Rafael Varela Pazo

Mestre e xornalista galego

Rafael Varela Pazo, nado na Estrada o 21 de xullo de 1910 e finado no mesmo concello o 28 de febreiro de 1961,[1] foi un mestre e xornalista galego.

Rafael Varela Pazo
Nacemento21 de xullo de 1910
 A Estrada
Falecemento28 de febreiro de 1961
 A Estrada
NacionalidadeEspaña
Ocupaciónmestre e xornalista
editar datos en Wikidata ]

TraxectoriaEditar

Fillo de José Varela Puente e Francisca Pazo Tornadijo. Militou nas Irmandades da Fala e publicou poemas e textos de opinión na prensa. Dirixiu La Vanguardia, foi asiduo colaborador de El Emigrado e tamén escribiu en La Estrada e Las Riberas del Eo. Foi vicesecretario do Comité pro Monumento a Pardo de Cela constituído na Estrada en decembro de 1932.[2] Estaba anunciado como presentador do mitin galeguista da Estrada o 12 de xaneiro de 1936 no que interviron Ramón de Valenzuela, Víctor Casas e Castelao.[3] Con Ramiro Alfonso Castro Dono representaron A Estrada no enterro de Antón Vilar Ponte en marzo de 1936. Foi nomeado mestre interino de Castro de Amarante. Logo tivo que incorporarse a filas no exército franquista e combateu na guerra. Ao rematar a guerra volveu ser mestre en Castro de Amarante e despois en Matalobos. Finou nun accidente de motocicleta o 28 de febreiro de 1961.

Vida persoalEditar

Casou coa tamén mestra Encarnación Cives Tarrela e foron pais de Magdalena e Ramiro Varela Cives.

NotasEditar

  1. El Pueblo Gallego, 4-3-1961, p. 5.
  2. El Pueblo Gallego, 13-12-1932, p. 10.
  3. El Pueblo Gallego, 12-1-1936, p. 13.

Véxase taménEditar

Ligazóns externasEditar