Triptólemo

Semideus grego

Na mitoloxía grega, Triptólemo (en grego antigo Τριπτόλεμος) era un semideus e un heroe, relacionado coa Deméter dos misterios eleusinos que perduraron no mundo grego e romano ata a era cristiana. Está considerado como fillo do rei Céleo e da raíña Metanira, pero outras fontes fano fillo de Eleusis e Deméter ou fillo de Xea e Océano (outro xeito de dicir que era o «home primordial»).[1]

Triptólemo de pé entre Deméter e Perséfone, recibindo espigas de trigo (relevo votivo, 440-430 a. C., Museo Nacional Arqueolóxico de Atenas)

Aprendeu de Deméter a arte da agricultura e á súa vez ensinóullela ós gregos. Deméter, agradecida pola hospitalidade recibida por parte dos pais de Triptólemo, deulle un carro tirado por dragóns alados e un saco de trigo, e Triptólemo, remontándose sobre os aires, sementou con el toda a terra habitada.

Pero parece que a idea non foi ben recibida en todas partes. Carnabón, rei dos xetas (unha tribo tracia que vivía onda a desembocadura do Danubio) matoulle un dos dragóns, que axiña foi substituído por outro grazas a Deméter. Na cidade de Patrás, Antias rouboulle o carro e os dragóns mentres Triptólemo dormía, pero non os puido dominar e morreu ó caer do carro.

Por veces, Triptólemo aparece como xuíz no Hades, xunto a Minos, Éaco e Radamantis.

NotasEditar

  1. Pseudo-Apolodoro: Biblioteca mitológica I, 5, 2.

Véxase taménEditar

BibliografíaEditar

Outros artigosEditar