The Simpsons (temporada 1)
A primeira temporada de The Simpsons foi estreada orixinalmente entre o 17 de decembro de 1989 e o 13 de maio de 1990, comezando co especial de Nadal "Simpsons Roasting on an Open Fire". Os produtores executivos para a produción da temporada foron Matt Groening, James L. Brooks e Sam Simon[1].
| Primeira temporada de The Simpsons | |
|---|---|
| Tempada de The Simpsons | |
| Orixe |  Estados Unidos |
| Nº de episodios | 13 |
| Emisión | |
| Canle orixinal | FOX |
| Emisión orixinal | 17 de decembro de 1989- 13 de maio de 1990 |
| Cronoloxía | |
A temporada foi preparada para estrearse no outono de 1989 co episodio "Some Enchanted Evening", o cal ía presentar os personaxes principais[2]. Porén, durante a primeira proxección do episodio os produtores descubriron que a animación era desastrosa e o 70% tivo que volverse facer[3]. Os produtores consideraron a cancelación da serie se o seguinte episodio tamén estaba igual de mal animado, pero só sufriu pequenos problemas de sinxela solución. Deste xeito, os produtores convenceron á FOX para atrasar a estrea ata o 17 de decembro, e estreando "Simpsons Roasting on an Open Fire" como o primeiro episodio da serie[2].
A primeira temporada gañou un Premio Emmy e recibiu catro nomeamentos máis. Aínda que as series de televisión só poden ter nomeado un episodio por categoría, "Simpsons Roasting on an Open Fire" foi considerado como un episodio especial á parte e foi nomeado xunto a "Life on the Fast Lane" para a categoría "Outstanding Animated Program"; "Life on the Fast Lane" gañou o premio. "Simpsons Roasting on an Open Fire" tamén foi nomeado a "Outstanding Editing in a Miniseries or Special", mentres que "The Call of the Simpsons" foi nomeado na categoría "Outstanding Individual Achievement in Sound Mixing for a Comedy Series or a Special". A canción principal da serie, composta por Danny Elfman, foi nomeada na categoría "Outstanding Achievement in Main Title Theme Music"[4].
Lista dos episodios editar
| # | Título orixinal (arriba) Título alternativo (abaixo) |
Dirixido por | Escrito por | Data orixinal de emisión | Código de prod. |
|---|---|---|---|---|---|
| 1-1 | "Simpsons Roasting on an Open Fire" "The Simpsons Christmas Special" | David Silverman | Mimi Pond | 17 de decembro de 1989 | 7G08 |
|
Durante as compras de Nadal, Bart escapa da vista dos pais e faise unha tatuaxe. Marge axiña o descobre e ten que usar os aforros de Nadal da familia para quitarlla. Mentres tanto, Homer entérase de que non obterá a paga extra de Nadal do Sr. Burns, polo que a familia queda sen cartos para os agasallos. Así, Homer decide agochar os problemas financeiros en segredo e consegue un traballo como Santa no centro comercial, para máis adiante comprobar que non lle dan o suficiente polo traballo. Desesperado por unha milagre, Homer e Bart acoden a unha carreira no canódromo o día de Nadal coa esperanza de gañar diñeiro. Apóstao todo nun can chamado Santa's Little Helper, que perde. O dono deste ceiba anoxado o can e Homer deixa que Bart quede con el. Logo, Homer intenta explicar que o Nadal se arruinou ese ano, pero Bart exclama que teñen un can e todos, felizmente, lle dan a benvida ao membro máis novo da familia Simpson[1]. | |||||
| 2-2 | "Bart the Genius" | David Silverman | Jon Vitti | 14 de xaneiro de 1990 | 7G02 |
|
Bart ten problemas nun exame de intelixencia e, sixilosamente, cambia o seu polo de Martin Prince, o xenio da clase. Despois de obter os resultados, o psiquiatra da escola toma a Bart por un neno moi intelixente e envíao ao Centro de aprendizaxe enriquecido para nenos superdotados. Homer comeza a tratar a Bart con respecto, pero Bart empeza a sentirse fóra de sitio entre os seus novos compañeiros de clase e está á marxe destes. Cheo de remorsos, confesa que fixo trampas no exame e, en consecuencia, volta á Escola elemental de Springfield. | |||||
| 3-3 | "Homer's Odyssey" | Wes Archer | Jay Kogen e Wallace Wolodarsky | 21 de xaneiro de 1990 | 7G03 |
|
A clase de Bart visita a Planta de enerxía nuclear de Springfield e Homer, ansioso de facer crer que está a traballar, estrélase accidentalmente co seu coche contra un tubo radioactiva, causando un pequeno incendio de xeito inmediato. Deprimido e incapaz de atopar un novo traballo, decide saltar desde unha ponte. A súa familia descobre o seu plan e intentan detelo, pero no intento están a punto de ser atropelados por un camión. Vendo a inseguridade que hai, Homer non se lanza ao baleiro e embárcase nunha cruzada de seguridade e finalmente decide ir á planta nuclear para protestar polas medidas de seguridade. Para acabar co furor de Homer, o Sr. Burns ofrécelle un traballo como inspector de seguridade na planta, cun salario incrementado, polo que Homer acepta. | |||||
| 4-4 | "There's No Disgrace Like Home" | Gregg Vanzo e Kent Butterworth | Al Jean e Mike Reiss | 28 de xaneiro de 1990 | 7G04 |
|
Homer leva á súa familia ao picnic da empresa na mansión do Sr. Burns. Marge, Bart e Lisa avergonzan a Homer e este nota que o Sr. Burns parece ter máis afinidade coas familias que se queren e se respectan mutuamente. Convencido de que as actitudes del e mais da súa familia son lamentables, lévaos a todos ao centro de terapia familiar do Dr. Marvin Monroe. Alí, cando os métodos estándar demostran o inútil que é cambiar as actitudes incivilizadas da familia, Monroe recorre á terapia de choque e conecta aos Simpson mediante eléctrodos. Axiña os Simpson comezan a electrocutar os uns aos outros, causando apagóns ao longo de Springfield[7]. | |||||
| 5-5 | "Bart the General" | David Silverman | John Swartzwelder | 4 de febreiro de 1990 | 7G05 |
|
Bart ten diversas desputas con Nelson Muntz, o abusón da escola, quen empeza a atacar a Bart todos os días despois das clases. Homer suxire que se enfronte a el nunha pelexa, solución que non dá resultado. Desesperado, Bart visita a seu avó para pedirlle consello. Este leva a Bart para que coñeza a Herman, quen suxire que Bart organice a todos os nenos da escola para declararlle a guerra a Nelson. Bart e a súa armada atacan a Nelson e conseguen exitosamente convencelo para que deixe de amolalos[8]. | |||||
| 6-6 | "Moaning Lisa" | Wes Archer | Al Jean e Mike Reiss | 11 de febreiro de 1990 | 7G06 |
|
Lisa deprímese, o que comeza a afectar ao seu rendemento académico. Nin Marge nin Homer son capaces de facer a Lisa feliz. Unha noite, ela escoita na distancia música jazz, polo que abandona o seu cuarto para atopar a súa procedencia. Así coñece a Bleeding Gums Murphy, quen lle ensina como expresar a súa música a través do saxofón. Cando Marge leva a Lisa á escola ao outro día, suxírelle que sorría sen importar o que ela sinta. Porén, Marge ve que se lle está negado a Lisa a súa creatividade e dáse conta de que é iso o que fai que estea triste. Marge pídelle que sexa ela mesma e a familia ao completo vai ver como Murphy toco nun club local de jazz. | |||||
| 7-7 | "The Call of the Simpsons" | Wes Archer | John Swartzwelder | 18 de febreiro de 1990 | 7G09 |
|
Homer ten envexa da nova autocaravana de Flanders e diríxese a "Bob's RV Round-up" para mercar unha tamén. Ao establecerse nun campo escangallado a onde leva á familia de camping, destrúe a autocaravana. Deixa a Lisa e Marge atrás, e el e mais Bart intentan atopar o camiño de volta á civilización, con pouca sorte. Máis tarde, Homer é confundido co Bigfoot e é capturado. Marge, Bart e Lisa sálvanse e Homer é liberado, aínda que os científicos din que non poden determinar a qué especie pertence | |||||
| 8-8 | "The Telltale Head" | Rich Moore | Al Jean, Mike Reiss, Sam Simon e Matt Groening | 25 de febreiro de 1990 | 7G07 |
|
Bart faise amigo de Jimbo, Dolph, e Kearney, un grupo local de alborotadores. Para intentar impresionalos, Bart decide cortar e robar a cabeza da estatua de Jebediah Springfield. Ao outro día, a cidade enteira sofre polo vandalismo que a estatua padeceu e Bart descobre que os seus novos amigos queren atacar ao vándalo polos feitos. Sentindo remorsos, Bart confésalle á súa familia e Homer e mais Bart collen a cabeza para poñerlla de novo á estatua[11]. | |||||
| 9-9 | "Life on the Fast Lane" | David Silverman | John Swartzwelder | 18 de marzo de 1990 | 7G11 |
|
Esquecéndose do aniversario de Marge, Homer vai ao centro comercial de Springfield e cómpralle impulsivamente unha bóla de birlos. Marge non queda impresionado co agasallo e logo descobre que a intención de Homer era usala el, polo que Marge decide ir xogar aos birlos para fastidialo. Nunha canella coñece a Jacques, un encantador adestrador de birlos francés, quen lle ofrece as súas clases. Jacques comeza a levarse ben con Marge e invítaa ao seu apartamento. Aínda que ela acepta, Marge ten un dilema moral, pero ao final visita a Homer á central nuclear. | |||||
| 10-10 | "Homer's Night Out" | Rich Moore | Jon Vitti | 25 de marzo de 1990 | 7G10 |
|
Bart compra unha mini cámara espía e arránxase para conseguir sacarlle unha foto a Homer bailando cunha bailarina chamada Princesa Kashmir na despedida de solteiro dun compañeiro de traballo. Dá copias da fotografía aos seus amigos, e finalmente a imaxe comeza a circular ata que chega a Marge. Tras vela, Marge expulsa a Homer da casa, pero ao día seguinte explícalle que a ela non lle amola a situación de Homer no baile, senón que Bart o viu facelo. Esíxelle que fale con Bart para iren pedirlle desculpas á Princesa Kashmir. Homer está de acordo e di que está listo para comezar a respectar ás mulleres. | |||||
| 11-11 | "The Crepes of Wrath" | Wesley Archer e Milton Gray | George Meyer, Sam Simon, John Swartzwelder e Jon Vitti | 15 de abril de 1990 | 7G13 |
|
O director Skinner finalmente fártase das falcatruadas de Bart e propón que Bart sexa enviado a Francia como parte do programa de intercambio de estudantes. A familia está acordo e Bart viaxa a un "fermoso castelo", que en realidade era unha ruinoso establecemento dun produtor de viños. Bart é tratado coma un escravo por dous enólogos sen escrúpulos, César e Ugolin, os cales se dedican eventualmente a producir viño contaminado con anticonxelante. Mentres tanto, un neno albanés chamado Adil comeza a vivir cos Simpson. El é, sen coñecemento de Homer, un espía enviado polo seu país para obter plans nucleares. De volta a Francia, Bart consegue aprender francés e informa da actividade de César e Ugolin ás autoridades[14]. | |||||
| 12-12 | "Krusty Gets Busted" | Brad Bird | Jay Kogen e Wallace Wolodarsky | 29 de abril de 1990 | 7G12 |
|
Mentres compraba un xeado no Kwik-E-Mart, Homer é testemuña dun roubo perpetrado por un home que se cre que é Krusty o pallaso, presentador de "O show de Krusty o pallaso", o programa favorito de Bart. Krusty é enviado ao cárcere e a dirección do programa é asumida polo seu axudante, Sideshow Bob. Bart está completamente seguro que Krusty é inocente, e reúne probas para apoiar a súa inocencia. Bart dáse conta de que en realidade o roubo fora cometido por Bob, quen estaba tratando de culpar a Krusty. Bob é arrestado grazas a Bart, e Krusty agradécelle o telo salvado. | |||||
| 13-13 | "Some Enchanted Evening" | David Silverman e Kent Butterworth | Matt Groening e Sam Simon | 13 de maio de 1990 | 7G01 |
|
Marge, sentíndose pouco apreciada por Homer, fai unha chamada a unha terapeuta da emisora de radio, a cal Homer escoita no traballo. Homer, buscando chegar ao corazón de Marge, decide levala a unha cea nun restaurante de luxo e contrata a unha muller para coidar a Bart e Lisa. Envíanlles á Sra. Botz, e Bart e Lisa axiña descobren que é en realidade unha ladroa. Os nenos son capturados pola Sra. Botz, pero son liberados por Maggie. Bart e Lisa capturan á Sra. Botz e chaman á policía. Mentres tanto, Marge e Homer volven á casa e atopan á Sra. Botz atada. Homer, descoñecendo a súa verdadeira identidade, libéraa e a Sra. Botz fai un intento de fuxida xusto antes de que a policía chega para prendela. | |||||
Lanzamento en DVD editar
A caixa co DVD da primeira temporada foi posta á venda pola 20th Century Fox nos Estados Unidos e o Canadá en setembro de 2001, once anos despois de que se completase a súa primeira emisión na televisión. Con cada episodio da temporada, o DVD traía material adicional con escenas borradas, animatics e comentarios para cada un. O paquete converteuse no DVD dun programa de televisión máis vendido con 1,9 millóns de unidades, batendo o posuíndo o récord ata outubro de 2004 cando foi superado pola primeira temporada de Chappelle's Show[17].
| A primeira temporada ao completo | ||||
| Detalles[18][19] | Características especiais[18][19] | |||
|
| |||
| Datas de lanzamento | ||||
| Rexión 1 | Rexión 2 | Rexión 4 | ||
| 25 de setembro de 2001 | 24 de setembro de 2001 | 24 de setembro de 2001 | ||
Notas editar
- ↑ 1,0 1,1 Richmond, páx. 16-17.
- ↑ 2,0 2,1 Groening, Matt (2001). The Simpsons season 1 DVD commentary for the episode "Some Enchanted Evening" (DVD). 20th Century Fox.
- ↑ Silverman, David (2001). The Simpsons season 1 DVD commentary for the episode "Some Enchanted Evening" (DVD). 20th Century Fox.
- ↑ Emmy Awards official site Arquivado 15 de febreiro de 2009 en Wayback Machine. "The Simpsons" "1989 - 1990" emmys.org. Páxina visitada: 3 de xullo de 2007.
- ↑ Richmond, p. 18
- ↑ Richmond, p. 19
- ↑ Richmond, p. 20
- ↑ Richmond, p. 21
- ↑ Richmond, p. 22
- ↑ Richmond, p. 23
- ↑ Richmond, p. 24
- ↑ Richmond, p. 25
- ↑ Richmond, p. 26
- ↑ Richmond, p. 27
- ↑ Richmond, pp. 28–29
- ↑ Richmond, pp. 30–31
- ↑ Lambert, David (19-09-2004). TVshowsonDVD.com, ed. "Chapelle's Show — S1 DVD Passes The Simpsons As #1 All-Time TV-DVD; Celebrates by Announcing Season 2!". Arquivado dende o orixinal o 15-08-2007. Consultado o 03-07-2006.
- ↑ 18,0 18,1 TV Shows on DVD.com (ed.). "Simpsons, The — The Complete 1st Season". Arquivado dende o orixinal o 03-03-2007. Consultado o 08-03-2008.
- ↑ 19,0 19,1 19,2 19,3 19,4 The Simpsons Shop (ed.). "The Simpsons Season 1 DVD". Arquivado dende o orixinal o 15-03-2009. Consultado o 08-03-2008.
Véxase tamén editar
Bibliografía editar
- Richmond, Ray; Antonia Coffman (1997). Harper Collins Publishers, ed. The Simpsons: A Complete Guide to our Favorite Family. pp. 14–15. ISBN 0-00-638898-1.
Outros artigos editar
Ligazóns externas editar
- Temporada 1 en TheSimpsons.com
- Temporada 1 na BBC
- Temporada 1Arquivado 30 de setembro de 2007 en Wayback Machine. en TV.com