Protectorado de Sarre

O protectorado de Sarre, que se corresponde co actual estado alemán de Sarre, estivo baixo control francés durante o período que comprende entre os anos 1947 a 1956.

Protectorado de Sarre

1947–1956
Bandeira Escudo
Fronteiras de Alemaña en 1949, Sarre en púrpura.
Capital Sarrebruck
Linguas
Goberno Protectorado baixo control da Cuarta República Francesa
Historia
 • Establecido 1947
 • Disolución 1956
Moeda Marco do Sarre
(1947-1948)
Franco do Sarre (1948-1959)

HistoriaEditar

Segundo o Tratado de Versalles (1919), Sarre quedaba baixo goberno da Sociedade de Nacións administrado por Francia, durante un período de 15 anos a contar desde 1920, como compensación das perdas sufridas polo país galo durante a Primeira Guerra Mundial. Tralos 15 anos, realízase un referéndum sobre el futuro da rexión, onde a opción da reintegración en Alemaña obtén o 90% do escrutinio, pasando a formar parte de Alemaña en 1936.

Trala Segunda Guerra Mundial, Sarre volve a dominio francés despois de súa ocupación por mandato de Nacións Unidas. Celebradas as primeras eleccións logo da guerra en 1947, o parlamento vota a unión a Francia baixo a figura dun protectorado, co nome de «Unión económica entre Francia e Sarre».

En 1954, Francia e Alemaña chegan a avinza en París co estabelecemento dun estatuto para Sarre, definindo a rexión como «Territorio Europeo», con vistas á posibilidade de albergar a capital das diferentes comunidades europeas que acabarían derivando na actual Unión Europea.

Aprobado o estatuto no parlamento, o estatuto é sometido a referéndum, gañando a opción do Non, malia ao apoio do chanceler alemán Konrad Adenauer. Debido ao fracaso da negativa do estatuto, o Primeiro Ministro francés Guy Mollet e Adenauer acordan no veciño Luxemburgo que Sarre se reintegre en Alemaña, sendo exercido este dereito o 1 de xaneiro de 1957. Iso si, economicamente permaneceu vinculada a Francia até 5 de xullo de 1959, en que finalizou tamén esta situación. Actualmente é un Land da República Federal Alemá.

DeportesEditar

Sarre participou coa súa propia delegación nos Xogos Olímpicos de 1952 en Helsinqui. Esta situación política chegou ao seu maior expoñente deportivo cando en 1953 a FIFA autoriza a selección sarrense de fútbol a enfrontarse á selección de Alemaña co gallo das eliminatorias do mundial de fútbol do ano seguinte.