Primeira División de Paraguai
O Primeira División de Paraguai é a competición de máximo nivel da liga profesional de fútbol que se disputa en Paraguai, organizada pola Asociación Paraguaia de Fútbol.
| Primeira División de Paraguai | |
|---|---|
| Fundación | 1906 |
| Rexión |  Paraguai |
| Equipos | 12 |
| Actual campión | Olimpia (39º título) |
| Máis laureado | Olimpia (39 títulos) |
| Sitio web | Páxina oficial |
A competición foi inaugurada en 1906 cos 5 equipos que existían daquela no país, por iniciativa do xornalista Adolfo Riquelme. Dende a tempada 1996 divídese en dous torneos, Apertura e Clausura, aínda que ó remate da tempada había unha final para definir cal era o único campión. Dende 2008 iso xa non é así, e cada torneo está considerado un título por si mesmo.
A liga paraguaia non é das mais poderosas dentro da Conmebol, pero algúns dos seus clubs teñen amosado un gran nivel en certas ocasións, facendo que os equipos da liga sexan respectados nas competicións continentais, chegando con frecuencia ás roldas finais eliminatorias en torneos como a Copa Libertadores e a Copa Suramericana. O club máis laureado na historia do campionato é o Club Olimpia (39 títulos), seguido do Club Cerro Porteño (28 títulos), ámbolos dous da cidade de Asunción.
Na actualidade 12 equipos disputan 2 torneos cada tempada, Apertura e Clausura. O torneo Apertura dispútase na segunda metade do ano, mentres que o torneo Clausura dispútase na primeira metade do seguinte ano. Cada torneo componse de 22 xornadas, é dicir, de dúas voltas nas que cada equipo xoga fronte ós restantes 11 equipos da liga.
Equipos 2012 editar
O formato do campionato divide a tempada en dous torneos, Apertura e Clausura, cada ún composto de 22 xornadas. Tanto o gañador do torneo Apertura como o gañador do torneo Clausura son considerados campións.
Os seguintes 12 equipos disputarán o torneo Apertura 2012:
| Equipo | Cidade | Fundación | Estadio | Capacidade |
|---|---|---|---|---|
| Cerro Porteño | Asunción | 1 de outubro de 1912 | General Pablo Rojas | 32.000 |
| Cerro Porteño PF | Presidente Franco | 10 de decembro de 1967 | Estadio Cerro Porteño | 5.000 |
| Guaraní | Asunción | 12 de outubro de 1903 | Rogelio Livieres | 6.000 |
| Independiente CG | Asunción | 20 de setembro de 1925 | Ricardo Gregor | 1.500 |
| Libertad | Asunción | 30 de xullo de 1905 | Dr. Nicolás Leoz | 10.000 |
| Nacional | Asunción | 5 de xuño de 1904 | Arsenio Erico | 4.000 |
| Olimpia | Asunción | 25 de xullo de 1902 | Manuel Ferreira | 20.000 |
| Rubio Ñu | Asunción | 24 de agosto de 1913 | La Arboleda | 5.500 |
| Sol de América | Villa Elisa | 22 de marzo de 1909 | Luis Alfonso Giagni | 5.000 |
| Sp. Carapeguá | Carapeguá | 10 de febreiro de 2010 | Teniente Alcides González | 3.000 |
| Sp. Luqueño | Luque | 1 de maio de 1921 | Feliciano Cáceres | 28.000 |
| Tacuary | Asunción | 10 de decembro de 1923 | Roberto Béttega | 7.000 |
O Estadio Defensores del Chaco, fogar da selección de Paraguai, acolle regularmente os encontros de máxima rivalidade, como son os que enfrontan a Club Olimpia e a Club Cerro Porteño, e nos últimos anos tamén Club Libertad e Club Guaraní.
Palmarés editar
O palmarés da liga está claramente dominado polos equipos da capital do país, Asunción. Só dous equipos teñen interrompido ese dominio en 4 ocasións. O Club Olimpia lidera o palmarés con 39 títulos, sendo ademais o equipo paraguaio con mellor palmarés nas competicións continentais, con 3 Copas Libertadores gañadas. O Club Cerro Porteño e o outro gran dominador desta competición, con 28 títulos.
| Nº Títulos | Equipo | Campionatos obtidos |
|---|---|---|
| 39 |  Club Olimpia
|
1912, 1914, 1916, 1925, 1927, 1928, 1929, 1931. 1936, 1937, 1938, 1947, 1948, 1956, 1957, 1958, 1959, 1960, 1962, 1965, 1968, 1971, 1975, 1978, 1979, 1980, 1981, 1982, 1983, 1985, 1988, 1989, 1993, 1995, 1997, 1998, 1999, 2000, Cl-2011 |
| 28 | Club Cerro Porteño
|
1913, 1915, 1918, 1919, 1935, 1939, 1940, 1941, 1944, 1950, 1954, 1961, 1963, 1966, 1970, 1972, 1973, 1974, 1977, 1987, 1990, 1992, 1994, 1996, 2001, 2004, 2005, Ap-2009 |
| 15 | Club Libertad
|
1910, 1917, 1920, 1930, 1943, 1945, 1955, 1976, 2002, 2003, 2006, 2007, Ap-2008, Cl-2008, Cl-2010 |
| 10 | Club Guaraní
|
1906, 1907, 1921, 1923, 1949, 1964, 1967, 1969, 1984, Ap-2010 |
| 8 | Club Nacional
|
1909, 1911, 1924, 1926, 1942, 1946, Cl-2009, Ap-2011 |
| 2 |  Club Sp. Luqueño
|
1951, 1953 |
| 2 |  Club Sol de América
|
1986, 1991 |
| 1 | Club Pte. Hayes
|
1952 |