Abrir o menú principal

Falange Española de las JONS (1934)

partido político español
Bandeira da FE de las JONS

Falange Española de las Juntas de Ofensiva Nacional Sindicalista (FE de las JONS, en galego: Falanxe Española das Xuntas de Ofensiva Nacional Sindicalista) foi un partido político español fundado o 15 de febreiro de 1934 resultado da unificación de Falange Española, máis próximos aos fascistas italianos cós nacional sindicalistas das JONS, máis próximos aos nazis.

Historia e característicasEditar

Durante as negociacións José Antonio Primo de Rivera, o líder de FE aceptou boa parte da simboloxía das JONS, dirixidas por Ramiro Ledesma Ramos, pero o poder da nova organización quedou en mans dos falanxistas por medio dun triunvirato no que participaban dous falanxistas e un xonsista. As relacións entre xonsistas e falanxistas non foron fáciles e xa en setembro Primo de Rivera desmontou o triunvirato e asumiu a dirección do partido e en outubro o partido adoptou a camisola azul á que se opuñan os xonsistas por considerala unha medida fascista que os arredaba das bases traballadoras e revolucionarias. Durante a revolución de outubro, Primo de Rivera apoiou ao goberno mentres os de Ledesma Ramos eran máis reticentes a darlle o seu apoio buscando unha alianza coa CNT. A loita entre as dúas faccións fíxose máis dura co gallo da elaboración do programa do partido, no que finalmente se impuxeron as teses de Primo de Rivera, o que motivou que o 14 de xaneiro de 1935 Ledesma Ramos e outros dirixentes da antiga JONS marchasen da FE de las JONS. Non obstante, poucos militantes máis marcharon canda eles, de xeito que non conseguiron refundar a antiga JONS.

Nas eleccións de 1936 FE de las JONS presentouse en solitario, Primo de Rivera tivo o 4.6% dos votos e quedou sen escano, pero o triunfo do Frente Popular produciu unha radicalización da dereita e as xuventudes de Acción Popular pasáronse en bloque á Falanxe e na Guerra Civil española apoiou ao bando fraquista e as autoridades republicanas detiveron a Primo de Rivera que foi fusilado o 20 de novembro de 1936. O 25 de setembro de 1936 un decreto prohibiu no bando franquista toda propaganda e actividade política.[1], con todo a Falanxe seguiu a actuar contando coas súas propias milicias, prensa e organizacións[2], un novo decreto do 25 de decembro militarizou as milicias, acabando coa súa autonomía.

DisoluciónEditar

Finalmente un novo decreto de 19 de abril de 1937 unificou a organización falanxista co carlismo constituíndo a Falange Española Tradicionalista y de las JONS, disolvéndose todas as outras organizacións políticas, incluída a FE de las JONS.

O seu himno é "Cara al Sol".

NotasEditar

  1. José Peña Historia política del constitucionalismo español.Librería-Editorial Dykinson, páxina 369
  2. Josep Fontana (ed.) España bajo el franquismo, Editorial Crítica, páxina 42