Ostariofisos

Os ostariofisos (Ostariophysi) son unha superorde de peixes teleósteos. Comprende un bo número de peixes de auga doce.

Un siluriforme (Pterygoplichthys multiradiatus)

Características

Caracterízanse por presentar o aparato de Weber. Adoitan ter a vexiga natatoria diferenciada nunha rexión cefálica e outra caudal.

O aparato de Weber é unha cadea de pequenos ósos (as 4-5 vértebras anteriores modificadas), que conectan a vexiga natatoria co oído interno. Actúa a modo de caixa de resonancia e amplifica as vibracións e transmíteas ó oído interno, así como as variacións de presión. Déuselle este nome en honor do anatomista e fisiólogo alemán Ernst Heinrich Weber (1795–1878).

Clasificación

Divídense en cinco ordes:

• Orde Gonorynchiformes
• Orde Cypriniformes
• Orde Characiformes
• Orde Gymnotiformes
• Orde Siluriformes

Véxase tamén