Thalassornis leuconotus

Thalassornis leuconotus
Estado de conservación
Pouco preocupante
Clasificación científica
Reino: Animalia Filo: Chordata Subfilo: Vertebrata Clase: Aves Orde: Anseriformes Familia: Anatidae Subfamilia: Thalassorninae / Dendrocygninae Xénero: Thalassornis Eyton, 1838 Especie: T. leuconotus
Nome binomial
Thalassornis leuconotus Eyton, 1838
Subespecies
T. l. leuconotus - (subespecie africana) T. l. insularis - (subespecie de Madagascar)

Thalassornis leuconotus é unha especie de ave da orde dos anseriformes e familia dos anátidos, que é o único membro do xénero Thalassornis.

É diferente de todos os demais patos, e está estreitamente relacionado cos patos asubiadores (como se denominan en castelán e en inglés) dos cca da subfamilia dos dendrocigninos, aínda que tamén ten similitude cos patos da subfamilia dos oxiurinos.

Ás veces considérase que forma parte da subfamilia dos talasorninos (Thalassorninae) (sendo o seu único membro), mentres que outras clasificacións inclúen esta especie na subfamilia dos dendrocigninos.

Este pato, que mide entre 38 e 40 cm, é un bo mergullador, e pode permanecer baixo a auga durante máis dun minuto.

Aliméntase sobre todo de ninfas de insectos.

Esta especie vive en África, especialmente entre Senegal e o Chad, no oeste, e máis en Etiopía e na África austral, no leste.

O seu hábitat constitúeno os lagos, estanques e encoros, onde se pode camuflar ben contra os seus depredadores, as aves rapaces.

Véxase tamén

Bibliografía

• Carboneras, Carles en: del Hoyo, Josep; Elliot, Andrew & Sargatal, Jordi (1992): Family Anatidae (Ducks, Geese and Swans) Handbook of the Birds of the World. Volume 1. Barcelona (España):Lynx Edicions. ISBN 84-87334-10-5.

Outros artigos

• Anseriformes
• Anátidos
• Dendrocigninos

Ligazóns externas

• Thalassornis leuconotus en IUCN. Lista vermella (en inglés).