Os nenos

Os nenos, é unha colección de relatos breves do pontevedrés Xosé Filgueira Valverde, publicada en 1925 por Lar.

Os nenos
Primeira edición con correccións manuscritas.
Autor/a	Xosé Filgueira Valverde.
Ilustrador/a	Luis Pintos Fonseca.
Cuberta	Castelao
Orixe	España
Lingua	Galego
Xénero(s)	Prosa literaria: relatos breves
Editorial	Lar
Data de pub.	setembro de 1925
Páxinas	30
ISBN	978-84-92923-61-8
[ editar datos en Wikidata ]

Descrición

É a primeira obra de narrativa de Filgueira, con ilustración e as letras capitulares en linóleo de Luis Pintos Fonseca, e cuberta e contracuberta de Alfonso Daniel Rodríguez Castelao.

“	Entre o pazo de Briáns i-o de Brandobre, os Témes i-os Mariños fixéran unha fonte no adral da eirexa...	”
—XFV, comezo de Os nenos

Os relatos de Os nenos volveron aparecer, publicados por Editorial Galaxia en 1971, formando parte do libro Quintana viva.

Contido

Está composta por quince relatos, que, daquela, non levaron título, porén si foron titulados cando reapareceron en Quintana viva (1971):

“Xenreira” “Corpus” “Os xogos” “Vinganza” “O pomar” “A miña España” “O mal” “O ben”

“Medo” “Doenza” “Festas” “Avoa Clara” “Cantiga” “A nena e a moneca” “Nos maios”

Reedición

En abril de 2015, co gallo de adicárselle ao autor o Día das Letras Galegas dese ano, o Consello da Cultura Galega, do que o profesor Filgueira fora presidente, reeditou Os nenos, en edición facsímile, con limiar de Ramón Villares, os estudos críticos "Un latexar pola causa galega" de Fina Casalderrey (literario), "Filgueira Valverde e Pintos Fonseca" de Miguel Fernández-Cid (artístico) e sete ilustracións de David Pintor, sumando arredor dun cento de páxinas.

Véxase tamén

Bibliografía

• Os nenos, en PDF (2015) CCG (descarga directa, 2 MB, non inclúe as ilustracións de David Pintor). ISBN 978-84-92923-61-8.

Outros artigos

• Seminario de Estudos Galegos

Ligazóns externas

• "O Consello da Cultura Galega reedita Os nenos, obra literaria de Filgueira Valverde que dá as claves..." 10/4/2015, CCG.