Viktor Saneiev
Viktor Danilovich Saneiev (en ruso Виктор Данилович Санеев), nado en Sukhumi (Xeorxia) o 3 de outubro de 1945 e finado o 3 de xaneiro de 2022, foi un triplo saltador xeorxiano.
  | |
| Nome orixinal | (ka) ვიქტორ სანეევი |
|---|---|
| Biografía | |
| Nacemento | 3 de outubro de 1945 Sukhumi (República Socialista Soviética de Xeorxia) |
| Morte | 3 de xaneiro de 2022 (76 anos) Sydney (Australia) |
| Datos persoais | |
| País de nacionalidade | Australia (–2022) Xeorxia (1991–) Unión Soviética (1945–1991) |
| Educación | Georgian State University of Subtropical Agriculture (en)  |
| Altura | 188 cm |
| Peso | 78 kg |
| Actividade | |
| Ocupación | atleta |
| Partido político | Partido Comunista da Unión Soviética |
| Lingua | Lingua rusa, lingua inglesa e lingua xeorxiana |
| Nacionalidade deportiva | Unión Soviética |
| Deporte | atletismo |
| Disciplina deportiva | Triplo salto |
| Adestrador | Akop Kerselyan (en) |
| Participou en | |
| 1980 | Xogos Olímpicos de 1980 |
| 1976 | Xogos Olímpicos de 1976 |
| 1972 | Xogos Olímpicos de 1972 |
| 1968 | Xogos Olímpicos de 1968 |
Premios | |
   | |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
Competiu internacionalmente coa Unión Soviética e gañou catro medallas olímpicas; tres de ouro (1968, 1972 e 1976) e unha de prata (1980). Dominou a especialidade de triplo salto entre fins de 1960 e a década de 1970. Saneiev adestrou en Sukhumi e máis adiante en Tbilisi na sociedade deportiva Dynamo.
Traxectoria editar
Saneiev comezou no atletismo en 1956 na escola deportiva Gantiadi, o seu primeiro adestrador foi Akop Kerselyan. Seis anos máis tarde Kerselyan anuncioulle que se debía especializar en triplo salto. En 1963 Saneiev finalizou terceiro no campionato escolar de toda á Unión Soviética, a Espartaquiada. O seu maior éxito sucedeu en 1968, cando gañou os Campionatos da URSS e nos Xogos Olímpicos de verán de 1968, onde o 17 de outubro bateu o récord do mundo dúas veces: con 17,23 metros e 17,39 metros. O mesmo día, pero catro anos máis tarde, Saneiev bate o récord do mundo unha vez máis, en Sukhumi, con 17,44 metros. Gañou as medallas de ouro nas Olimpíadas de verán de 1972 e 1976 e a de prata nos Xogos Olímpicos de 1980.
Ademais gañou os Campionatos Europeos de Atletismo de 1969 e 1974, os Campionatos Europeos de Atletismo en Pista Cuberta de 1970, 1971, 1972, 1975, 1976 e 1977. Saneiev foi campión da URSS en 1968-71, 1973-75 e en 1978.
Foi galardoado coa Orde da Bandeira Vermella do Traballo en 1969.