Sergio Díaz
Sergio Ismael Díaz Velázquez, máis coñecido como Sergio Díaz, nado o 5 de marzo de 1998 en Itauguá (Central), é un futbolista profesional internacional paraguaio da canteira do Cerro Porteño que actualmente xoga como dianteiro no Corinthians cedido polo Real Madrid.
| Sergio Díaz | |||
|---|---|---|---|
 | |||
| Información persoal | |||
| Nome | Sergio Ismael Díaz Velázquez | ||
| Nacemento | 5 de marzo de 1998 (26 anos) | ||
| Lugar de nacemento | Itauguá | ||
| Altura | 1,70 m | ||
| Posición | Dianteiro | ||
| Información de club | |||
| Club actual | Corinthians | ||
| Carreira xuvenil | |||
| 2006–2008 | Tacuary | ||
| 2008–2014 | Cerro Porteño | ||
| Carreira sénior | |||
| Anos | Equipos | Aprs | (Gls) |
| 2014–2016 | Cerro Porteño | 62 | (15) |
| 2016– | Real Madrid B | 36 | (5) |
| 2017–2018 | → Lugo (ces.) | 8 | (0) |
| 2018−2019 | → Corinthians (ces.) | 1 | (0) |
| Selección nacional | |||
| 2015 | Paraguai sub-17 | 11 | (3) |
| 2015 | Paraguai sub-20 | 7 | (2) |
| 2016 | Paraguai sub-23 | 4 | (2) |
| 2017– | Paraguai | 1 | (0) |
| Na rede | |||
   | |||
|
Partidos e goles só en liga doméstica. Selección: actualizado a 12 de novembro de 2017[ editar datos en Wikidata ] | |||
Traxectoria editar
Club editar
Nado en Itauguá, cidade do Departamento Central de Paraguai, Sergio Díaz comezou a súa carreira futbolística na escola de fútbol do Club Tacuary, aínda que tan só permeneceu no club do barrio Jara da Asunción un ano. Con dez anos chega á canteira do Cerro Porteño,[1] onde en idade sub-15 consegue meter uns trinta goles, os cales lle valen para ser ascendido ao filial. Alí, tras adestrar co primeiro equipo, é comparado con Sergio "Kun" Agüero. O seu debut co primeiro equipo na Primeira División de Paraguai produciríase 27 de xuño de 2014, data na que contaba 16 anos e 3 meses, no último encontro do Torneo de Apertura. Nese partido, que supuxo a vitoria por 2−1 do seu equipo ante o Club General Díaz, entra no minuto 84.[2] O seu primeiro gol chegaría no Torneo Clausura, o 28 de setembro do mesmo ano, na décima xornada ante Club Nacional, sendo o único tanto do encontro.[3] Pouco despois, o 8 de outubro, consegue anotar dous goles na vitoria do seu equipo por 2−0 ante o Club Atlético 3 de Febrero. O 6 de novembro debuta na Copa Suramericana ante o Boca Juniors, saíndo ao terreo de xogo no minuto 62. As súas boas actuacións, incluídas as do Campionato Suramericano sub-20 coa selección paraguaia levantan o interse polo xogador do Liverpool FC e do Manchester United. En canto á liga loca, finaliza Torneo Clausura de 2014 como subcampión co Cerro Porteño e aportando oito goles.
Ao ano seguinte, no Torneo Apertura 2015, disputa o Super Clásico do fútbol paraguaio entre o Cerro Porteño e o Club Olimpia. Sergio Díaz é quen de anotar o gol que abre o marcador aos 14 minutos, converténdose así no xogador máis novo en anotrar nos clásicos con 17 anos, 1 mes e 28 días.[4] Finalmente, o encuentro finalizó 1 a 1. Nese torneo apertura, Díaz acaba anotando 5 goles e coroándose campión. Tras acabar a temporada e cumprir 18 anos, asina o seu primeiro contrato como profesional co Cerro Porteño até 2021. A nivel internacional, debuta ese mesmo ano na Copa Libertadores ante o Sport Club Corinthians, onde contribúe con brillo á vitoria do seu equipo por 3−2, conseguindo un gol e unha asistencia. Tras superar a fase previa do torneo, o Cerro Porteño consegue a súa clasificación aos oitavos de final do certame continental. O 28 de abril, recibiron ao Boca Juniors no Defensores del Chaco no partido de ida da fase eliminatoria. Díaz entrou ao partido no minuto 71, efrontándose a xogadores como Carlos Tévez e Nicolás Lodeiro, mais acabaron por perder por 2 a 1. O partido de volta xogouse o 5 de maio na Bombonera, velvendo a saír Díaz na segunda metade. Con todo, o seu equipo foi eliminado tras caer por 3 a 1.
O 1 de xullo de 2016, da finalmente o salto a Europa asinando polo Real Madrid a cambio de 5 millóns de euros máis variábeis. Co club madrileño fai a pretemporada co primeiro equipo no Canadá, sendo convocado para xogar un amigábel ante o Paris Saint-Germain, sen chegar a debutar, e xogando contra o Chelsea FC na International Champions Cup, saíndo en substitución de Álvaro Morata no minuto 66. Disputou entón o seu primeiro partido co Real Madrid con 18 anos e 147 días, utilizando a camisola co número número 38, e converténdose no segundo xogador paraguaio en xogar para os "merengues" despois de Javier Acuña. Ao comezar a temporada é asignado ao filial, o Real Madrid Castilla, onde xoga 36 partidos e anota 5 goles na Segunda División B. Ademais, xoga na Copa de Europa xuvenil da UEFA, onde se converte nun dos xogadores máis destacados do equipo con 4 goles en 8 partidos. Tras acabar a temporada, o 10 de agosto de 2017 anúnciase a súa cesión ao Club Deportivo Lugo da Segunda División.[5]
Internacional editar
Sergio Díaz é interancional coa selección de Paraguai nas categorías sub-15, sub-17, sub-20, sub-23 e absoluta. Debutou coa súa selección en competición oficial no Campionato Suramericano sub-20 do Uruguai 2015 ante Bolivia na primeira xornada do torneo, sendo o autor do segundo tanto do seu equipo na vitoria por 4−2, sendo o xogador máis novo da historia en conseguir un gol na competición con 16 anos e 10 meses. Finalmente xoga 7 partidos do torneo onde anota 2 goles. Un mes despois de participar no Suramericano Sub-20, foi escollido como parte da selección sub-17 para xogar el Suramericano da categoría no seu país. O 4 de marzo xogou o primeiro partido contra Venezuela, anotando o primeiro gol do torneo no minuto 24 de partido e conseguindo gañar finalmente por 3 a 2. Despois do verán, grazas ás súa aactuacións, foi convocado para xogar o Mundial Sub-17. No mundial debuta o 20 de outubro, onde xogou como contra Siria no primeiro partido do grupo e gañando 4 a 1. Con todo, tras xogar contra Francia, campioa de Europa da categoría, e Nova Zelandia, quedaron eliminados do torneo. Tras ser un habitual nas categorías inferiores da selección paraguaia, Díaz debuta coa selección absoluta o 2 de xuño de 2017 nun amigábel ante Francia.[6]
Estatísticas editar
| Club | Categoría | Temporada | Partidos | Goles |
|---|---|---|---|---|
| Cerro Porteño | Primeira Copa Suramericana |
2014 | 20 3 |
8 0 |
| Cerro Porteño | Primeira | 2015 | 28 | 5 |
| Cerro Porteño | Primeira Copa Libertadores |
2016 | 14 5 |
2 1 |
| Real Madrid B | Segunda B | 2016−2017 | 34 | 5 |
| Lugo | Segunda | 2017−2018 | 8 | 0 |
Notas editar
- ↑ ""Díaz irá quemando etapas", según Arce" ["Díaz irá queimando etapas", segundo Arce]. ABC Color (en castelán). 07-09-2013.
- ↑ "Cierre a lo gitano" [Peche ao xitano]. Tigo Sports (en castelán). 27-06-2014.
- ↑ "Cerro sigue escalando" [Cerro segue a escalar]. ABC Color (en castelán). 28-09-2014.
- ↑ "El gol de Díaz en el clásico rompió el récord de Roque" [O gol de Díaz no clásico rompeu o récord de Roque] (en castelán). D10.com.py. 04-05-015. Arquivado dende o orixinal o 11 de agosto de 2017. Consultado o 11 de agosto de 2017.
- ↑ "Sergio Díaz, nuevo delantero del Club Deportivo Lugo" [Sergio Díaz, novo dianteiro do Club Deportivo Lugo]. CD Lugo (en castelán). 10-08-2017.
- ↑ "Sergio Díaz, la perla Del Real Madrid Castilla, debuta con la Albirroja" [Sergio Díaz, a perla do Real Madrid Castilla, debuta coa Albirroja]. Marca (en castelán). 03-06-2017.