Selección de fútbol de Galicia de afeccionados
A selección de fútbol de Galicia de afeccionados é o equipo representativo de Galicia nas competicións de fútbol amador. Participou en dúas edicións da Copa das Rexións da UEFA e gañou a edición de 2023.
 | ||
|---|---|---|
| ||
| Asociación | Federación Galega de Fútbol | |
| Confederación | {{{Confederación}}} | |
| Código FIFA | ||
| Alcume | A Irmandiña | |
| Clasificación FIFA | {{{Ranking}}} | |
| Clasificación ConIFA | {{{Ranking ConIFA}}} | |
| Seleccionador | Iván Cancela
| |
| Máis encontros | ||
| Máximo goleador | ||
| Estrea internacional Asturias  5 - 1 GaliciaXixón, España; 18 de novembro de 1965 | ||
| Maior vitoria | ||
| Maior derrota | ||
Historia
editarA selección galega de afeccionados naceu en 1965, xunto a outras seleccións rexionais de afeccionados de España, co propósito de promover o fútbol non profesional e con vistas á participación na nova Copa da UEFA Amateur, que celebraría a súa primeira edición en 1967.[1] A primeira convocatoria constou de 20 futbolistas, entre eles Ramón Búa, Luis García Mosquera, Quique Costas, Machicha ou Lito.[2]
Realizou a súa estrea o 18 de setembro de 1965 contra Asturias no Molinón, caendo por 5-1.[3] Con todo, o gran pulo do equipo chegou trala creación por parte da UEFA da Copa das Rexións en 1999. Dende entón a selección amateur galega participa cada dous anos na fase nacional do torneo, cuxo campión disputa a fase final contra outras rexións europeas. En 2010, con Carlos Ballesta como seleccionador, Galicia proclamouse campioa do torneo nacional, despois de vencer a Andalucía na final de Portonovo, accedendo así á Copa das Rexións propiamente dita, celebrada en Malta en 2011.[4][5] Encadrada no grupo 1, xunto con Württemberg, Ftiótide e a selección anfitrioa, gañou por 3-1 ao equipo grego, empatou cos alemáns e goleou por 6-0 a Malta. A pesar de ter os mesmos puntos que o Württemberg, non conseguiu o pase á seguinte rolda, pois só o facía o primeiro de cada grupo e a diferenza de goles favoreceu ao equipo alemán, despois de que lle marcase 14 goles á selección de Ftiótide no último partido.[6]
En marzo de 2020 a selección galega gañou o seu segundo campionato nacional, derrotando na final a Andalucía, e conseguiu así o seu segundo pase á fase europea do torneo.[7] Esta foi adiada por mor da pandemia de COVID-19 e deu inicio en 2022. O equipo de Iván Cancela derrotou no primeiro encontro na Lomba a Liubliana (3-0) e no segundo a Xenebra.[8][9][10] No terceiro e decisivo encontro, contra Pest, adiantouse no marcador cun gol de Adri Otero, e aínda que os húngaros empataron nos instantes finais do tempo de desconto, Galicia logrou o primeiro posto do Grupo 7 e a clasificación para a fase final de 2023.[11]
Xogadores
editarÚltima convocatoria
editarActualizado a 4 de xuño de 2023.
| Pos | Xogador | Data de nacemento (idade) | Club |
|---|---|---|---|
| POR | Moncho Rodríguez | 24 de agosto de 1998 (26 anos) | UD Ourense |
| POR | Minibugy | 20 de maio de 2000 (24 anos) | Paiosaco |
| DEF | Jesús Varela | 15 de abril de 1986 (38 anos) | Alondras |
| DEF | Martín Sánchez | 13 de maio de 1995 (29 anos) | Arousa |
| DEF | Antonio | 30 de novembro de 1988 (36 anos) | Atlético Arteixo |
| DEF | Pablo Caraban | 13 de agosto de 1992 (32 anos) | Estradense |
| DEF | Cotilla | 19 de marzo de 1992 (32 anos) | Arousa |
| DEF | Iago Martínez | 5 de febreiro de 1997 (27 anos) | Rápido de Bouzas |
| MED | Kopa | 8 de outubro de 1995 (29 anos) | Choco |
| MED | Ube | 10 de agosto de 1998 (26 anos) | Choco |
| MED | Fabio | 30 de xullo de 2000 (24 anos) | Atlético Arteixo |
| MED | Juanín | 6 de abril de 1997 (27 anos) | Estradense |
| MED | Óscar Lorenzo | 28 de marzo de 2000 (24 anos) | Somozas |
| MED | Lucas | 14 de xuño de 2003 (21 anos) | Sigüeiro |
| MED | Félix Rial | 25 de maio de 1990 (34 anos) | Choco |
| MED | Iñaki Martínez | 25 de setembro de 1999 (25 anos) | Arousa |
| DIA | Álex Rey | 30 de setembro de 1992 (32 anos) | Rápido de Bouzas |
| DIA | Joni | 2 de setembro de 1993 (31 anos) | UD Ourense |
| DIA | Adri Otero | 29 de marzo de 1995 (29 anos) | Atlético Arteixo |
Palmarés
editar- Copa das Rexións da UEFA (1): 2023[12]
- Fase estatal da Copa das Rexións da UEFA (2): 2010,[13] 2020[14]
Notas
editar- ↑ "Selección Gallega de Aficionados". El Pueblo Gallego (en castelán). 11 de novembro de 1965. p. 14. Consultado o 9 de outubro de 2022.
- ↑ "Vidal, portero del Lemos". El Progreso (en castelán) (18125). 13 de novembro de 1965. p. 6. Consultado o 9 de outubro de 2022.
- ↑ "Asturias, 5 Galicia 1". La Voz de Galicia (en castelán). 19 de novembro de 1965. p. 4.
- ↑ "A selección galega gaña a Copa das Rexións da UEFA". Nós Diario. 11 de marzo de 2020. Consultado o 9 de outubro de 2022.
- ↑ "Presentada a selección galega de fútbol afeccionado que participará na VII Copa das Rexións UEFA". Xunta de Galicia. 29 de novembro de 2010. Consultado o 9 de outubro de 2022.
- ↑ "Württemberg - Fthiotida 2016". UEFA (en alemán). Arquivado dende o orixinal o 4 de marzo de 2016. Consultado o 9 de outubro de 2022.
- ↑ "A Selección Galega conquista a XII Copa das Rexións UEFA tras gañar a Andalucía". Real Federación Galega de Fútbol. 11 de marzo de 2020. Consultado o 9 de outubro de 2022.
- ↑ "Galicia - Liubliana". UEFA (en inglés). Consultado o 9 de outubro de 2022.
- ↑ "Galicia - Xenebra". UEFA (en inglés). Consultado o 9 de outubro de 2022.
- ↑ "Galicia gáñalle a Suiza e xogarase o pase aos cuartos o vindeiro mércores". 9 de outubro de 2022. Consultado o 9 de outubro de 2022.
- ↑ "Galicia certifica na Lomba o seu pase á Fase Final da Copa de Rexións UEFA". Pontevedra Viva. 13 de outubro de 2022. Consultado o 17 de outubro de 2022.
- ↑ "A Selección Galega proclámase campioa da Copa das Rexións UEFA". Real Federación Galega de Fútbol. 18 de xuño de 2023.
- ↑ "Éxtasis histórico como campeona de España". DEPOR Sport nº 1.881 (en castelán). 5 de abril de 2010. p. 18. Archived from the original on 05 de marzo de 2016. Consultado o 21 de outubro de 2015.
- ↑ A Selección Galega conquista a XII Copa das Rexións UEFA tras gañar a Andalucía Real Federación Galega de Fútbol