Salvador Pérez-Labarta Pillado

Salvador Pérez-Labarta Pillado
	;
Biografía
Nacemento	25 de maio de 1909 ; Ribadeo, España
Morte	10 de novembro de 1938 (29 anos); Provincia de Lleida, España
Causa da morte	morte en combate (batalla do Segre)
Alcalde de Viveiro
	agosto de 1936 – 1936 ; ← Balbino Cerdeiras – Ramón Palmeiro Maseda →
Datos persoais
Educación	Universidade de Santiago de Compostela
Actividade
Ocupación	xornalista, político
Carreira militar
Conflito	guerra civil española

Salvador Pérez-Labarta Pillado, nado en Ribadeo o 25 de maio de 1909 e finado na provincia de Lleida o 10 de novembro de 1938, foi un xornalista e político galego.

Traxectoria

Fillo de Salvador Pérez Labarta, farmacéutico de Ribadeo, e Remedios Pillado Miranda, dona do pazo de Grallal. Fixo o bacharelato en Lugo. Membro da Juventud Católica de Viveiro, foi director de Heraldo de Vivero en 1929.^[1] Na República foi correspondente de Alborada en Viveiro, onde publicou varios artigos. Militante do Bloque Nacional, foi elixido presidente do comité de Viveiro en decembro de 1935.^[2] Despois afiliouse a Falange.

Co golpe de Estado do 18 de xullo de 1936 foi nomeado alcalde de Viveiro a principios de agosto.^[3] Cesou ao pouco tempo para marchar á fronte. Fíxose alférez provisional de Infantería na Academia de Granada, participou nalgúns combates e foi ferido, retornando a Lugo onde estivo hospitalizado. Colaborou en El Pueblo Gallego, Martín Codax, Imperio, Cartel, e deu un ciclo de "charlas nacionalsindicalistas" en Radio Lugo.^[4] Licenciouse en Dereito na Universidade de Santiago de Compostela en xaneiro de 1938.^[5] Volveu á fronte como oficial da Lexión Española o e morreu na fronte do Segre o 10 de novembro de 1938.^[6]

O seu irmán José María Pérez-Labarta Pillado, que ao mando dun grupo de falanxistas asaltou os locais de Unión Radio de Valencia o 10 de xullo de 1936, foi detido, xulgado e condenado a morte, sendo fusilado en Valencia o 30 de decembro de 1936.

Recoñecementos

O concello de Viveiro deulle o nome Hermanos Pérez Labarta a unha rúa en Covas en 1943,^[7] e colocou no salón de sesións unha lápida de mármore na súa honra.

Notas

↑ Correo de Galicia, 22-12-1929, p. 10.
↑ Alborada, 28-12-1935, p. 1.
↑ El Progreso, 5-8-1936, p. 4.
↑ El Progreso, 14-7-1937, p. 4.
↑ El Pueblo Gallego, 25-1-1938, p. 7.
↑ El Progreso, 15-11-1938, p. 1.
↑ El Progreso, 31-10-1943, p. 4.

Véxase tamén

Bibliografía

Donapétry, Juan (1951). "Juan Dutton y sus descendientes". Boletín de la Comisión Provincial de Monumentos Históricos y Artísticos de Lugo IV (36): 263–267.

Predecesor:
Balbino Cerdeiras Rey

Alcalde de Viveiro
1936

Sucesor:
Ramón Palmeiro Maseda

[1] Correo de Galicia, 22-12-1929, p. 10.

[2] Alborada, 28-12-1935, p. 1.

[3] El Progreso, 5-8-1936, p. 4.

[4] El Progreso, 14-7-1937, p. 4.

[5] El Pueblo Gallego, 25-1-1938, p. 7.

[6] El Progreso, 15-11-1938, p. 1.

[7] El Progreso, 31-10-1943, p. 4.

[1]

[2]

[3]

[4]

[5]

[6]

[7]

Biografía

Nacemento	25 de maio de 1909 Ribadeo, España
Morte	10 de novembro de 1938 (29 anos) Provincia de Lleida, España
Causa da morte	morte en combate (batalla do Segre)

Alcalde de Viveiro
agosto de 1936 – 1936 ← Balbino Cerdeiras – Ramón Palmeiro Maseda →

Datos persoais
Educación	Universidade de Santiago de Compostela
Actividade
Ocupación	xornalista, político
Carreira militar
Conflito	guerra civil española