Phebe Hemphill
Phebe Hemphill, nada en West Chester, Pensilvania, o 25 de abril de 1960, é unha escultora e gravadora estadounidense vinculada á Casa da Moeda dos Estados Unidos, recoñecida polos seus deseños de moedas estadounidenses circulantes e conmemorativas.
  | |
| Biografía | |
|---|---|
| Nacemento | 25 de abril de 1960 (64 anos) West Chester, Estados Unidos de América (pt)  |
| Datos persoais | |
| Residencia | Filadelfia |
| País de nacionalidade | Estados Unidos de América |
| Educación | Academia de Belas-Artes da Pensilvânia (pt) (–1987) Agnes Irwin School (en) (–1978) |
| Actividade | |
| Ocupación | escultora , medallista |
| Empregador | Casa da Moeda dos Estados Unidos (2006–) McFarlane Toys (pt) (2002–2005) Franklin Mint (en) (1987–2002) |
Traxectoria editar
Hemphill naceu o 25 de abril de 1960 en West Chester, Pensilvania,[1] filla de Dallett Hemphill e de Ann Cornwell.[2][3] Varios membros da súa familia, entre eles o seu pai e o seu avó, estaban interesados no coleccionismo de moedas e medallas. Unha das súas fontes de inspiración foi o seu avó Gibbons Gray Cornwell, que se dedicou á escultura en baixorrelevo e quen, pola súa vez, se vira influído por unha familiar, Martha Jackson Cornwell, que fora alumna de Augustus Saint-Gaudens,[1][4] na década de 1890, na Arts Students League.[5]
Hemphill asistiu á escola feminina Agnes Irwin, en Filadelfia, Pensilvania, onde se graduou en 1978.[6] Posteriormente formouse como artista na Academia de Belas Artes de Pensilvania, onde se graduou en 1987, e tamén foi alumna do escultor Evangelos Frudakis.[1][5][7][8]
Concluída a súa etapa formativa, en 1987 Hemphill incorporouse ao departamento de escultura da ceca privada Franklin Mint, onde permaneceu ata 2002, traballando en porcelana e na arte da medalla. De 2002 a 2005 traballou como escultora independente en McFarlane Toys, en Bloomingdale, Nova Jersey, e tamén para outras empresas, creando medallas, bonecas, figuriñas de xardín e xoguetes, entre outros traballos.[1][5][7]
Desde 2006 está vinculada profesionalmente á Casa da Moeda dos Estados Unidos, na súa Ceca de Filadelfia.[1][7][9] Como creadora de moedas, Hemphill admite a influencia e amosa a súa admiración por outros artistas que a precederon, como os estadounidenses Adolph A. Weinman e Augustus Saint-Gaudens, ou os franceses Jules Clement Chaplain, Oscar Roty e Daniel Dupuis.[1][5]
No seu traballo utiliza métodos tanto dixitais como tradicionais, ademais de crear deseños das moedas e as medallas en discos de arxila de tamaño máis grande.[8][10]
Sobre a súa dedicación ao deseño e o gravado de medallas e moedas, Hemphill declarou:[8]
| “ | A mellor razón para facer traballos tradicionais agora é a capacidade de percepción da profundidade [...] Dado que traballamos en relevos tan pouco profundos, é un xeito moi importante e viable de facelo. | ” |
A obra de Hemphill foi exposta na Sociedade Nacional de Escultura, na Asociación Americana de Escultura Medallística, na FAN Gallery de Filadelfia[8] e na West Chester University.[5][7]
Recoñecementos editar
Obra editar
Na Casa da Moeda dos Estados Unidos, ademais de se encargar do gravado de cuños sobre deseños doutros autores, Hemphill foi tamén a autora do deseño dun bo número de moedas e medallas. En todas elas, a modo de marca de gravadora, figuran as súas iniciais: PH.[1][5][7]
Escolma de traballos editar
- Anversos da serie do dólar presidencial: John Tyler (2009),[11] James Buchanan (2010),[12] James Garfield (2011),[13] Benjamin Harrison (2012),[14] William McKinley (2013),[15] Calvin Coolidge (2014),[16] Herbert Hoover (2014),[17] Gerald Ford (2016).[18]
- ½ dólar conmemorativo dos xenerais de 5 estrelas (2013).[19]
- Reversos de cuartos de dólar dos 50 estados: Oklahoma (2008).[20]
- Reversos de cuartos de dólar do Distrito de Columbia e dos territorios dos Estados Unidos: Illas Marianas do Norte (2009).[21]
- Reversos de cuartos de dólar da serie America the Beautiful: Gran Canón (2010),[22] Mount Hood (2010),[23] White Mountain (2013),[24] Shenandoah (2014).[25]
- Reverso das Moedas conmemorativas do 50º aniversario do Apollo 11 (2919).[26][27][28][29]
- Reverso de moedas dun dólar Sacagawea: Elizabeth Peratrovich (2020).[30]
-
-
1 dólar (2010). J. Buchanan. -
1 dólar (2011). J. A. Garfield. -
1 dólar (2012). B. Harrison. -
1 dólar (2013). W. McKinley. -
1 dólar (2014). C. Coolidge. -
1 dólar (2014). H. Hoover. -
1 dólar (2016). G. Ford. -
Dólar Sacagawea (2020). E. Peratrovich. -
Moedas do 50º aniv. do Apollo 11 (2019). -
¼ dólar (2008). Oklahoma. -
¼ dólar (2009). Marianas do Norte. -
¼ dólar (2010). Gran Canón. -
¼ dólar (2010). Mount Hood. -
¼ dólar (2014). Shenandoah.
Notas editar
- ↑ 1,0 1,1 1,2 1,3 1,4 1,5 1,6 1,7 1,8 "Hemphill, Phebe (1960- ) sculptor". Medalartists.com
- ↑ "Dallett Hemphill". Findagrave.com
- ↑ Price, B. (1998). "Dallett Hemphill, 74; W. Chester Lawyer". En The Philadelphia Inquirer. 5 de novembro.
- ↑ "Cornwell, Martha Jackson". En Leonard, J. W. (1914). Woman's Who's who of America: A Biographical Dictionary of Contemporary Women of the United States and Canada, 1914-1915. American commonwealth Company, Nova York. Páxina 207.
- ↑ 5,0 5,1 5,2 5,3 5,4 5,5 5,6 5,7 "CoinWeek IQ Coin Designer’s Profile: Phebe Hemphill". En Coin Week. 26 de agosto de 2015.
- ↑ "Sculpting History into Gold Medals". En AIS Magazine. Primavera de 2013. Páxina 27.
- ↑ 7,0 7,1 7,2 7,3 7,4 7,5 7,6 "Phebe Hemphill". United States Mint.
- ↑ 8,0 8,1 8,2 8,3 Loviglio, J. (2016). "PAFA Alum's Creations Right in Your Pocket". Pennsylvania Academy of the Fine Arts (PAFA.org). 3 de febreiro.
- ↑ "Medallic sculptors join U.S. Mint staff". En Numismatic News. 21 de xullo de 2008.
- ↑ Unser, M. (23013). "US Mint Artists at Philadelphia Sculpt Digitally and in Clay". En CoinNews.net. 6 de setembro.
- ↑ "John Tyler Presidential $1 Coin". United States Mint.
- ↑ "James Buchanan Presidential $1 Coin". United States Mint.
- ↑ "James Garfield Presidential $1 Coin". United States Mint.
- ↑ "Benjamin Harrison Presidential $1 Coin". United States Mint.
- ↑ "William McKinley Presidential $1 Coin". United States Mint.
- ↑ "Calvin Coolidge Presidential $1 Coin". United States Mint.
- ↑ "Herbert Hoover Presidential $1 Coin". United States Mint.
- ↑ "Gerald R. Ford Presidential $1 Coin". United States Mint.
- ↑ "½ Dollar US Army 5-Star Generals". Numista.com
- ↑ "Oklahoma State Quarter". United States Mint.
- ↑ "Northern Mariana Islands Quarter". United States Mint.
- ↑ "¼ Dollar "Washington Quarter" Grand Canyon". Numista.com
- ↑ "¼ Dollar "Washington Quarter" Mount Hood". Numista.com
- ↑ "¼ Dollar "Washington Quarter" White Mountain". Numista.com
- ↑ "¼ Dollar "Washington Quarter" Shenandoah National Park". Numista.com
- ↑ "Apollo 11 50th Anniversary $5 Gold Coin". United States Mint.
- ↑ "Apollo 11 50th Anniversary Silver Dollar Coin". United States Mint.
- ↑ "Apollo 11 50th Anniversary Five Ounce Proof Silver Coin". United States Mint.
- ↑ "Apollo 11 50th Anniversary Clad Half Dollar Coin". United States Mint.
- ↑ "2020 Native American $1 Coin". US Mint.