Xabier Domínguez Pérez

escritor, editor e profesor galego

Xabier Domínguez Pérez, nado en Vilar de Barrio o 28 de abril de 1984 , é un escritor de literatura infantil e xuvenil, editor e mestre galego.[1]

Xabier Domínguez Pérez
Nacemento28 de abril de 1984
 Vilar de Barrio
NacionalidadeEspaña
Alma máterUniversidade de Santiago de Compostela
Ocupaciónmestre, escritor e editor
Linguagalego e castelán
XénerosLiteratura infantil e xuvenil
EstudosMestre de Educación Musical
PremiosGañador do III certame de relato curto, Letras Galegas
Na rede
AELG: 604
editar datos en Wikidata ]

Traxectoria editar

Estudou a Primaria na súa vila natal de Vilar de Barrio, e pasou a Secundaría no IES Lagoa de Antela de Xinzo de Limia, onde comezou a interesarse pola escrita, participando en varios certames de relato curto. Nesta etapa de ensino secundario gañou o III certame de relato curto, Letras Galegas, organizado polo concello de Xinzo de Limia e resultou finalista no concurso de relato curto Entre nós, en galego, na fase provincial en Ourense, organizado pola Consellaría de Educación da Xunta de Galicia.[Cómpre referencia]

Estudou Maxisterio Musical na Universidade de Santiago de Compostela do ano 2004 ao 2007. Dedicouse ao mundo da educación dende o remate da carreira pasando por diferentes colexios de Galicia.

Creou en decembro de 2015, xunto con Abel Costa a organización activista en prol da infancia Meu Rei. Organización que se dedica a colaborar con outras entidades na elaboración de actividades ou iniciativas que repercutan neste grupo social.[Cómpre referencia]

Estreouse no mundo do conto infantil ilustrado co relato A Superavoa de Antón (2017) e La Superabuela de Antón (2017), libros editados tanto en galego coma en castelán (Editorial Meu Rei) dos que é coautor xunto con Alba De Evan Freijedo.

Criado á sombra da Serra de San Mamede, creou xunto coa súa compañeira Alba De Evan a serie de contos con temática medioambiental Naturizo[2] (Linteo) que transcorre na mesma Serra. Dende o 2017, ano da súa publicación, saíron publicados oito títulos distintos dentro da colección: Unha casa para o inverno, Un agasallo para Naturizo, Un perigo inesperado, Un cheiro picante, O retorno das flores, Un fogar para Marmelo, Onde está Lusco? e Lazos de amizade.

No ano 2020, continuando no eido do público infantil, publicou Fronteiras de papel (Antela Editorial), no que trata a problemática á que se enfrontan os migrantes na súa procura dun futuro mellor.

Tamén no ano 2020 foi un dos membros fundadores de Antela Editorial[3], dedicada á literatura infantil e xuvenil, onde tamén exerce o papel de editor.

No mes de maio do ano 2021 editouse a súa primeira novela xuvenil, Maxia de Pedra[4] con Edicións Xerais de Galicia, escrita xunto con Alba De Evan, unha historia na que mestura actualidade e fantasía, con elementos históricos da historia antiga de Galicia coma a cultura castrexa. No mes de outubro do mesmo ano editouse a segunda novela xuvenil, A bruxa Selana con Cumio Edicións, escrita xunto con Alba De Evan e traducida ao castelán.

Obra en galego editar

Literatura infantil e xuvenil editar

Con Alba De Evan Freijedo editar

Con Miguel Ángel Alonso Diz editar

  • O xigante de Allariz. Monchiño de Magarelos (2021). Antela Editorial. 26 páxs. ISBN 978-84-09-32428-6. Ilustracións de Tania Martíns. En verso.[5]

Traducións editar

Obras colectivas editar

  • Creadores na reserva (2022). Gálix.

Notas editar

  1. Museo da Limia. "Autores da Limia: Xabier Domínguez Pérez". museodalimia.com. Consultado o 16 de maio de 21. 
  2. Alba De Evan e Xabier Domínguez. "Naturizo - Publicacións". naturizo.es. Ediciones Linteo. Consultado o 16 de maio de 21. 
  3. "Autores: Javier Domínguez Pérez". antelaeditorial.com. Antela Editorial. Consultado o 16 de maio de 21. 
  4. Alba De Evan e Xabier Domínguez. "Maxia de pedra". xerais.gal. Edicións Xerais de Galicia. Consultado o 16 de maio de 21. 
  5. "El «biopoema» de Monchiño de Magarelos". La Voz de Galicia (en castelán). 2021-11-02. Consultado o 2021-11-02.