Peter Berghaus
Peter L. Berghaus, nado o 20 de novembro de 1919 en Hamburgo e finado o 16 de novembro 2012 en Münster, foi un numismático alemán, especialista en moeda medieval e fundador da chamada "Escola numismática de Hamburgo" (Hamburger Schule).
| Biografía | |
|---|---|
| Nacemento | 20 de novembro de 1919. Hamburgo, Alemaña  |
| Morte | 16 de novembro de 2012 (92 anos) Münster. Renania do Norte-Westfalia Alemaña |
| Datos persoais | |
| País de nacionalidade | Alemá |
| Educación | Universidade de Hamburgo. |
| Coñecido por | Fundador da Hamburger Schule. |
| Actividade | |
| Campo de traballo | Numismática. |
| Ocupación | numismático |
| Membro de | |
| Influencias | |
| Influencias en | |
| Lingua | Lingua alemá |
| Familia | |
| Cónxuxe | Inge Berghaus. |
| Premios | |
| - (1974): Premio de honra da GIG. - 1979: Medalla Elias Brenner (SNF). - (1979): Medalla da RNS. - (1984): Medalla Huntington (ANS). - (2004): Eligiuspreis (DNG). | |
Traxectoria editar
Berghaus foi o máis novo de catro irmáns e quedou orfo de pai e nai na súa xuventude. Desde moi novo sentiu atracción polo coleccionismo de moedas e con 18 anos ingresou na Asociación de Amigos da Moeda da súa cidade.[1]
Berghaus cursou a súa educación secundaria no Gelehrtenschule des Johanneums de Hamburgo, caracterizado pola súa formación humanística, e alí formouse nas linguas latina e grega.[2]
De camiño participou como solado na segunda guerra mundial, en diferentes países europeos.[1][2]
Finalizada a guerra, Berghaus cursou os estudos superiores de Historia, Folclore e Historia da Arte na súa cidade natal. Posteriormente acadou o seu doutoramento na Universidade de Hamburgo cunha tese dirixida polo seu profesor de Numismática, Walter Hävernick, e por Hermann Aubin, acerca das fronteiras monetarias medievais na rexión do Alto Weser.[1][3] Este estudo, publicado en 1951, considérase como o primeiro traballo académico da Escola Numismática de Hamburgo.[4]
A partir de 1950 comezou a traballar no gabinete numismático do Museo Estatal de Arte e Historia Cultural de Westfalia, no que inicialmente se encargou da organización do departamento de Historia Local. En 1972 foi nomeado subdirector do museo e, desde 1977 ata a súa xubilación en 1984, desempeñou o cargo de director.[1][4][5]
En 1954, Berghaus foi elixido membro da Comisión Histórica de Westfalia, e en 2006 pasou a ser membro correspondente. En 1967 fundou a Sociedade Alemá de Amigos da Medalla, xunto con Georg Wimmelmann e Otto Marzinek.[5][6] Entre 1973 e 1986 formou parte do comité directivo da Comisión Internacional de Numismática, da que chegou a ser vicepresidente en 1979.[7] Ademais, entre 1972 e 1992 foi vicepresidente da Sociedade Numismática Alemá.[1][5]
Berghaus foi profesor de Numismática desde 1955 na Universidade de Münster e en 1961 outorgóuselle a condición de profesor honorario.[8]
A participación de Berghaus foi indispensable no proceso de identificación de moedas de procedencia alemá nos achados monetarios suecos do período viquingo, en 1950, xunto con Vera Hatz e Gert Hatz.
Os estudos de Berghaus supoñen unha contribución importante á numismática medieval, cun particular interese na época viquinga, na zona de Westfalia e, nunha primeira etapa, na historia das investigacións numismáticas. A el débeselle a introdución da técnica da comparación dos cuños nos estudos de numismática medieval, que xa fora utilizado con aterioridade para a moeda antiga por investigadores como F. Imhoof-Blumer ou Kurt Regling.[9]
Por outra banda, á marxe do ámbito numismático, desde 1962 foi un dos membros fundadores do Rotary Club de Münster-St. Mauritz, desde o que, a partir de 1970, se desenvolveron proxectos para o desenvolvemento da India.[1][5]
Recoñecementos editar
- (1974): Premio de honra da Sociedade de Historia Monetaria Internacional.[10]
- (1979): Medalla Elias Brenner, da Sociedade Numismática Sueca.[11]
- (1979): Medalla da Royal Numismatic Society, de Londres.[12]
- (1984): Medalla Huntington, da American Numismatic Society, de Nova York.[13]
- (2004): Eligiuspreis, da Deutsche Numismatische Gesellschaft.[14]
Publicacións editar
Esta é unha escolma dalgunhas das monografías máis salientables publicadas por Berghaus ao longo da súa traxectoria académica:[15][16]
- (1951). Währungsgrenzen des westfälischen Oberwesergebietes im Spätmittelalter. Museum für Hamburgische Geschichte, Hamburgo.
- (1967). Anglo-friesische Runensolidi im Lichte des Neufundes von Schweindorf (Ostfriesland). VS Verlag für Sozialwissenschaften. ISBN 978-3-663-02306-7
- (1974). Westfälische Münzgeschichte des Mittelalters. Landesmuseum für Kunst und Kulturgeschichte, Münster. [Segunda edición en 1985].
- (1978). Die Münzen von Dortmund. Stadtsparkasse, Dortmund.
- (1990). Der Münzschatz von Querenburg in der Bochumer Universität. Brockmeyer, Bochum. ISBN 3-88339-821-7
- (1995). Numismatische Literatur 1500-1864. Die Entwicklung der Methoden einer Wissenschaft (con Herausgeber). Harrassowitz, Wiesbaden. ISBN 3-447-03729-6
- (1999). Denar - Sterling - Goldgulden. Ausgewählte Schriften zur Numismatik (con G. Hatz, P. Ilisch e B. Kluge). Künker, Osnabrück. ISBN 3-9801644-3-8
- (2006). Münzkabinett der Universität Uppsala. Deutsche Münzen der Wikingerzeit sowie des hohen und späten Mittelalters (con H. Mäkeler). Uppsala Universitet. ISBN 978-9155466039
Notas editar
- ↑ 1,0 1,1 1,2 1,3 1,4 1,5 Kampmann, U. (2012).
- ↑ 2,0 2,1 Mäkeler, H. (2012) Arquivado 03 de agosto de 2019 en Wayback Machine.. Páxina 78.
- ↑ Mäkeler, H. (2012) Arquivado 03 de agosto de 2019 en Wayback Machine.. Páxina 79.
- ↑ 4,0 4,1 Mäkeler, H. (2012) Arquivado 03 de agosto de 2019 en Wayback Machine.. Páxina 80.
- ↑ 5,0 5,1 5,2 5,3 Dethlefs, G.; Steguweit, W. (2012).
- ↑ Weber, I. S. (2010). "Erkenntnisse zum Medaillenschaffen des schwäbischen Bildhauers Fritz Nuss (1907-1999)". En Jahrbuch für Numismatik und Geldgeschichte. 60. Páxinas 207-242, 231-233.
- ↑ Mäkeler, H. (2012) Arquivado 03 de agosto de 2019 en Wayback Machine.. Páxina 78.
- ↑ Mäkeler, H. (2012) Arquivado 03 de agosto de 2019 en Wayback Machine.. Páxina 82.
- ↑ Mäkeler, H. (2012) Arquivado 03 de agosto de 2019 en Wayback Machine.. Páxina 81.
- ↑ "Gesellschaft für Internationale Geldgeschichte". www.gig-geldgeschichte.de. Consultado o 2021-05-28.
- ↑ "SNF:s Elias Brenner-medalj för förtjänsterinom numismatiken". Svenska Numismatiska Föreningen.
- ↑ "The Society’s Medal". Royal Numismatic Society.
- ↑ "Recipients of the Huntington Medal Award". American Numismatic Society.
- ↑ "Eligiuspreisträger 1996-2005". Sitio web da DNG.
- ↑ "Mäkeler, H. (1999). "Numismatische Veröffentlichungen von Peter Berghaus". Hendrik.makeler.eu
- ↑ "Berghaus, Peter 1919-2012 Arquivado 08 de maio de 2021 en Wayback Machine.". Digital Library Numis.
Véxase tamén editar
Bibliografía editar
- Albrecht, T.; Sander-Berke, A. (eds.) (1989). Festschrift für Peter Berghaus. Zum 70. Geburtstag. Scriptorium, Münster.
- Dethlefs, G.; Steguweit, W. (2012). "Nachruf auf Prof. Dr. Peter Berghaus (20.11.1919 - 16.11.2012)". Deutsche Gesellschaft für Medaillenkunst e.V. 16 de novembro.
- Fischer, T.; Ilisch, P. (eds.) (1981). Lagom. Festschrift für Peter Berghaus zum 60. Geburtstag am 20. November 1979. Numismatischer Verlag der Münzenhandlung Dombrowski, Münster. ISBN 3-921507-03-0
- Kampmann, U. (2012). "Peter Berghaus (1919-2012)". En Coins Weekly. 22 de novembro.
- Mäkeler, H. (2012). "Peter Berghaus (1919-2012) Arquivado 03 de agosto de 2019 en Wayback Machine.". En Compte rendu 59. International Numismatic Council. Páxinas 78-82.