Patricia Otero Rodríguez

Patricia Otero Rodríguez, nada en Monforte de Lemos o 15 de abril de 1979, é unha avogada e política galega do PSdG-PSOE, deputada no Parlamento de Galicia pola Circunscrición electoral de Lugo.

Patricia Otero Rodríguez

Biografía
Nacemento	15 de abril de 1979 (45 anos) Monforte de Lemos, España
Deputada do Parlamento de Galicia
2020 –
Concelleiro
Datos persoais
País de nacionalidade	España
Educación	Universidade de Santiago de Compostela
Actividade
Ocupación	avogada , política
Partido político	Partido dos Socialistas de Galicia
Lingua	Lingua castelá e lingua galega

Papeleta das Eleccións ao Parlamento de Galicia de 2020.

Traxectoria

É licenciada en Dereito pola Universidade de Santiago de Compostela. Foi concelleira e 2ª tenente de alcalde de Burela tralas eleccións municipais de 2015. Concorreu ás primarias para a Secretaría provincial do PSdeG-PSOE de Lugo en decembro de 2017, quedando en terceira posición tralo concelleiro en Friol e deputado provincial Álvaro Santos (elixido en primeira volta) e o alcalde de Castroverde Xosé María Arias Fernández. Causou alta como deputada autonómica o 11 de setembro de 2018 en substitución de José Antonio Quiroga Díaz.

Trala dimisión de Álvaro Santos en xuño de 2019 concorreu novamente ás primarias pola secretaría provincial no mes de xullo, sendo elixida nesta ocasión cun 68% dos votos fronte ao alcalde de Castroverde Arias Fernández. Nas Eleccións ao Parlamento de Galicia de 2020 encabezou a lista do PSdG-PSOE pola Circunscrición electoral de Lugo, renovando a acta de deputada autonómica. Dende decembro de 2021 é Secretaria de Pesca na Executiva Nacional Galega encabezada por Valentín González Formoso, cesando como secretaria provincial en Lugo ao non concorrer á reelección no Congreso de febreiro de 2022.

Véxase tamén

Ligazóns externas

• Parlamento de Galicia Arquivado 12 de agosto de 2020 en Wayback Machine.