Scotiabank Arena

O Scotiabank Arena, a miúdo denominado simplemente coma SBA e coñecido anteriormente como Air Canada Centre, é un pavillón multifuncional situado en Toronto, Ontario. É a cancha de xogo dos Toronto Maple Leafs da NHL, e dos Toronto Raptors da NBA. O seu nome débese ao seu principal patrocinador, as liñas aéreas canadenses Air Canada.

Scotiabank Arena
Scotiabank Arena
Datos
Localización	Toronto, Ontario Canadá
Construción
Inauguración	19 de febreiro de 1999
Arquitecto	Brisbin Brook Beynon
Custo	$265 millóns USD
Estadio
Superficie	62 000 m 2
Capacidade	Hoquei: 18 819 Baloncesto: 19 800
Localía	Toronto Maple Leafs (NHL) (1999-presente) Toronto Raptors (NBA) (1999-presente) Toronto Rock (NLL) (2001-presente) Toronto Phantoms (AFL) (2001-2002)
Eventos
All-Star da NHL (2000)

Historia

O deseño do Scotiabank Arena realizouse pensando tanto no hóckey sobre xeo coma no baloncesto. Púxose a primeira pedra en 1997 e foi inaugurado o 19 de febreiro de 1999. O seu propietario é o mesmo que o do equipo da NHL dos Toronto Maple Leafs.

Eventos

Os eventos máis significativos que se realizaron neste pavillón son o All Star da NHL en 2000 e a final do Campionato do Mundo de Hoquei de 2004.

Ademais, realizáronse infinidade de concertos de música, destacando os de Avril Lavigne, KISS, Aerosmith, Bon Jovi, Guns N' Roses, Depeche Mode, David Bowie, Hilary Duff, Coldplay, U2, Paul McCartney, Radiohead, Madonna, The Rolling Stones, Elton John, Oasis, Shakira, Metallica, Iron Maiden, Red Hot Chili Peppers, Billy Talent, e John Mayer.

O 9 de outubro de 2009 Kylie Minogue actuou por primeira vez no ACC así como no Canadá.

Galería

• 
  Scotiabank Arena visto dende a Torre CN.
• 
  Scotiabank Arena.
• 
  Interior do pavillón.
• 
  Cancha dos Raptors.
• 

Véxase tamén

Ligazóns externas

• Web oficial do Scotiabank Arena
• Seats3D - Mapa interactivo de asentos do Scotiabank Arena para os Maple Leafs
• Seats3D - Mapa interactivo de asentos do Scotiabank Arena para os Toronto Raptors