Peter Ilisch

Peter Ilisch, nado o 28 de abril de 1947 en Billerbeck, Renania do Norte-Westfalia e finado o 29 de maio de 2023, foi un numismático e historiador alemán especialista na moeda medieval e moderna.

Peter Ilisch

Biografía
Nacemento	1947. Billerbeck, Alemaña
Morte	29 de maio de 2023 (76 anos)
Datos persoais
País de nacionalidade	Alemá
Educación	Universidade de Münster.
Coñecido por	Moeda medieval e moderna.
Actividade
Campo de traballo	Numismática.
Ocupación	numismático , historiador
Influencias	Peter Berghaus
Lingua	Lingua alemá
Premios
- (2005): Premio de honra da GIG. - (2015): Jeton de Vermeil (SFN). - (2021): Eligiuspreis (DNG).

Era o irmán máis novo do tamén numismático Lutz Ilisch.

Traxectoria

Peter Ilisch estudou Folclore, Historia e Ciencias Auxilares da Historia (con especialidade en Numismática) na Universidade de Münster, onde se graduou en 1971 e obtivo o seu título de Magister Artium, cunha tese sobre a historia agraria máis antiga da súa localidade natal, Billerbeck. Logo da súa graduación tivo unha estadía de investigación no Museo Estatal de Westfalia e en 1974 acadou o doutoramento, cunha tese dirixida por Peter Berghaus acerca do achado de moedas e a circulación do diñeiro en Westfalia na Idade Media e en época moderna.

Xa como doutor exerceu o seu labor investigador no Rijksmuseum Twenthe, nos Países Baixos, e tamén no Instituto de Folclore Relixioso da Universidade de Münster, en 1977-1978. Ademais, Ilisch participou tamén no comité editorial da publicación Numismatischen Nachrichtenblatts, da Asociación Numismática Alemá.

Entre outros cargos, de 1979 a 2012 foi o asesor científico do Museo Estatal de Westfalia en Münster e director do seu gabinete numismático e da colección sixilográfica. Entre 1980 e 2014 foi tamén un dos representantes do Estado de Renania do Norte-Westfalia na Comisión Numismática dos Estados da República Federal de Alemaña. Ademais, Peter Ilisch é membro de pleno dereito da Comisión de Antigüidades de Westfalia, desde 1998.

No ámbito académico, Ilisch ocupou a praza de profesor de Numismática que deixou Peter Berghaus na Universidade de Münster.

Un aspecto salientable na súa traxectoria numismática é a participación no proxecto internacional Medieval European Coinage, do Museo Fitzwilliam, da Universidade de Cambridge.

Entre 2012 e 2018 participou, de xeito autónomo, no proxecto Wczesnośredniowieczne znaleziska monet z Polski ("Achados monetarios da alta Idade Media en Polonia"), do Instituto de Arqueoloxía e Etnoloxía da Academia de Ciencias de Polonia.

Recoñecementos

• (2005): Premio da Sociedade de Historia Monetaria Internacional.
• (2015): Jeton de Vermeil, da Société française de numismatique.
• (2021): Eligiuspreis, da Sociedade Numismática Alemá.

Publicacións

Ilisch foi un autor prolífico, con numerosos artigos e colaboracións en diversas revistas numismáticas e tamén cun bo número de traballos monográficos. Esta é unha escolma das monografías que publicou ao longo da súa carreira:

• (1975). Ein Schulte und acht Kötter : Unters. zur Sozialgeschichte d. Münsterlandes im 17. u. 18. Jh. Verein für Heimatkunde, Billerbeck.
• (1980). Münzfunde und Geldumlauf in Westfalen in Mittelalter und Neuzeit. Aschendorff, Münster. ISBN 978-3-402-06081-0
• (1982). Westfälische Münzgeschichte der Neuzeit vom 16. bis zum 18. Jahrhundert. WLKK, Münster. ISBN 978-3-88789-058-2
• (1985). Geschichte der Pfarrgemeinde St. Bartholomäus Laer. Pfarrgemeinde St.Bartholomäus, Laer.
• (1986). Kleine lippische Münzgeschichte. Sparkasse, Detmold.
• (1991). Münzschatzfunde aus Westfalen. Landschaftsverb. Westfalen-Lippe, Münster. ISBN 978-3-88789-103-9
• (1992). Die Patrozinien Westfalens von den Anfängen bis zum Ende des Alten Reiches. Aschendorff, Münster. ISBN 978-3-402-03838-3
• (1994). Kaiser Konrad II. auf einem Kölner Pfennig. WLKK, Münster.
• (1994). Die mittelalterliche Münzprägung der Bischöfe von Münster. WLKK, Münster. ISBN 978-3-88789-117-6
• (1997). Eine 'Kippermünze' 1622 von Sayn-Wittgenstein-Berleburg. WLKK, Münster.
• (1997). Der Münzschatzfund von Rödinghausen. Gemeinde Rödinghausen. ISBN 3-9801709-5-0
• (1999). Ein Sesterz des Domitian. WLKK, Münster.
• (1999). Kleine Corveyer Münzgeschichte. Volksbank, Paderbon.
• (2000). Ein goldener Noble aus Unna-Siddinghausen. WLKK, Münster.
• (2001). Eine Tetradrachme aus Kyme. WLKK, Münster.
• (2004). Die Fritzlarer Colonia-Prägung des 11. Jahrhunderts. Numismatische Gesellschaft 1956, Kassel. ISBN 978-3-00-015140-8
• (2007). Das Münzwesen im Stift Corvey 1541-1794 (con A. Schwede). Bonifatius, Paderborn. ISBN 978-3-89710-382-5
• (2012). Münzfunde der Jahre 1999 bis 2010 in Westfalen-Lippe Arquivado 27 de outubro de 2020 en Wayback Machine.. LWL-Archäologie für Westfalen, Münster.
• (2013). Westfalia Numismatica 2013. Numismatischer Verl. der Münzhandlung Künker, Osnabrück. ISBN 978-3-941357-03-7
• (2013-2017). Frühmittelalterliche Münzfunde aus Polen (con M. Bogucki e S. Suchodolski). Institut für Archäologie und Ethnologie. Polnischen Akademie der Wissenschaften, Varsovia.
  • (2013). Inventar 4: Kleinpolen Schlesien. ISBN 978-83-63760-19-9
  • (2015). Inventar 3: Masowien Podlachien Mittelpolen. ISBN 978-83-63760-61-8
  • (2016). Inventar 2: Pommern. ISBN 978-83-63760-84-7
  • (2017). Inventar 1: Grosspolen. ISBN 978-83-63760-84-7
• (2014). Olfen. Historischer Atlas westfälischer Städe. Historische Kommission für Westfalen, Münster. ISBN 978-3870233693
• (2017). Metelen. Historischer Atlas westfälischer Städe. Historische Kommission für Westfalen, Münster. ISBN 978-3-87023-391-4
• (2020). Das Amt Dülmen. Aschendorff, Münster. ISBN 978-3-402-15131-0
• (2020). Horstmar. Historischer Atlas westfälischer Städe. Historische Kommission für Westfalen, Münster. ISBN 978-3-87023-446-1

Véxase tamén

Bibliografía

• Dethlefs, G.; Pol, A.; Wittenbrink, S. (eds.) (2012). Nummi Docent! Münzen - Schätze - Funde. Festschrift zum 65. Geburtstag von Peter Ilisch am 28. April 2012. Fritz Rudolf Künker, Osnabrück. ISBN 978-3-941357-02-0