Pío IX, papa

(Redirección desde «Pío IX»)

Beato Pío IX tamén coñecido como Pío Nono, nado en Senigallia o 13 de maio de 1792 e finado en Roma o 7 de febreiro de 1878, foi un relixioso italiano, Sumo Pontífice, derradeiro soberano temporal dos Estados Pontificios, bispo de Roma e papa número 255 da Igrexa católica dende o 16 de xuño de 1846 ata a súa morte.

Infotaula de personaPío IX, papa

(1875) Editar o valor em Wikidata
Nome orixinal(la) Pius PP. IX Editar o valor em Wikidata
Biografía
Nacemento(it) Giovanni Maria Battista Pietro Pellegrino Isidoro Mastai-Ferretti Editar o valor em Wikidata
13 de maio de 1792 Editar o valor em Wikidata
Senigallia (Estados Pontificios) Editar o valor em Wikidata
Morte7 de febreiro de 1878 Editar o valor em Wikidata (85 anos)
Palacio Vaticano (Reino de Italia) Editar o valor em Wikidata
Causa da morteMorte natural Editar o valor em Wikidata (Infarto agudo de miocardio Editar o valor em Wikidata)
Lugar de sepulturaTomb of Pius IX (en) Traducir Editar o valor em Wikidata
255º Papa
16 de xuño de 1846 – 7 de febreiro de 1878
← Gregorio XVILeón XIII →
Cardeal Santos Marcelino e Pedro (pt) Traducir
14 de decembro de 1840 – 7 de febreiro de 1878
← Giacomo Giustiniani (pt) TraducirGaetano Baluffi (pt) Traducir →
Bispo diocesano
17 de decembro de 1832 – 21 de setembro de 1846
← Giacomo Giustiniani (pt) TraducirGaetano Baluffi (pt) Traducir →
Archbishop of Spoleto (en) Traducir
3 de xuño de 1827 –
← Mario Ancaiani (en) TraducirIgnazio Giovanni Cadolini (pt) Traducir →
Diocese: Archdiocese of Spoleto (en) Traducir
Editar o valor em Wikidata
Datos persoais
País de nacionalidadeReino de Italia (1861–1878)
Estados Pontificios Editar o valor em Wikidata
RelixiónIgrexa católica Editar o valor em Wikidata
EducaciónPontificia Universidade Gregoriana Editar o valor em Wikidata
Actividade
Lugar de traballo Roma
Estados Pontificios Editar o valor em Wikidata
Ocupaciónsacerdote católico (1819–), diplomático Editar o valor em Wikidata
LinguaLingua italiana e lingua latina Editar o valor em Wikidata
Orde relixiosaOrde Franciscana Editar o valor em Wikidata
ConsagraciónPío VIII, papa Editar o valor em Wikidata
Enaltecemento
Día de festividade relixiosa7 de febreiro Editar o valor em Wikidata
Participou en
8 de decembro de 1869Concilio Vaticano Primeiro
1846Conclave de 1846 (pt) Traducir Editar o valor em Wikidata
Outro
TítuloConde Editar o valor em Wikidata
FamiliaMastai family (en) Traducir Editar o valor em Wikidata
Cónxuxesen valor Editar o valor em Wikidata
PaisConte Girolamo Mastai Ferretti (en) Traducir Editar o valor em Wikidata  e Caterina Solazzi (en) Traducir Editar o valor em Wikidata
Sinatura
Editar o valor em Wikidata

Editar o valor em Wikidata

Musicbrainz: edaa6e47-ca7c-4287-89a3-1fd2ebd95ce6 WikiTree: Mastai-Ferretti-1 Find a Grave: 8806690 Editar o valor em Wikidata

Antes da súa elección, o seu nome era Giovanni Maria Mastai Ferretti. O seu pontificado de 31 anos e medio foi o máis longo da historia da Igrexa católica, exceptuando a tradición de que San Pedro, o apóstolo, estivo a cargo da Igrexa por un período de entre 34 e 37 anos.

Traxectoria editar

Giovanni Maria Mastai Ferretti naceu no seo dunha familia da nobreza. De mozo, quixo facer carreira na Garda Nobre, pero tras ser rexeitado a causa da súa epilepsia decidiu estudar teoloxía no seminario de Roma. Foi ordenado sacerdote en abril de 1819.

Ó principio, traballou como reitor do Instituto Tata Giovanni ata que foi enviado a Chile e o Perú (1823-1825) para axudar ó nuncio apostólico, Monseñor Giovanni Muzi, na primeira misión na Suramérica posrevolucionaria[1]. Regresou a Roma para dirixi-lo hospital de San Michele (1825-1827) e para ocupa-lo cargo de cóengo de Santa Maria in Via Lata.

En 1827, ós 35 anos de idade, foi nomeado arcebispo de Spoleto. Da súa etapa neste cargo destaca a amnistía que logrou para os que participaron nunha infrutuosa revolución que en 1831 se estendera a aquela cidade. Este feito fíxolle gañar fama de liberal. Ó ano seguinte dese suceso, foi trasladado á prestixiosa diocese de Imola, onde foi nomeado cardeal in pectore en 1839. En 1840, foi proclamado publicamente cardeal presbítero de Santi Pietro e Marcellino. Segundo os historiadores, o cardeal Mastai Ferretti foi considerado un liberal durante o seu episcopado en Spoleto e Imola porque apoiaba a reforma administrativas nos Estados Papais e simpatizaba co movemento nacionalista en Italia.

Elección papal editar

O conclave de 1846, que seguiu á morte de Gregorio XVI, tivo lugar nun momento de ambiente político inestable en Italia. Isto motivou que varios cardeais estranxeiros decidisen non asistir ó conclave. Ó seu comezo, só estaban presentes 46 dos 62 cardeais.

Ademais, o conclave de 1846 foi escenario dunha división entre conservadores e liberais. Os conservadores apoiaban ó cardeal Luigi Lambruschini, o secretario de Estado de Gregorio XVI. Os liberais, en cambio, apoiaban a dous candidatos: o cardeal Gizzi e o cardeal Mastai Ferretti. Na primeira votación, Mastai Ferretti obtivo quince votos e os demais votos foron para Lambruschini e Gizzi. Moitos pensaban que se Lambruschini non resultaba elixido, seríao Gizzi con toda probabilidade.

Chegado o conclave a un punto morto a causa do desacordo, os liberais e moderados decidiron votar por Mastai Ferretti - unha manobra que foi contraria ó sentir xeral de boa parte de Europa. O segundo día do conclave, o 16 de xuño de 1846, Mastai Ferretti foi elixido papa cunha maioría de 36 votos, mentres que Lambruschini só obtivo dez; Gizzi non recibiu ningún voto. Dado que era de noite, non se realizou ningún anuncio formal agás a fumata branca. Moitos católicos asumiron que Gizzi fora escollido como sucesor de San Pedro. De feito, empezou a haber celebracións na súa cidade natal e os seus axudantes, de acordo cunha antiga tradición, queimaron as súas vestiduras cardinalicias.

Á mañá seguinte, anunciouse a elección do cardeal Mastai Ferretti ante o que debeu de ser unha sorprendida multitude de católicos. Por suposto, cando o novo papa apareceu no balcón, o clima foi de xúbilo. Mastai Ferretti escolleu o nome de Pío IX en honra de Pío VII.

Pío IX foi coroado o 21 de xuño e nomeou a Gizzi secretario de Estado. Os liberais europeos aplaudiron a súa elección como sumo pontífice.

Papado editar

Pío IX tiña fama de ser un home culto e de ideas liberais. Cando saíu elixido, proclamou amnistía para os presos con delitos políticos e instituíu a Consulta, un órgano consultivo de representación popular que garantía máis liberdade para os cidadáns dos Estados Pontificios.

Durante as revolucións de 1848 en Roma proclamouse a República e o Papa tivo que fuxir de Roma disfrazado de monxe. Cando os seus territorios lle foron restituídos polos franceses, volveu animado por propósitos menos liberais.

Os seguintes actos que levo a cabo, tanto políticos como relixiosos foron encamiñados a salva-los Estados Pontificios, ameazados pola unificación dos territorios italianos que estaba levando a cabo o reino de Piemonte; en particular hai que destaca-la proclamación do dogma da Inmaculada Concepción, a convocatoria do Concilio Vaticano Primeiro, onde se proclamou a infalibilidade papal.

O esforzo de Pío IX foi en van. En 1870 o exército piemontés entrou en Roma.

Pío IX negouse a recoñece-lo reino de Italia, a establecer relacións diplomáticas con el e excomungou o rei. Os últimos anos do seu pontificado viviunos en condicións de illamento nos palacios do Vaticano, ata a súa morte en 1878.

Foi beatificado polo Papa Xoán Paulo II en 2000.

Notas editar


 
 Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.