Recurvirostra
Recurvirostra | |||||||||||||||
---|---|---|---|---|---|---|---|---|---|---|---|---|---|---|---|
Recurvirostra avosetta (avoceta) | |||||||||||||||
Clasificación científica | |||||||||||||||
| |||||||||||||||
Especie tipo | |||||||||||||||
Recurvirostra avosetta Linnaeus, 1758 | |||||||||||||||
Especies | |||||||||||||||
|
Recurvirostra é un xénero de aves da orde dos caradriformes, que é o tipo da familia dos recurvirróstridos.
Características
editarAs especies do xénero Recurvirostra teñen patas longas e moven dos seus picos, longos, delgados e curvados cara a arriba, e dun lado para outro cando se alimentan nas zonas húmidas, salobres ou salinas nas que habitan. A súa plumaxe é de varias cores.
Os membros deste xénero teñen as patas palmadas e nadan facilmente. A súa dieta consiste en insectos acuáticos e outros pequenos animais. En contornas como os estuarios, poden alimentarse nos lodos das marismas costeiras.
Aniñan no solo, en colonias.
Taxonomía
editarDescrición
editarO xénero foi descrito en 1758 por Linneo, na páxina 151 do volume 1 da 10ª edición do seu Systema Naturae que, daquela, incluía unha soa especie, Recurvirostra avosetta, a avoceta.[1]
Etimoloxía
editarO nome científico do xénero, Recurvirostra, está formado pola unión dos elementos ''recurvi- e -rostra, tirados do latín clásico o adxectivo recurvus, -a, -um, "dobrado" ou "curvado cara a atrás", e o substantivo rostrum, -i, "bico de ave".[2] Literalmente: "as do bico curvado".
Especies
editarO xénero comprende catro especies.[3][4]
Imagxe | Nome científico | Distribución |
---|---|---|
Recurvirostra americana | Centro e oeste dos Estados Unidos, sur da Florida, México, Saskatchewan e Alberta | |
Recurvirostra andina | Arxentina, oeste de Bolivia, norte de Chile e sur do Perú | |
Recurvirostra avosetta | Europa temperada e Asia occidental e central | |
Recurvirostra novaehollandiae | Australia |
Notas
editar- ↑ Linnaeus, Carl (1758): Systema Naturae per regna tria naturae, secundum classes, ordines, genera, species, cum characteribus, differentiis, synonymis, locis. Vol. 1 (10th ed.). Holmiae (Estocolmo): Laurentii Salvii. p. 151.
- ↑ Jobling, James A. (2010): The Helm Dictionary of Scientific Bird Names. Londres: Christopher Helm. ISBN 978-1-4081-2501-4, p. 331.
- ↑ Recurvirostra Linnaeus, 1758 no GBIF. Consultado o 26 de febreiro de 2022.
- ↑ Recurvirostra Linnaeus, 1758 no BioLib. Consultado o 26 de febreiro de 2022.
Véxase tamén
editarWikimedia Commons ten máis contidos multimedia na categoría: Recurvirostra |
Wikispecies posúe unha páxina sobre: Recurvirostra |
Ligazóns externas
editar- Recurvirostra en Avibase.