Reñosa
A reñosa ou vermelliña (Achondrostoma arcasii) é unha especie da familia de peixes ciprínidos, que vive en ríos e lagos da Península Ibérica.
| Reñosa | |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||
| Estado de conservación | |||||||||||||||||||||||||
 Vulnerable[1] | |||||||||||||||||||||||||
| Clasificación científica | |||||||||||||||||||||||||
| |||||||||||||||||||||||||
![Distribución de A. arcasii.[2]](/wiki/Ficheiro:Mapa_Achondrostoma_arcasii.png) Distribución de A. arcasii.[2]
| |||||||||||||||||||||||||
| Sinonimia | |||||||||||||||||||||||||
| |||||||||||||||||||||||||
Características editar
É unha especie de pequeno tamaño, cunha lonxitude máxima de 10 cm e un peso de 40 g, de cabeza pequena, boca subterminal coa aleta dorsal de perfil convexo, coa súa orixe situada na vertical da inserción das aletas ventrais, liña lateral moi marcada e coloración escura no dorso e encarnada na base das aletas pares.
O número de escamas no lateral oscila entre 36 e 48, presenta 7 espiñas radiais nas aletas dorsal e anal e entre 4 e 6 dentes farínxeos.
Reprodúcense entre os meses de maio e xuño, con fecundación externa, depositando os ovos sobre o substrato.
Hábitat editar
Vive en lagos e ríos de montaña, formando unha asociación característica coa especie Salmo trutta. Vive nos cursos baixos dos ríos, con leitos lamacentos e vexetación acuática palúdica, como nos afluentes do esteiro do río Miño. Tamén é a única especie autóctona que habita en lagos endorreicos, como a lagoa de Gallocanta. É unha especie endémica da Península Ibérica.
Alimentación editar
A súa alimentación é oportunista, baseada principalmente en invertebrados acuáticos, aínda que nalgúns ríos a súa alimentación ten un forte compoñente detritívoro, consumindo tamén algunhas plantas. Esta alimentación oportunista pode ter un valor adaptativo particular en ríos mediterráneos de marcada estacionalidade.
Notas editar
- ↑ Crivelli, A. J. (2006). "Achondrostoma arcasii". Lista Vermella de especies ameazadas. Versión 2015.2 (en inglés). Unión Internacional para a Conservación da Natureza. Consultado o 24 de agosto de 2015.
- ↑ "Chondrostoma arcasii (Steindachner, 1866). Bermejuela" (PDF). Atlas y Libro Rojo de los peces continentales de España (en castelán). Ministerio de Medio Ambiente. pp. 167–169.
Véxase tamén editar
Wikimedia Commons ten máis contidos multimedia na categoría: Reñosa  |
| Wikispecies posúe unha páxina sobre: Reñosa |
Bibliografía editar
- Froese, Rainer; Pauly, Daniel, eds. (Abril de 2006). "Achondrostoma arcasii". FishBase (en inglés).
Ligazóns externas editar
- "A Vermelliña". Ríos Galegos.