Pesqueiras, Salvaterra de Miño

Pesqueiras
	Pesqueiras dende o Monte Castelo.
Concello	Salvaterra de Miño
Provincia	Pontevedra
Coordenadas	42°06′54″N 8°29′55″O / 42.115033, -8.49874
Poboación	513 hab. (2014)
Entidades de poboación	13
	[ editar datos en Wikidata ]

Para outras páxinas con títulos homónimos véxase: Pesqueiras.

Santa Mariña de Pesqueiras é unha parroquia que se localiza no concello de Salvaterra de Miño. Segundo o padrón municipal de 2004 tiña 570 habitantes (306 mulleres e 264 homes), distribuídos en 5 entidades de poboación, o que supón unha diminución en relación ao ano 1999 cando tiña 611 habitantes. Segundo o IGE, no 2014 a súa poboación descendera ata os 513 habitantes, sendo 242 homes e 271 mulleres.

Patrimonio

No cumio do monte Castelo, xunto a Outeiriño, áchase a ermida da Nosa Señora da Asunción,^[2]^[3] sobre un antigo castro romanizado, encravada nunha enorme pedra granítica. O acceso ao seu interior faise a través dun pórtico realizado en pedra con arco apuntado de medio punto culminado por pequena estrutura a xeito de torre espadana. No seu interior pódense admirar diversos signos de forma serpentiforme, así como gravados que asemellan ferraduras nunha situación próxima ao altar. Segundo a tradición popular reza unha lenda que di: "No teitume da ermida existe unha cruz, que aínda que se intenta borrar, reaparece sempre de novo".

No lugar do Rial e da Fontarcade hai un peto de ánimas. Está situado nun cruzamento de camiños e consiste nun pequeno pedestal no que descansa unha fornela enmarcada por columnas, no interior das cales se fai unha representación iconográfica das ánimas do purgatorio en actitude suplicante envolvidas nun purificador lume. Na parte inferior e superior a imaxe da Virxe co Neno semella interceder por elas. Unha inscrición presente no propio peto de ánimas parece relacionar a súa construción coa devoción dun fregués "Felipe Álvarez", invitando a rezar pola súa alma todo viaxeiro que por alí pasase.

Galería de imaxes

Igrexa parroquial.
Peto.
Capela da Asunción, Monte Castelo.
Altar da Capela.

Lugares e parroquias

Lugares de Pesqueiras

Lugares da parroquia de Pesqueiras no concello de Salvaterra de Miño (Pontevedra)
O Alboeiro \| As Arcas \| Chan da Igrexa \| Coruxo \| A Fernal \| A Fontarcade \| Gallamonde \| Gandarela \| A Laranxeira \| O Outeiriño \| O Rial \| O Ruxiago \| Salcide

Parroquias de Salvaterra de Miño

Galicia \| Provincia de Pontevedra \| Parroquias de Salvaterra de Miño
Alxén (San Paio) \| Arantei (San Pedro) \| Cabreira (San Miguel) \| Corzáns (San Miguel) \| Fiolledo (San Paio) \| Fornelos (San Xoán) \| Leirado (San Salvador) \| Lira (San Simón) \| Lourido (Santo André) \| Meder (Santo Adrián) \| Oleiros (Santa María) \| Pesqueiras (Santa Mariña) \| Porto (San Paulo) \| Salvaterra (San Lourenzo) \| Soutolobre (Santa Comba) \| Uma (Santo André) \| Vilacova (San Xoán)

Notas

↑ ^1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
↑ "Capela da Asunción de Monte Castelo". Galicia Máxica.
↑ Ermida da Nosa Señora da Asunción na páxina web colaborativa Patrimonio Galego.

Véxase tamén

Outros artigos

Lugares de Salvaterra de Miño

[nomenclátor-1] 1,0 ^1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.

[2] "Capela da Asunción de Monte Castelo". Galicia Máxica.

[3] Ermida da Nosa Señora da Asunción na páxina web colaborativa Patrimonio Galego.

[1]

[2]

[3]

Pesqueiras
Pesqueiras dende o Monte Castelo.
Concello	Salvaterra de Miño^[1]
Provincia	Pontevedra
Coordenadas	42°06′54″N 8°29′55″O / 42.115033, -8.49874
Poboación	513 hab. (2014)
Entidades de poboación	13^[1]
[ editar datos en Wikidata ]