Usuario:MAGHOI/Mildred Harnack

MAGHOI/Mildred Harnack

Biografía

Mildred ‘Mili' Elizabeth Fish-Harnack, nada Fish, o 16 de decembro de 1902 e finada o 16 de febreiro de 1943, foi unha historiadora, filóloga e tradutora literaria estadounidense-alemá. Despois de coñecer a Arvid Harnack e casar, a parella mudouse a Alemaña. Harnack converteuse nunha loitadora da resistencia como membro dun grupo de resistencia antifascista de Berlín que máis tarde foi chamado Rote Kapelle (en galego, Orquestra Vermella) polo Abwehr. Foi arrestada en 1942 e executada en 1943.

Traxectoria

Formación

Harnack nada en Milwaukee, Wisconsin, era unha dos catro fillos de William C. Fish, profesor e Georgina Fish, nada Hesketh. Criouse no lado oeste de Milwaukee. De moza, aprendeu a escribir e ler alemán. Inicialmente, asistiu á West Division High School (agora Milwaukee High School of the Arts) mais, despois da morte do seu pai, a familia mudouse a Washington, D.C. e Harnack rematou o derradeiro ano de estudos no Western High School. En 1919, Harnack comezou a estudar na Universidade George Washington, permanecendo alí durante dous anos antes de mudarse a Madison, Wisconsin, empregando os aforros familiares para paga-la matrícula e os gastos.

En 1921, Harnack matriculouse na Universidade de Wisconsin en Madison. Durante o seu primeiro ano, traballou para o Wisconsin State Journal para pagar os seus estudos na universidade. Aloxouse nunha habitación moi popular entre xornalistas e escritores, pero marchou despois de afrontar algúns leves prexuízos, e como consecunencia, fixo un cambio da especialidade de xornalismo a humanidades e máis tarde a literatura inglesa. En 1922 converteuse en escritora da redacción do Wisconsin Literary Magazine.

O 22 de xuño de 1925, Harnack obtivo un Bachelor of Arts en inglés. A súa tese principal foi "A Comparison of Chapman's and Pope's Translations of the Iliad with the Original". Continuou estudando e, o 6 de agosto de 1925, obtivo o título de Master of Arts en lingua inglesa.

En 1926, estudaba e traballaba como profesora de literatura alemá na Milwaukee State Normal School (hoxe Universidade de Wisconsin–Milwaukee). No mesmo ano, Fish coñeceu ao xurista alemán Arvid Harnack, quen tiña unha bolsa Rockefeller. Harnack rematara recentemente o seu doutoramento en dereito en 1924 e completara estudos de posgrao en Hamburgo e na London School of Economics antes de recibir unha bolsa Rockefeller para estudar en América. Despois dunha breve relación amorosa, comprometéronse o 6 de xuño de 1926 e casaron o 7 de agosto de 1926 nunha cerimonia na granxa do seu irmán, preto da aldea de Brooklyn, Wisconsin, e dende entón Mildred usou a forma "Fish-Harnack" como o seu nome de casada.

Unha compañeira de estudos de Mildred, foi a poeta Clara Leiser que se converteu nunha amiga e confidente de toda a vida. O profesor que máis influencia tivo sobre Harnack en Madison fora William Ellery Leonard. Leonard, un inconformista que cría no principio emersoniano de que nada é sagrado agás a integridade da túa propia mente, tiña un amor permanente pola cultura alemá e a sometía a un extenuante escrutinio que conformou a súa visión intelectual. Para Harnack, Ralph Waldo Emerson e Walt Whitman foron os dous maiores valores da literatura americana. Mentres aínda estaba en Madison, a parella coñeceu a Margaretha "Greta" Lorke, unha estudante alemá de socioloxía, que fora convidada a estudar en América e creou unha gran amizade con Mildred que durou moitos anos. Greta Lorke casou máis tarde con Adam Kuckhoff.

Marcha a Alemaña

O 2 de xuño de 1929, Mildred emigrou a Jena, en Alemaña, onde pasaría o seu primeiro ano vivindo coa familia Harnack. No mesmo ano, recibiu unha bolsa do servizo de intercambio académico alemán que lle permitiu comezar a traballar no seu doutoramento en literatura americana na Universidade de Jena, pero foi na Universidade de Giessen onde resultou mellor acollida. O supervisor doutoral de Harnack foi Walther Fischer, que a xulgou como unha excelente conferenciante e posteriormente describiuna, nunha recomendación de 1936, como mostrando un gran "tacto". Con isto, quería dicir que o achegamento con tacto de Harnack aos nazis aumentaba a incursión da universidade en 1931 e 1932. No momento en que Harnack chegou a Giessen, máis da metade da poboación estudantil apoiaba aos nazis e, posteriormente, pasaron a ser opositores de varios profesores da facultade. Entre eles, un profesor de filosofía, Ernst von Aster, marxista, e o economista Friedrich Lenz estaban baixo sospeita. A muller de Aster, a novelista sueca Hildur Dixelius fíxose boa amiga de Mildred e acabaría converténdose en hóspede na casa desta en Berlín.

No outono de 1930, Harnack mudouse de Giessen a Berlín para estar co seu marido. O 1 de febreiro de 1931, Harnack foi admitida para estudar na Universidade de Berlín cunha bolsa da Fundación Alexander von Humboldt. Pouco despois, Harnack foi convidada a celebrar unha conferencia pública sobre o tema do amor romántico e matrimonial na obra de Nathaniel Hawthorne pola Universidade Friedrich-Wilhelm. Isto permitiulle traballar como conferenciante asistente (lectora) en literatura de literatura inglesa e americana chegando a impartir cursos sobre Ralph Waldo Emerson, Walt Whitman, Theodore Dreiser, Sinclair Lewis, Thomas Hardy e George Bernard Shaw. Harnack era popular entre os seus alumnos e, durante tres semestres, a matrícula no curso triplicouse.

Aínda que Harnack pasou a maior parte do tempo coa súa familia alemá, era unha muller activa da comunidade de expatriados estadounidenses en Berlín. Adoitaba bailar na American Student Association e tamén foi membro do American Women's Club en Bellevuestrasse, onde máis tarde foi presidenta. Tamén, o matrimonio acudía aos servizos relixiosos na igrexa americana en Nollendorfplatz, onde eran moi coñecidos.

Carreira

Durante o seu tempo en Berlín, os Harnack foron testemuñas da Weimardämmerung, o desmoronamento da república alemá. Paseniñamente, fóronse interesando pola Unión Soviética e o comunismo, véndoos como unha solución á pobreza e o paro que os desamparados de Alemaña sufrían durante a Gran Depresión. En particular para Arvid, que perdeu ao seu pai aínda sendo neno e cuxa nai loitou durante a hiperinflación dos anos vinte, o seu interese polo capitalismo minguou e os dous chegaron a crer que o sistema económico estaba ideoloxicamente en bancarrota; así, miraron cara á Unión Soviética, cara aos novos plans quinquenais experimentais, crendo que ese sistema podería proporcionar traballo.

En 1932, a universidade de Berlín tivo dificultades económicas. Daquela, o americano e ardente nazi Friedrich Schönemann regresara da súa licenza en América para traballar no departamento de inglés. Harnack nunca ocultou as súas opinións políticas de esquerda durante as súas conferencias e, como marxista, animou aos seus estudantes a usar Marx como unha solución práctica aos problemas do momento. En maio de 1932 cancelouse o financiamento que permitía a Mildred ensinar na Universidade Friedrich-Wilhelm e a parella viuse obrigada a mudarse a Neukölln, debido á presenza de nazis, e conseguiron alugar un piso a un familiar do escritor Stefan Heym. Na súa novela de posguerra, Nachruf Heym afirmou que consideraba aos Harnack como unha parella académica xenial, pero que tiñan unha idea preconcibida sobre os nazis.

No mesmo ano, o economista e diplomático soviético Sergei Bessonov, coa axuda da embaixada soviética, organizou unha viaxe de estudo de tres semanas, que abranguía o período do 20 de agosto ao 12 de setembro de 1932, á Unión Soviética para 23 membros de ARPLAN incluído Arvid. Mildred esperaba irse, pero debido a un problema de axenda, tivo que ir pola súa conta reservando a viaxe usando Intourist.

A carreira de Harnack como profesora salvouse cando un amigo da familia, Warren Tomlinson, que era presidente da American Student Union, suxeriu que asumise o posto de profesora de inglés no instituto municipal de Berlín. O 1 de setembro de 1932, Harnack comezou como titora de inglés no Heil'schen Abendschule Abendgymnasium ("Berliner Städtische Abendgymnasium für Erwachsene") (BAG) en Schöneberg, nun instituto nocturno para adultos que prepararban o Abitur. Harnack era popular entre o estudantado e, para moitos deles, foi a súa primeira introdución á literatura americana. A relación co seu alumnado era abera e franca e debatían sobrea as ideas económicas e políticas dos Estados Unidos e da Unión Soviética.

En 1933, os Harnacks adoptaron unha ideoloxía de esquerdas e comprometéronse coa Unión Soviética. O 1 de xaneiro e o 4 de febreiro de 1933, Harnack escribiulle á súa nai que cría que a Unión Soviética era a mellor esperanza da parella para un mundo mellor. En 1933 e 1934, os Harnacks mantiveron un estreito contacto coa familia Bonhoeffer e, na procura de ingresos adicionais, Mildred, levou a cabo un ciclo de conferencias que se celebrou na casa de Klaus e Emmi Bonhoeffer.

En xuño 1933, Harnack tivo que se unir á Liga Nacional Socialista de Profesores, dado que era un requerimento legal.

Salón

O 13 de xuño de 1933, Harmack xunto con membros do club das mulleres americanas reuníronse na estación de tren de Lehrter para dar a benvida á chegada de William Dodd, o embaixador americano e a súa familia a Berlín. No acto, Harnack coñeceu á xornalista Martha Dodd, a filla de William Dodd. Dodd converteuse na amiga máis íntima de Harnack en Berlín. En 1957, atopouse un manuscrito no ataque do apartamento de Praga en Dodd, titulado: In Memory ". No manuscrito ela afirmaba:

Os anos do noso coñecemento foron os máis significativos da miña vida. O noso traballo, as nosas experiencias, nestes valentes anos tráxicos de cumprimento e decepción están estreitamente entrelazados. Todo o que pensamos. O que nos encantou. Odiado. Polo que loitamos. Compartimos entre nós. Nós, todos, o meu home estivemos no metro alemán dende 1933 ata 1943. Son o único que me queda.

Ámbalas dúas amigas tiñan unha visión literaria semellante. Nunha carta que Harnack escribiu á súa nai en outubro de 1935, describiu a Dodd como unha escritora talentosa de crítica literaria e historias curtas con "un desexo real de comprender o mundo máis amplo... Polo tanto, os nosos intereses combínanse e intentaremos traballan algo xuntas" e asía foi cando as dúas conseguiron traballar conxuntamente nunha columna do xornal en inglés, Berlin Topic.

Os Harnack comezaron a acoller un sábado o Salón literario en Hasenheide onde a discusión intelectual entre editores, editores e autores expresábase con liberdade e, Mildred, tamén comezou a realizar conferencias sobre economía política e marxismo. Entre os asistentes estaban os editores Samuel Fischer, Ernst Rowohlt, Heinrich Marie Ledig-Rowohlt, o tradutor Franz Frein, o médico e escritor Max Mohr, os autores e dramaturgos Adam Kuckhoff, Max Tau, Otto Zoff e Ernst von Salomon, a xornalista Margret Boveri, o crítico Erich Franzen e alumnos de Mildred como o escritor Friedrich Schlösinger. No outono de 1934, as reunións acabaron por ser menos frecuentes e disolvéronse por completo. No libro de Dodd, Through Embassy Eyes, menciónase un informe dun editor estadounidense que visitara ao matrimonio en 1934 e no que se dicía:

Agardaba un animado intercambio de puntos de vista e conversacións atractivas aquela noite, sen dúbida máis atractivas que aquelas á que estabamos afeitos nos círculos diplomáticos. En cambio, só vin sufrimento e necesidade. Persoas cuxo espírito estaba roto. Vin unha covardía patética. Un acecho e tensión, que se desencadeou polas visitas da policía secreta. O último dos escasos restos de pensamento libre.

En 1934, a parella mudouse ao piso do 3º andar no 16 Schöneberger Woyrschstraße, preto do Tiergarten. A casa foi destruída na guerra e agora coñécese como 14 Genthiner Straße.

Figura literaria

Xa daquela, a mediados da década de 1930, o traballo de Mildred, comezara a notarse e converteuse nunha escritora publicada. En 1934, Mildred escribiu un ensaio, The Epic of the South, que foi publicado en Berliner Tageblatt.

O escritor máis importante da vida de Fish-Harnack foi Thomas Wolfe. Ela descubriu que a súa habilidade para plasmar os recordos dos seus primeiros anos de vida para producir unha novela autobiográfica. Lera o primeiro libro de Wolfe, Look Homeward, Angel, en 1933 e, a seguir, deu conferencias sobre o escritor no American Women's Club en 1933, e produciu outra conferencia en 1934 que foi presentada nos Bonhoeffer's. Ese mesmo ano, o 5 de agosto de 1934, Mildred, publicou o ensaio Drei junge Dichter aus USA. Thorton Wilder, Thomas Wolfe, William Faulkner, no Berliner Tageblatt e, en 1935, publicou un atrevido ensaio, Ein amerikanischer Dichter aus großer Tradition, sobre William Faulkner para a revista Die Literatur. Este tipo de análises críticas xa non eran toleradas e poderían ter como resultado o remata da súa carreira docente. O 27 de maio de 1934, Fish-Harnack aceptou unha invitación de Ledig-Rowohlt, Dodd e o mozo de Dodd, Boris Vinogradov, para visitar en Carwitz ao escritor alemán Hans Fallada, cuxo libro Kleiner Mann – was nun? que fora publicado o ano anterior nos EUA e fora un éxito de vendas. Este, fora un dos poucos escritores alemáns que non obedeceron ao estado nazi. Despois de 1935, Mildred non publicou ningunha crítica literaria, ensaio nin artigo xornalístico máis, xa que a crecente presenza do réxime nazi converteu calquera escrito nun "selo de goma para as opinións oficiais".

O ano seguinte, o 8 de maio de 1935, os Harnack asistiron á embaixada estadounidense en Berlín para tomar o té, xunto cos Kuckhoff. Mildred, tivo unha rara oportunidade de coñecer a Wolfe, quen fora a Alemaña para promocionar o seu libro co seu editor, Ledig-Rowohlt. Á reunión do té asistiu John Sieg, un comunista alemán nacido en Estados Unidos que, posteriormente, formou parte dun grupo da resistencia nun grupo denominado "A Orequestra Vermella". Tamén asistiu Tau, un escritor xudeu xermano-noruego que era amigo íntimo dos Harnack e que tivo que abandonar Alemaña despois da Kristallnacht (A noite dos cristais rotos) mais non está claro cal dos Harnack organizou a súa fuxida.

En 1936 publicouse a súa tradución ao alemán da biografía de Vincent van Gogh, Lust for Life, de Irving Stone. Seguiu traballando como tradutora para editoriais e, en xaneiro de 1937, Harnack visitou os Estados Unidos e quedou con Clara Leiser en Nova York. Leiser descubriu que Mildred mudara o seu carácter; da persoa aberta e confiada que coñecera a alguén que parecía distante e superior, un efecto secundario do engano necesario para ocultar os seus verdadeiros sentimentos en Alemaña. A amiga do instituto de Mildred, Mady Emmerling, atopouna demasiado cautelosa, asustada e reservada; todo indicativo de que vivira no estado nazi durante catro anos; é dicir, Mildred, acostumárase a crear un personaxe para pasar desapercibida e enganar ao estado nazi. De feito, moitos dos seus amigos asumiron, polo seu carácter aparente, que se convertera en nazi.

Mildred permaneceu con Leiser dúas semanas máis, e nunca máis se volveron ver. Inmediatamente despois desas dúas semanas,Mildred emprendeu unha xira de conferencias no que percorreu o campus do Haverford College, a Universidade de Nova York, e a Universidade de Chicago e Madison, e cuxo tema era "A relación alemá coa literatura americana actual". Leonard asistiu á conferencia en Madison e considerou que carecía de substancia; non estaba disposto a apoiar as súas conferencias cando ela lle pediu unha recomendación por escrito. Porén, en Haverford, Douglas V. Steere, que non a coñecía, atopou a súa presentación "vívida e chea de encanto". Aos poucos de remata-la xira, foi visita-los seus familiares e, na primavera, regresou a Berlín.

En maio de 1937, Harnack aceptou unha invitación de Heinrich Marie Ledig-Rowohlt, Dodd e o seu noivo, Boris Vinogradov para visitar ao escritor alemán Hans Fallada en Carwitz, a unhas 55 millas de Berlín, cuxa novela Little Man, What Now? fora publicada no ano nos Estados Unidos, o ano anterior.

Máis tarde, en 1938, Harnack traballou na súa tese de doutoramento, titulada "Die Entwicklung der amerikanischen Literatur der Gegenwart in einigen Hauptvertretern des Romans und der Kurzgeschicht" (en galego, O desenvolvemento da literatura americana contemporánea nalgúns dos principais representantes da novela e a historia curta), e recibiu o doutoramento na Universidade de Giessen o 20 de novembro de 1941.[76] Ese mesmo ano, recibiu unha oferta de traballo da editorial Rütten & Loening de Berlín como consultora de novelas estadounidenses.[77] Tamén, o mesmo ano, Mildred uniuse ás conservadoras Daughters of the American Revolution e converteuse nunha representante local en Berlín.[77]

En outubro de 1939, solicitou as bolsas Guggenheim e Rockefeller coa esperanza de saír de Alemaña cunha razón lexítima documentada, pero foi rexeitada.[78] Coa guerra, a demanda de ficción en inglés desapareceu, polo que en 1941 traballou como titora de inglés no Departamento de Estudos Estranxeiros da Universidade Friedrich Wilhelm, que dirixía o maior SS Franz Six.

Resistencia

En 1940, Arvid Harnack contactou con grupos de resistencia e comezou a cooperar con eles. O máis importante foi un grupo dirixido por Harro Schulze-Boysen, tenente da Luftwaffe e descendente dunha vella familia militar alemá. que coñecía a Harnack desde 1935, pero foi reintroducido a el nalgún momento a finais de 1939 ou principios de 1940 a través de Greta Kuckhoff. Os Kuckhoff coñecían aos Schulz-Boysen desde 1938 e comezaron a comprometelos socialmente a finais de 1939 ou principios de 1940 xuntando a Mildred e Libertas Schulze-Boysen mentres estaban de vacacións en Sajonia.

En 1940–41, o grupo era en contacto con axentes soviéticos, tentando a thwart o ataque alemán próximo á Unión soviética. Nas instrucións do seu marido, Mildred tivo un asunto con Tenente Herbert Gollnow quen traballou en II de Sección do Abwehr. Era capaz de obter información numerosa e detallada sobre axentes de sabotaxe alemá que planean a infiltrate liñas rusas.

En 1940-41, o grupo estivo en contacto con axentes soviéticos, intentando frustrar o próximo ataque alemán contra a Unión Soviética. Por instrucións do seu marido, Mildred tivo unha aventura co tenente Herbert Gollnow que traballaba na sección II do Abwehr. Puido obter numerosa e detallada información sobre axentes de sabotaxe alemáns que planeaban infiltrarse nas liñas rusas.

Descubrimento

En xullo de 1942, o departamento de descifrado do Oberkommando des Heeres conseguiu descodificar as mensaxes de radio do grupo e a Gestapo abalanzouse. O 7 de setembro, Arvid Harnack e Mildred Fish-Harnack foron arrestados nunha excursión de fin de semana.

Arresto e morte

Ficha de CIC sobre Mildred Harnack (cara 1947).

O 7 de setembro de 1942, Mildred e Arvid Harnack foron arrestados pola Gestapo, durante unhas pequenas vacacións á vila costeira de Preila, no Curonian Spit.

Arvid Harnack foi condenado a morte o 19 de decembro despois dun xuízo de catro días ante o Reichskriegsgericht ("Tribunal Militar do Reich"), e foi asasinado tres días despois na prisión de Plötzensee en Berlín. Mildred Fish-Harnack recibiu inicialmente seis anos de prisión, pero Hitler rexeitou aprobar a sentenza e ordenou un novo xuízo, que rematou cunha sentenza de morte o 16 de xaneiro de 1943. Foi decapitada o 16 de febreiro de 1943. As súas últimas palabras suponse que foron: "Ich habe Deutschland auch so geliebt" ("Eu tamén quixen moito a Alemaña"). Foi a única muller estadounidense executada ás ordes de Adolf Hitler.

Tras a súa execución, o seu corpo foi liberado ao profesor de anatomía da Universidade de Humboldt, Hermann Stieve, para ser diseccionado para a súa investigación sobre os efectos do estrés, como a espera de execución, no ciclo menstrual. Despois de pasar, deulle o que quedaba a un amigo dela, que tiña os restos enterrados no cemiterio de Berlín Zehlendorf. É o único membro dos antifascistas con sede en Berlín cuxo lugar de enterro é coñecido.

Cando a súa amiga e compañeira Clara Leiser soubo da execución, escribiu o poema inacabado, "A e desde a guillotina", en recordo da súa amiga.

Galería

• 
  Selo commemorativo en honra de Mildred Harnack e o seu marido Arvid, emitiu polo Deutsche Correo do GDR en 1964
• 
  Placa conmemorativa na Escola Secundaria en Berlín-Wilmersdorf.
• 
  Placa conmemorativa na casa onde viviron Arvid e Mildred Harnack, no 61 Hasenheide, Neukölln, de Berlín.
• 
  Pedra conmemorativa, "NS-Opfer" por Johanna Jura, erixida en 1976 no 6 Unter den Linden en Mitte
• 
  Un Stolperstein para Mildred Harnack en 14 Genthiner Straße en Tiergarten
• 
  Pedra conmemorativa de Arvid e Mildred Harnack no cemiterio de Zehlendorf en Berlín.

Monumentos conmemorativos

• No cemiterio de Zehlendorf en Berlín, Alemaña, hai un cenotafio para Harnack e o seu marido Arvid Harnack.
• Nas escolas do estado estadounidense de Wisconsin, celébrase o día de Mildred Fish Harnack.
• En 2006, unha rúa do barrio de Friedrichshain en Berlín rebautizouse como rúa Mildred Harnack (Mildred-Harnack-Straße)
• Unha escola nomeada en honra de Harnack en Berlín está situada en Schulze-Boysen-Straße, unha rúa nomeada para os membros da Orquestra Vermella Libertas Schulze-Boysen e Harro Schulze-Boysen
• Na súa cidade natal, Milwaukee, existe un complexo escolar público que foi nomeado en homenaxe a Mildred Fish-Harnack en 2013.
• A Universidade de Wisconsin-Madison, alma mater de Mildred, acolle na súa memoria a conferencia anual sobre os dereitos humanos e a democracia Mildred Fish-Harnack, dende que se creou en 1994.
• En 2019, a cidade de Madison, Wisconsin, dedicou unha escultura a Harnack no parque Marshall.

Literatura

Véxase tamén

Bibliografía

• Brysac, Shareen Blair (2000). Resisting Hitler: Mildred Harnack and the Red Orchestra (en inglés). Nova York: Oxford University Press. ISBN 978-0-19-513269-4. 
• Nelson, Anne (2009). Red Orchestra: The Story of the Berlin Underground and the Circle of Friends Who Resisted Hitler (en inglés). Nova york: Random House. ISBN 978-1-4000-6000-9. 

Outros artigos

• Martha Dodd
• William E. Dodd
• Bella Fromm

Ligazóns externas

• Honrando Mildred Harnack en Universidade de Wisconsin-Colección de Arquivos da Madison
• Cando a Orquestra Vermella Caeu Silenciosa, Tempo de Nova York; maio accedido 6, 2014.
• Mildred Peixe-Harnack: a heroe secreta de Alemaña, video en YouTube de PBS Wisconsin Education
• A resistencia nazi de Wisconsin: O Mildred Peixe-Harnack Cronoloxía de Historia, vídeo en YouTube de Milwaukee PBS
• A e desde a Guillotina