de agosto de 2014). "Cachorro mantiene cinturón de los supermedios" (en castelán). Consultado o 18 de maio de 2015. 
  4. ↑ La Voz de Galicia, ed. (3 de maio de 2014). "Cachorro pide en el ring matrimonio a Susana Seivane" (en castelán). Consultado o 18 de maio de 2015. 
  5. ↑ La Voz de Galicia, ed. (14 de abril de 2013). "Un bebé gaiteiro y boxeador" (en castelán). Consultado o 18 de maio de 2015. 
  6. ↑ Concello de Cambre, ed. (23 de febreiro de 2015). "Cambre contará a partir de marzo con una escuela de BOXEO dirigida por el campeón nacional Xesús Ferreiro "Cachorro"" (en castelán). Consultado o 17 de maio de 2015. [Ligazón morta]

Véxase tamén editar

Ligazóns externas editar

Traído desde «https://gl.wikipedia.org/w/index.php?title=Xesús_Ferreiro&oldid=6175042»