Ponte dos Tirantes
Coordenadas: 42°26′04″N 08°38′11″O / 42.43444, -8.63639
A Ponte de Tirantes é unha ponte atirantada que cruza o río Lérez na cidade de Pontevedra, unindo a beira sur coa norte á altura do Pazo de Congresos da cidade.
| Ponte dos Tirantes | |
|---|---|
 | |
| Localización | |
| Río | Lérez |
| Concello | Pontevedra |
| Provincia | Pontevedra |
| Características | |
| Construción | 1993 - 1995 |
| Lonxitude | 125 m |
| Ancho | 20 m |
| Tipo | Ponte atirantada |
| Material | Formigón armado |
Deseñada por Leonardo Fernández Troyano e Francisco Javier Manterola Armisen en 1992, foi inaugurada en 1995. É unha das 33 pontes máis singulares de España.[1]
HistoriaEditar
A construción da ponte foi proxectada pola Xunta de Galicia para conectar as dúas beiras do río Lérez a principios dos anos 90 como parte dun gran proxecto urbanístico para o desenvolvemento da zona nordés da cidade, nos terreos desecados dunha antiga marisma.
O proxecto incluíu a construción do Pazo de Congresos de Pontevedra e unha ponte atirantada para servir de saída da cidade cara ao norte. O xurado do concurso de anteproxectos da ponte, presidido polo conselleiro de Obras Públicas, Xosé Cuíña, deu a coñecer o seu fallo o 15 de decembro de 1991.[2]
A construción da ponte comezou en abril de 1993[3] e estivo condicionada polas mareas da ría de Pontevedra, con variacións do nivel do mar de máis de 4 metros. Isto obrigou a un proceso de construción independente da auga e a ponte tivo que ser construída por beirís sucesivos.
O 13 de maio de 1995, a estrutura foi sometida a unha proba de carga, cun total de 480.000 kg distribuídos en 16 camións que provocaron unha deformación máxima de 19,3 cm no taboleiro inferior. Unha vez concluída con éxito esta proba de carga, a ponte abriuse ao tráfico o 26 de maio de 1995 e desde entón converteuse nun dos símbolos da modernidade da cidade.[4]
DescriciónEditar
A ponte ten unha lonxitude total entre piares de 125 metros sen apoios intermedios, e conta cun gran piar inclinado de formigón armado de 63 metros de altura[5] do que saen 17 pares de tirantes, os da parte dianteira suxeitando o taboleiro de vigas caixón de formigón, e os da parte traseira apoiados en dúas bases de formigón no chan, que serven de contrapeso para equilibrar os esforzos do piar inclinado. A anchura do taboleiro da ponte é de 20 metros.[6]
O taboleiro da ponte está atirantado no eixo mediante dous planos de cables xemelgos, que se ancoran no centro da sección cada 6 metros cunha separación de 0,70 metros entre eles. O gran piar inclinado serve de ancoraxe para os tirantes dianteiros que soportan o taboleiro da ponte e os tirantes de compensación.
A forma en que se percibe a ponte está condicionada polas condicións meteorolóxicas. As variacións da luz, ou a intensidade do vento, cambian a percepción da ponte cando o vento balancea os seus tirantes e produce un ruído característico.
No seu deseño orixinal tiña 4 carrís de circulación, pero en 2013 eliminouse un deles para integrar un carril bici.[7]
Os tirantes de aceiro reflíctense na auga e cando hai vento fan un ruído moi característico e espectacular.
Galería de imaxesEditar
A ponte dos Tirantes vista desde o oeste
Ponte dos Tirantes
Ponte e Auditorio
Piar inclinado e bases en formigón armado
Piar inclinado e cables
O Auditorio e a ponte de fondo
A ponte entre as árbores
Vista nocturna da ponte
.jpg)
.jpg)
.jpg)
NotasEditar
- ↑ "El puente de los Tirantes figura ya entre los 33 más singulares de España". La Voz de Galicia (en castelán). 24 de xullo de 2004.
- ↑ "El consulting Fernández Casado diseña Puente de los Tirantes". La Voz de Galicia (en castelán). 15 de decembro de 2018.
- ↑ ""El puente de los Tirantes parece como una puerta de entrada a la ciudad"". La Voz de Galicia (en castelán). 24 de xullo de 2012.
- ↑ "Prueba de resistencia y apertura del quinto puente". La Voz de Galicia (en castelán). 13 de maio de 2017.
- ↑ "Los técnicos supervisan Os Tirantes a 63 metros de altura". Diario de Pontevedra (en castelán). 22 de marzo de 2019.
- ↑ "El consulting Fernández Casado diseña Puente de los Tirantes". La Voz de Galicia (en castelán). 15 de decembro de 2018.
- ↑ "El puente de los tirantes ya tiene carril-bici". La Voz de Galicia (en castelán). 3 de abril de 2013.
Véxase taménEditar
| Wikimedia Commons ten máis contidos multimedia na categoría: Ponte dos Tirantes |