20th Century Fox
Twentieth Century Fox Film Corporation, tamén coñecida como 20th Century Fox ou 20th Century Fox Pictures, é un dos seis maiores estudios de cinema estadounidenses. Localízase en Century City, na cidade dos Ánxeles, e o estudio é unha filial da compañía News Corporation, propiedade de Rupert Murdoch.
| 20th Century Fox | |
|---|---|
 Estudios da Fox, Os Ánxeles. | |
| Tipo | Filial de News Corporation |
| Fundación | 31 de maio de 1935[1] (trala fusión da Fox Films (fundada en 1915) coa 20th Century Pictures, Inc. (fundada en 1933) |
| Localización | Fox Plaza, Century City, Os Ánxeles,  Estados Unidos |
| Fundador | Joseph M. Schenck Darryl F. Zanuck |
| Industria | Produción cinematográfica |
| Produtos | Filmes e telefilmes |
| Páxina web | www.foxmovies.com |
A compañía foi fundada o 31 de maio de 1935[1] como resultado da fusión entre a Fox Film Corporation, fundada por William Fox en 1915, e a Twentieth Century Pictures, fundada en 1933 por Darryl F. Zanuck, Joseph M. Schenck e William Goetz.
Entre as súas franquías cinematográficas máis coñecidas destacan a dos filmes de Star Wars, Ice Age, X-Men, Die Hard, Alien e O planeta dos simios. Na televisión atopamos series como The Simpsons, M*A*S*H, The X-Files, Family Guy, Glee e 24. Entre as actrices que acadaron grande popularidade grazas ó estudio destacan Shirley Temple, que foi a primeira estrela cinematográfica da compañía, Betty Grable, Gene Tierney, Marilyn Monroe e Jayne Mansfield. O estudio tamén foi o primeiro que contratou unha estrela do cine afroamericana, Dorothy Dandridge.
20th Century Fox é membro da Motion Picture Association of America (MPAA).[2]
NotasEditar
- ↑ 1,0 1,1 "20th Century Fox: Chronology". Consultado o 11 de maio de 2013.
- ↑ "Motion Picture Association of America;- About us". Consultado o 11 de maio de 2013.
Véxase taménEditar
Wikimedia Commons ten máis contidos multimedia na categoría: 20th Century Fox  |